الصقر

البارت 22

المتصل :بتكلم عن اللي ليه مصلحه فريد يموت عشان خاطر ياخد شركات اللي مكتوبه باسمه الحقيقه واضحه قدامك بس انتي اللي عامله نفسك مش شايفها
و قفل المكالمه و تاج حست انها تايها معقول صقر يكون هو اللي ورا قتل ابوها
و اتقفلت المكالمه و سعيد ابتسم لان صوت تاج المهزوز اثبت ليه هز ثقتها في صقر .....دايرتك بتتقفل يا معلم صقر و اللي جاي لسه احلي

صقر بيفكر في كلام عزيز و افتكر كل ذكرياته مع فريد و خصوصا اول يوم عرفه فيه

فلاش باك:-

صقر قاعد بيقلب في ورق و جنبه كوبايه شاي بيشرب فيها و اتفجئ بعربيات وقفت قصاد مكتبه ف بص باستغراب ليها و دقايق و كان دخل فريد و كان وراه الحرس بتاعه

فريد: صقر العطار

صقر بصله و بص للرجاله اللي معاه..... اه مين حضرتك بقي لامؤخذه

فريد ابتسم و قعد: فريد المرشدي

صقر: اهلا خير

فريد ابتسم : علي طول كدا مش هتقدم ينا واجب الضيافه يا معلم

صقر بص ليه بشك و عدم ارتياح..... لا مؤخذه وجبك هيوصلك واد يا زينهم  و جيه شاب بسرعه.... نعم يا معلم

صقر: شوف البهوات يشربو اي

فريد: انا عايز قهوه مظبوط و شوف رجاله عايزه ايه و استنوني باره

صقر مد ايده اخد كوبايه شاي و شرب منها و ثواني و كان زينهم جاب القهوه و صقر قاعد مستنيه يتكلم

فريد مد ايده اخد كوبايه القهوه..... ندخل في الموضوع اللي انا جاي عشانه

صقر باقتضاب: ياااريت

فريد: انا في ارض اخدتها و عايز ابني عليها كام عماره و عرفت انك مقاول شاطر و هتعملي طلبي

صقر :تمام فين المكان دا

فريد : في ٦ اكتوبر هتاخد كام

صقر : اما اشوف الارض هقولك

فريد :طب تمام قوم دلوقتي نروح نشوفها

صقر :انا مش فاضي دلوقتي

فريد  بص حواليه و ساله باستغراب:انا مش شايف معاك حد و اما هخدك و هرجعك لحد هنا

صقر:علي اساس يعني اني مش هعرف ارجع لوحدي
ما توزن كلامك كدا و اعرف انت بتتكلم مع مين

فريد ابتسم : أنا عارف يا معلم صقر انا بتعامل مع مين بس هقولك نصيحه خدها من اخ كبير الرزق مابيحبش المماطله و اي قرش يدخلك انت اولي بيه احسن ما يروح لغيرك

صقر :ما يروح يجي الف غيره

فريد : يبقي انت مش عايز تكبر

صقر بص لي باقتضاب و اتكلم بكبرياء..... اسمع يا حاج وفر نصايحك دي لنفسك سكتي انا راسمها و عارف انا هعمل اي اما اظبط وقتي هكلمك احدد معاك معاد نشوف ارضك اشرب قهوتك عشان بردت