الكـاتبة مـَلاك
x.2hi1يوزر الأنستا للتواصل
مشاهدة مُمتعة
***************
مهرة:كعدت لكيت نفسي بل مستشفى ومحد يمي توني اريد اكوم دخل علية رجال طويلل اسمر ولابس اسود وانا كبل كمتت ردت اروح وماخلاني
ايار: مايصير ترحين ههسَ خل يخلص المغذي واخذج
مهرة:كضني من ايدي وانا كبل ابتعدت عنهه
مهرة: وخرر عني منو انتَ ورجعت فقدت وضليت اصرخ واملخ نفسي هوه صاح الدكتوره ينطوني مهدء حاول بكل طريقة يكضني ماكدر اجت الدكتوره وهوه كضني علمود تنطيني مهدء ونبتت اضافريي بأيده وهوه ماكو لا حساس ولاشي ما وخر عني الى ان بعد فقدت
ريحانة: اجت مهرة شافت امي وضلت تصرخ وفقدتت وطاحت واجو ياخذون امي يغسلون الها ومهرة طايحة والنسوان ملتمه عليها شويه واجه رجال دخل طويل واسمراني كال لـ غدير بنت عمي ساعديني نشيلها نوديها للمستشفى جان اكو مره ما اعرفها كالتله شنو تشيلها وحرام واحنه نشيلها ونوديها وهوه كال لـ غدير تحركيي وشال مهرة وغدير راحت ويا والنسوان ضلن يحجن رحنة انا واخواتي للمغيسل
واخواتي يصرخنن ويبجنن وانا ملختت روحي رادو يروحون يدفنون امي وماخلونة احنه البنات نروح وضلينه نبجي توسلنه بيهم ميار ماتت بجي بس ماخلونه نروح اجو ولد عمي وعمامي كلهم ورجعونه ومتأكده لو جانت مهرة ويانه لوشيصير تخليهم ياخذونه
رجعنه للبيت ومهرة ماكو والنسوان هواي بيتنه وكرايبنه واحنه بعدنه نبجي واخواتي كطعن روحهن ميار عمرها 10سنوات وحيلل متعلقة بـ امي وهيه الصغيره بينة فيروز عمرها15
وديتهن بغرفة وحدهن نومت ميار كوه نامت بقيت يمها فيروز وطلعت اشوف مهرة ما جابوها توني طلعت سديت باب الغرفة ورحت كبل اريد انزل جوه وطلع بوجهي مصطفى ابن عمي من الغرفه انردمت بي وهوه طويلل حيلل
ريحانة:اسفة
مصطفى: عادي ماصار شي… وين رايحه؟
ريحانة:وين اروح مثلاً اريد اشوف مهرة وين
مصطفى:كافي ريحانة لاتبجين لا تشوفج مهرة وهم تطيح بل زايد
ريحانة:امي ميتهه شلون ما ابجي قابل تريدني اضحك لو اركص
مصطفى: ماقصدي هيج بس اكلج صيري قويه كدام اخواتج واسيهن والحزن بل كلب
ريحانة: عفته واكف ورحت كبل نزلت ادور على مهرة بس ما لكيتهاا صعدت ادور جهازي علمود اتصل على غدير دخلت للغرفه اتصلت عليها ما شالته. اتصلت مره ثانيه فتحت خط
ريحانة: الوو غدير طمنيني على مهرة
غدير:شطمنج كعدت وملخت روحهاا وانطيناها مهدء
ريحانة:غدير ديري بالج عليهاا ولا تعوفيها بحدها ابقي يمها
غدير: اكيد ماتوصيني
ريحانة: زين شوكت تجون
غدير: بس تكعد نجيبها
ريحانة: منو هذا الرجال لي دخل وشال مهرة
غدير: ايار ابن خالي
ريحانة: اوكِ يلا باي رايحة اشوف البنات
غدير: باي
*************
مهرة: كعدت لكيت غدير بنت عمي يمي والرجال نفسة كاعد يمها ع الكرسي ضليت اصرخخ واعيط
مهرة: شجابننيي هناا اريدد اروح طلعونيي بساع ما اريدد ابقى
ايار: اهدئي ويلا ههسَ نطلع
مهرة: طلعنه وماادري بلوكت متأخر وماخذين امي ودافنينها مالحكت عليها وصلنه وعبالي الكاها ومالكيتهاا!!!!
مهرة: ريحانة وينن امييي خذوهااا مالحكتتت عليهااا ماشفتههاا ݪيـش خليتييهمممم ضليت اصرخ وابچي لعبت لعب بل عياط والـ صريخ دخلو علينه اعمامي…
