Hanbin X Ricky One Short Collection

My Secretary

မနက်ခင်း​လေးတစ်ခုမှာ နှိုးစက်​လေးဟာသူရဲ့တာဝန်အတိုင်း အချိန်မှန်မြည်လာခဲ့ပါသည် ၊ သို့​သော်လည်းခေါင်းအုံးနဲ့​ကောက်​ပေါက်မှု​ကြောင့် ကြမ်းပြင်​ပေါ်ကို​ပြုတ်ကြကာခွမ်းခနဲ

"​​သေစမ်း!! ​နောက်ကျပြီ"

ရှပ်ပြာရှပ်ပြာနိုင်လွန်းတဲ့သူ့အ​ကြောင်းသူသိတာ​ကြောင့် မ​နေ့ညက interview အတွက်မှန်ကြည့်ပြီးအစမ်း​လေ့ကျင့်​နေတာ ၁ နာရီ​ကျော်​လောက်မှအိပ်ဖြစ်တာ​ကြောင့် မနက်မိုးလင်း​တော့ မြည်တဲ့နှိုးဆက်ကို​ခေါင်းအုံးနဲ့​ကောက်​ပေါက်ပြီး ပြန်အိပ်​နေတာ အခု ၈ နာရီထိုး​နေပြီ

​​ရေချိုးခန်းထဲ​ပြေးဝင်ပြီး အရင်လို​အေး​ဆေးမချိုးနိုင်ဘဲ မျက်နှာသစ် သွားတိုက် ​ရေတစ်ခွက်​လောင်း ဆပ်ပြာတိုက်ကာ ဆပ်ပြာ​ပြောင်ရုံ​လောက်​ရေ​လောင်းပြီး အမြန်ထွက်ကာ မ​နေ့ညထဲကပြင်ဆင်ထားတဲ့ အနက်​ရောင် formal suit ကို​ကောက်စွပ် ​​ပေါင်မုန့်တစ်ချပ်ကိုပါးစပ်မှာကိုက် ရေခဲ​သေတ္တာထဲက​စ​တော်ဘယ်ရီ နို့တစ်ဘူးယူကာ အိမ်က​နေအမြန်ထွက်လာခဲ့ရသည်။

ရစ်ခီ ကားမှတ်တိုင်​ရောက်​တော့ လိုအပ်တဲ့စာရွက်​တွေအကုန်ပါမပါပြန်စစ်ပြီး ကားအလာကိုထိုင်​စောင့်ကာ စ​တော်ဘယ်ရီနို့ဘူးသာ​သောက်​နေလိုက်သည် ၊ သူနာရီကြည့်လိုက်​တော့ ၈ နာရီခွဲနေပြီ ၊ အိမ်က​နေအကုန်ပြင်ဆင်တာက မိနစ် ၂၀ နဲ့ပြီး​ပေမယ့် သူ့စီးရမယ့်ကားကဒီ​နေ့မှ​နောက်ကျ​နေတာ​ကြောင့် သူ့မှာထိုင်မ​နေနိုင်​တော့ဘဲဖင်တကြွကြွနဲ့

​နောက်ထပ် ၁၀ မိနစ်​လောက်​နေမှ​ရောက်လာတဲ့ကား​ကြောင့် ရစ်ခီကား​ပေါ်ကိုအမြန်​ပြေးတက်ပြီး ဆင်းမယ့်တံခါးနားကလွတ်​နေတဲ့ခုံမှာသာဝင်ထိုင်လိုက်သည် ၊ ကားလမ်းမပိတ်ရင် ၉ နာရီမထိုးခင်အမှီ​ရောက်နိုင်တာ​ကြောင့် ကားလမ်းမပိတ်ဖို့ဘဲ​မျှော်လင့်သည်။

သူဆင်းရမယ့်မှတ်တိုင်​ရောက်​တော့ ၉ နာရီထိုးဖို့ ၅မိနစ်အလို ၊ ​​နောက်ကျ​နေပြီဖြစ်တာ​ကြောင့် တံခါးအဆုံးထိပွင့်တာ​တောင်​မ​စောင့်နိုင်ဘဲ​ပြေးဆင်းလာတာ ကားသမား​လှမ်းအော်တာခံလိုက်ရ​သေးသည် ၊ ဒါလည်းဂရုမစိုက်နိုင် ၅ မိနစ်အတွင်း interview ​ဖြေမယ့်အခန်း​ရှေ့​ရောက်ရမှာ​ကြောင့် သုတ်​ခြေတင်​ပြေးရ​တော့တယ် ၊ ​တော်​သေးတယ် မားမားကအရပ်ရှည်​အောင်​မွေး​ပေးထားလို့ အမြန်​​ပြေးနိုင်တာ