أسير الوطن (داخــلي يـنزف)

بارت 23

وداعة دمعتي الثابره اعيوني بجفاكم
مو زينه صحتي وكاره الدنيا من وراكم
هااا يالابعاد شگلتو ما الله هداكم
ترضون هالگد ينشلع گلب اليحبكم

تضارب بل نفس وحرارتي صعدت للستار شفت خالتي ام وثاب لو اني غلطانة

وطن: د.. دج.. دجل أرجع

دجّل: شبيج بابا شني صخنتي

وطن: ارجع... بس أتأكد من شغلة

ترجف احسها وحاولت اهديها طلبت مني انزلها حتى تروح على شي لزمتها من ايدها ورحت وراها

تتلفت وجان تلمح مرأة عبايتها مكلوبي الخدود رايحات من التزلغ وجان بصفها طفلة صغيرة

دجّل: بس احجي منو ذول

وطن: خلي اروح احضنها أبوس ايدك.

دجّل: راح اباوع من بعيد لأن ماعرفهم

ركضت عل مرأة وحضنتها..

ركضت وحضنتها بأقصى ما عندي وضليت أبجي بجي ما تتخيلو باوعت بوجهي وشافتني ورجعت كملت بجيها وياي

هالة: ولج يمة وطن أسير جان راح يروح من ايدينة

هالة: ولج والله احنة مندري بكلشي والله ولج حيعوفج

عفتها واني عيوني راح تنطفي من البجي بس صدمتي من كالت أسير حيعوفج

وطن: خالة وينة أسير

سكوت عم المكان واجت هجار تركض علي هيه و دجّل حضنتني وكالت...

هجار: يلا وطن خل نرجع للبيت حالتج تعبانه

دجّل: يلا بابا جيبي وطن وتعالو للسيارة

ألتفتت عليه وكتلة..

وطن: والله ما اعوفهم

هجار: وطن كومي يلا خلي نروح للبيت لا توكعين من جديد

وطن كتلج ما اجيي أبتعدي عني

عصبت كلش ودفعتها على أبوها باوع بوجهي وكال

دجّل: لو تعرفين هسه انتِ شنو سويتي

هجار: حرامات مع الاسف عليج والله

وطن: ولكم ليش كل هذا ديصير وياي ليش يا ربي شنو سويت واستحق كل هذا

هالة: بنيتي وطن لا تحجين هيج فدوة اروحلج
هذا قضاء ربنا ولا بيدنا شي

وطن: اني غلطت والله ولكم والله تعبت من الي ديصير

دموعها صارت مثل الشلال وشعرها الحلو احسة راح يتساقط بنتي تباوع وتبجي عليها رحت وحضنتها وهجار حضنت المرأة

استمرينة ساعة ونص على نفس الحال شفتها نامت شلتها ونزلت بيها للسيارة خليتها وقبل لا نطلع طلبت من هجار تأخر رقم المرأة نتصل بيها...