اليثكل بوجهي بعد ماريده ،
يبقة يرحل هاي ضلت بيده
عندي ناس هواي منتظرة كلام
عدهم عيد بيوم اردلهم سلام
الشمس حلوة وجو يخبل كاعدين نتغدة وسوالف وضحك وجان وطن تترخص حتى تطلع تجيب اغراض ألها ودور شغل طلعت ورة ربع ساعة وجان يدك التلفون...
_هاي شنو رقم غريب معقولة من جماعت سند الله اعلم
هجار: ألو... منو وياي
حربة: معاكي المشير قائد القوات الخاصه العراقيه و جهاز مكافحة الإرهاب
هجار: تفضل سيدي محتاج شي
حربة: لا بس اكو شخص جاين علمودة فة موجود
هجار: هذا الشخص الي جاين علمودة مات
_فاتح سبيكر وسمعنة كلنا كلامها وبصدمة حجة حربة
حربة: لا لا مو هذا بس باعي خلي افهمج
هجار: سيدي اعرف علمود منو جاي كلش زين وبصارحة مصارله فترة من توفى اذا حاب تجي وتشوف بنفسك راح ارسلك الموقع
_ سدت التلفون انصدم الكل والبنات ضلن يبجن ويصرخن كعد أسير بل كاع وكال..
أسير: ما ماتت مستحيل جاي احس بيها عايشة
دخان: كله صوجنا كله بسببنا عفناها ورحنة
دفع اسير الطبلة وكسر الكلاصات
أسير: لك لييش اني صوجي ما جنت يمها ولك ماتت واني ما ادري ولك شريكة حياتي خذلتها هيج اني واحد حقيير..
ضربتة روح راشدي بكل قوتها وضلت تصرخ بوجها
روح: انتَ صوجك والنبي انتَ واحد مطي..
آلبنيه من تحبك تريدك يمها وكت وجعها . .
تريدك يمها وكت بجيها . .
تريدك يمها وكت مرضها . .
تريدك يمها وكت الشده . .
آلبنيه تريد امان مو بس كلمه حب . .
البنيه من تحبك تتمنى تشوف حنيه الدنيا بيك . . البنيه متريدك وكت الفرح يمها ، وكت الوجع مو يمها . .
مثل ما انتَ عندك احساس ومشاعر البنيه عدها احساس وكلبها ترف ويستاهل ينحب حيل . .
شنو فايده حبك ؟ . من تحتاجك ومتلكاك
شنو فايده حبك ؟ من الحبيتها تتوجع وانتَ مو يمها . .
شنو فايده حبك ؟ وانته ملتهي بهواي امور وعايفها . .
الحب امان قبل ميكون مجرد كلمه
وآلبنيه متريد كلمات حب تريد تحس باالامان
رفع راسة وباوع عليها
أسير: واني هيج فارغ حتى اعوفها انتِ اكثر انسانة تعرف بشنو مريت ليش تسوين نفسج كلشي متعرفين
دخان: روح انتِ اكثر انسانة تعرفين بشنو مر وبعدين هية مو هم صديقتج جان اهتميتي بيها جان عرفتي موقعها وين هية
حياة: كلام دخان صحيح احنا كلنا غلطنا وكلنا اصدقائها المفروض نعرف وين راحت
_مزلغة خدودها وجها الحلو انترس خراميش وحجة حجي بغصة وتعب وعتاب ويَ أسير بدون ألم
أنت تقرأ
أسير الوطن (داخــلي يـنزف)
Actionيحكى أن هنالك شاب قد وقع في حب الوطن فأصبح أسيرآ فيه بس يا فرحة ما تمت لأنه سيصبح اسيࢪآ للغربة
