للكاتبه *ملك محمد *
"هَوَسُ ألإنتِقـامّ*
........................................
: گاعدة ومخليه إيدي ؏ خدي ولازمه الكتاب بيدي الثانيه وأقره وطبعا بحكم طبعي انو اني مو من البشر الي يختلط مع اي بشر ثاني
جاي أدرس إنتسابي(يعني انو ادرس بالبيت وفقط وقت الامتحانات اروح امتحن وارجع)
خلصت دراسه ورحت تمددت ع الجرباية ولازمه التلفون الي يعتبر هو الشي الوحيد والي ساد الي الفراغ بحياتي ، واسمع اصواتهم العاليه بين الضحك والمزح وغيرها والي باتت تزعجني كلش
جانت الدنيه ليل والساعه تقريبا ب ٩ وجاي يتعشون
وره شويه حسيت الباب مال غرفتي يندك
گلت بضوجه
: تفضل
: هوس جبتلج العشا
اكتفيت ب التمتمه
هوس: اممم
طلعت نور الي هيه أُختي الاكبر مني
أما اني إسمي هوس عمري ١٦ سنه ادرس سادس اعدادي وماعندي هدف معين بالحياة بس كلش احب الدراسه
ومريضه إكتئاب ما اطلع باب البيت ابد ولا حته الجيران يعرفون انو هلي عدهم بنيه ثانيه غير نور
بعدها رحت غيرت ملابسي ولبست تراك اسود خفيف وطبعا اني ملابسي كلهة سود حرفيا ما كو شي بي الوان
رحت تكتكت بالجهاز شويه ونمت
...............
گعدت الصبح الساعه ب ١١
تمغطت بتعب ورحت سبحت لان غرفتي بيهة حمام ف ماحاجه اطلع
طلعت من الحمام ولبست كيمونه سودة نص ردن وشورت إلفوگ الركبه بشويه اسود وفتحت الباب بهدوء باوعت ماكو احد بالطابق الثاني ونزلت ماكو كل احد بالبيت البيت فارغ
نزلت ورحت للمطبخ وفتحت الثلاجه لگيتهة مليانه اشكال واني اخذت جبس وقوطيه ببسي هوَ صح مضر واني ما ماكله اي شي بس متعودة
أخذتهن ورحت للصاله گعدت ؏ التخم ورفعت رجليه لي فوگ ولزمت الجهاز وشغلت أُغنيتي المفضلةوبثيت بلوتوث ؏الشاشه الجبيرة الي مخليهة ب الصاله
وعليت الصوت فول وبديت آكل
ما اسكت لو صار زماط
خشم عداي يصير بساط
لو اسولف تسمع نسوان
حلوات والهن رباط
خايب وينك وين تسولف
تحجيهة وكل عقلك عود
بيه اليندك اهجم بيته
رجال وبالطك مشهود
منج يالوح البسمار
قايسهم واني ادري صغار
خلي العاشرني بوجهين
وصل لاعداي الاعذار
وره فتره سمعت الباب يندك بڪِل قووة
تعاجزت اگوم افتحه بس لا حول ولا قوة باوعت من المزگ مال الباب رجال لابس زي عسكري اسود تطمنت انو ما راح يعرفني منو وفتحت الباب
أنت تقرأ
"هَوَسُ ألإنتِقـامّ"
General Fictionكانت هناك طفله لا احد يعلم بوجودها غير أهلها تحت سقف المنزل لشدت إكتئابها فماذا سيحصل......!؟
