"هَوَسُ ألإنتِقـامّ"

Part 2

-مايحجي الورد بس ينعرف ذبلان

للكاتبه *ملك محمد *

"هَوَسُ ألإنتِقـامّ "

....................................

هوس..

وصلنه للسوك ونزلنه من السيارة وطبگت سياره سوده عاليه مظلله يمنه اني گلت بيني وبين نفسي احووي راح ننخطف

بس نزل من السيارة هذا الي قبل فترة فتحتله الباب

بس هذا جاي يتقدم ناحيتنه شنو السالفه؟
اباوع ؏ جراح سلم علي سلام من العيار الثقيل

اشو هذا باوعلي من فوووك ليجووة باوعتله بخزرة جراح شافنه ناس تباوع ؏ ناس بإستفهام ضحك وگال وهوه يلتفت ؏ هذاك الواگف جنه ثور من كبر حجمه

جراح: احم.. اقدملك هوس أُختي
رجع لتفت نحوي وگال
هوس هذا ألرّآويِْ صديقي المطي

كفخه ذاك ؏ راسه قوي اني من عندي راسي گام يوجعني وحجه

ألرّآويِْ: نجب قندرة.. احم تشرفنه

يحجي ويباوعلي بطرف عين ويخزر وعينه اكثر شي تروح لشعر اني اكتفيت بهزة راسي ودرت لجراح وگتله بكل بروود وهدوء

هوس: جراح نضل واگفين هنا

باوعلي مثل التذكر ووحجه

جراح: يبوو نسيت من ورة هذا ابو صما..

ماكمل واجته كفخه ثانيه ؏رگبته من ورة الصوت بقى يرن بإذني
تعاركوا شويه ومشينه للمحلات مال الملابس شتريت ثلاث بناطير لون اسود بس التصاميم تختلف وشتريت قميصين سود ايضاً تصاميم تختلف وشتريت برموده وكيمونه اسود هههه

التفتت على قسم الاحذيه تكرمون واشوف هذولي الثنين صافين عليه ما اهتميت وشتريت بوت لون ابيض وشحاطه مال حمام وبوت لون اسود لحد نص الساق يعني جوووة الركبه

خلصت من هذا المحل وجراح حاسب وطلعنه
لمحل العطور اشتري لنور عطر وصتني علي قبل لا اجينه اشتريت الها اكثر من عطر

اما اني لا عطري مو جاهز يعني اني اركبه لفسي اشتري شكم مادة من العطارين وايضا كم نوع من العطور واسويهة خلطه اني ابتكرتهة وحافضه اسماء كل انواع التركيبات الموجودة بخلطتي السريه بحيث نور وجراح يترجوني بس حتى اسويلهم عطر مثل عطري ما ارضه ابد لان احب اكون استثنائية دخلنه للمحل وهذول الثنين راحوا كلمن بجهة اخذت عطر لنور وهسه تَوني اريد التفت وانضربت بهذا اللي اسمه ألرّآويِْ

گال بسرعه ويباوع بعيوني
ألرّآويِْ: الله الله بويه خوما تأذيتي هزيت راسي بلا رجع كمل وگانو تذكر شي لييش سديتي الباب بوجهي هذاك اليوم

اني هنا گلت من دون خوف واني اكثر صفه اكرها بيه انو ابدا ما اخاف حرفيا

هوس: لانك طولت الحديث بزيادة