ငါ့ကိုယ်ငါအဖြောင့်လို့ပဲ ထင်ခဲ့မိတာပါ (mm translation)

(2)မယ်ရီစူးဥက္ကဌဆီမှ ရူးသွပ်စွာပိုးပန်းခံရခြင်း

ယန့်ကောအနေနဲ့ သဘောကျနိုင်ပါ့မလား?

ထိုလူရဲ့ခေါင်းကို ပန်းတွေနဲ့ပစ်မပေါက်ခဲ့ခြင်းကပင် ယန့်ကော၏ အလုပ်အပေါ်တွင်ထားရှိသော လေးနက်မှုဟု မှတ်ယူ၍ရနိုင်ပေသည်။

ထိုသို့ဖြင့် GDလုပ်ငန်းစု၏ဥက္ကဌဖြစ်သူထံမှ လူထုရှေ့ဖွင့်ဟဝန်ခံချက်သည် အင်တာနက်ပေါ်၌ သွေးအိုင်များဖြစ်ပေါ်လာစေပြီး ယန့်ကော၏အကြင်နာကင်းမဲ့စွာငြင်းပယ်လိုက်မှုနှင့် တစ္ဆေမြင်လိုက်သကဲ့သို့ ကြောက်လန့်စွာထွက်ပြေးတိမ်းရှောင်သွားခြင်းတို့က လူထုအမြင်၌ ရွှယ်မန်အား ဟာသတစ်ခုဖြစ်သွားစေခဲ့သည်။

ယနေ့ခေတ်ရှိ လူကုံထံအသိုင်းအဝိုင်းထဲတွင် မည်သူကများ သန့်ရှင်းစင်ကြယ်နေလို့လဲ။ မည်သူကရော အပြင်ဘက်၌အပေါင်းအသင်းအ‌
ခြွေအရံနည်းပါးနိုင်လို့လဲ။

ကြယ်ပွင့်များအနောက်သို့လိုက်ခြင်းက အမှန်တကယ်အားဖြင့် ပြသနာကြီးကြီးမားမားမဟုတ်ပေ။ လူချမ်းသာအသိုင်းအဝိုင်း၏ သခင်ငယ်လေးများကြား၌ ရှုပ်ထွေးပွေလီသောကိစ္စရပ်ပေါင်းများစွာရှိပေသည်။

ရွှယ်မန်အနေဖြင့် အချစ်တော်များအား ပိုင်ဆိုင်လိုပါက နည်းလမ်းပေါင်းများစွာသုံးကာ အလွယ်တကူရယူနိုင်ပေသည်။
မည်သူကမှ သူ့အားတားဆီးပိတ်ပင်နိုင်ကြမည်မဟုတ်ပေ။

သို့သော်ပြသနာကတော့ ရွှယ်မန်သည် သူ၏ကိုယ်ပိုင်ငွေများကိုပင်သုံးကာ ကြိုးစားခဲ့သော်လည်း သူ၏မျက်နှာကိုသာ ဆုံးရှုံးခဲ့ရသည်။
အဆုံးသတ်၌ သူ့တွင် ဖက်တွယ်စရာလူ ဟူ၍ တစ်ယောက်မှမကျန်ခဲ့ပေ။
(T/N - သနားလာပြီ )

ဆုံးရှုံးမှုနှင့်အရှက်ရမှုများကိုသိမ်းပိုက်ထားသော ဥက္ကဌရွှယ်သည် ညဘက်၌ သူ၏အပေါင်းအသင်းများနှင့်အတူ ကလပ်သို့ရောက်ရှိသွားတော့သည်။ ရွှယ်မန်၏သူငယ်ချင်းကောင်းတစ်ဦးဖြစ်သူ ရန်လုက ဝိုင်တစ်ခွက်ငှဲ့ပေးလာရင်း ပေါ့ပေါ့ပါးပါးပင်မေးခွန်းထုတ်လိုက်သည်။

"မင်း ကြယ်ပွင့်လေးတစ်ယောက်နောက်ကိုလိုက်နေတယ်လို့ ငါကြားခဲ့တာ...အဲဒါကတကယ်ပဲ ယန့်ကောလား"