« Jungkook ឆាប់ទៅហៅចៅប្រសាររបស់តាមក តាចង់និយាយជាមួយគេបន្តិច »
« បាទលោកតា » Jungkook ក៏ត្រូវបង្ខំចិត្តឡើងទៅខាងលើវិញ បន្ទាប់ពីគេទើបតែចេញពីបន្ទប់មិនដល់៥ នាទីផង ។
« អាយ!! លោក?? ម៉េចក៏ចូលមកមិនគោះទ្វារសោះចឹង?? » នាយតូចស្រែកចាច ក្រញ៉ាញខ្លួនមួយរំពេចព្រោះតែខ្លួនកំពុងតែចងពុំនៅឡើយ ។
« សុំ-សុំទោសផង ខ្ញុំគិតឯងនៅក្នុងបន្ទប់ទឹកទើបដើរចូលមកតែម្ដង ប៉ុន្តែខ្ញុំនឹងចេញឥឡូវហើយ ឯងកុំភ្លេចទៅជួបលោកតាផង » Jungkook និយាយទាំងបែរខ្នងរួច ក៏ប្រញាប់ចាកចេញពីទីនេះ ខណៈដែលនាយតូចដកដង្ហើមធំឡើងមក ទាំងធូរទ្រូង ។
« លោកតា » មកដល់ខាងក្រោម ជាមួយនឹងសម្លៀកបំពាក់ថ្មី Tae ក៏ចូលមកក្បែរលោកម្ចាស់ ។
« អង្គុយចុះមក »
« លោកតាហៅខ្ញុំមានការអីមែនទេ?? »
« តាគ្រាន់តែចង់និយាយលេងជាមួយនឹងចៅប្រសារ ចៅមិនថាអ្វីទេឬ?? »
« បាទ អត់ទេ ខ្ញុំរីករាយទៅវិញទេ ដែលលោកតាចាត់ទុកខ្ញុំជាសាច់ញាតិម្នាក់ »
« ប្រាកដជាបែបនេះហើយ Jungkook ស្រឡាញ់ចៅ គ្រួសារនេះក៏ស្រឡាញ់ចៅដូចគ្នា »
« បាទលោកតា »
« តាមានរបស់មួយចង់ឱ្យ »
« បាទលោកតា »
« សម្រាប់ចៅប្រសារ ជារបស់ Taehyung ហើយ ចង់ចាយវាយយ៉ាងម៉េច តាមសប្បាយណា » លោកតាក៏ហ៊ុចកាតធនាគារឱ្យនាយតូចទាំងនិយាយថានេះជារបស់គេពេញៗមាត់ ខណៈដែលសាម៉ីច្លួនគេបើកភ្នែកធំៗប៉ុនពងមាន់សឹងតែមិនជឿថាលោកតារបស់ Jungkook ចិត្តទូលាយបែបនេះឡើយ ។
« លោកតា?? » នាយតូចគាំងនិយាយអ្វីមិនចេញសោះ ។
« នេះជាកាដូសម្រាប់ចៅប្រសាររបស់តា Taehyung ជាអ្នកប្រុស Jeon សមនឹងទទួលបានអ្វីៗច្រើនជានេះឆ្ងាយណាស់ ជាពិសេសគឺការផ្ដល់កំណើតទាយាទរបស់ Jungkook »
« ហ្ហាស?? ផ្ដល់កំណើតទាយាទរបស់ Jungkook ឬ?? ខ្ញុំស្ដាប់ច្រឡំមែនទេលោកតា?? »
« មិនស្ដាប់ច្រឡំទេ ចៅនិង Jungkook ជាប្ដីប្រពន្ធនឹងគ្នាហើយ Jungkook គេជាមនុស្សប្រុសមានទំនួលខុសត្រូវល្អណាស់ ជាម្ចាស់ក្រុមហ៊ុន តាគិតថាការមានកូន មិនលំបាកសម្រាប់ពួកឯងទេណា » គាត់និយាយនេះចង់សម្ដៅថា ទ្រព្យគក្រួសារគាត់ក៏មានមិនខ្វះ ចំណែកឯ Jungkook ក៏មិនអន់ទ្រព្យប៉ុន្មានដែរ ពួកគេអាចមានពេលវេលាមើលថែកូនបាន ជាពិសេសគឺជំនួញរបស់ Jungkook គ្រួសារអាចជួយជ្រុំជ្រែងបាន ចំណែកឯរឿងចាយវាយមើលថែកូន ទុកឱ្យគាត់រ៉ាប់រ៉ង់ ។