ســــَـێـــبــــٍەۨرِی ڕەؒشٖ

ـ ســــَـێـــبــــٍەۨرِی ڕەؒشٖ ـ

لە نێو چیاکانی کوردستاندا گەنجێک بە ناوی سامی دەژیا.

سامی لە گوندەکەیاندا بە کوڕێکی دیندار و خوا ناس ناسرابوو، کەسێک بوو کە ڕێزی لە ئیسلام و بەهاکانی بنەماڵەکەی دەگرت.

باوکی 'ئەحمەد' پیاوێکی دڵسۆزی دینی *ڕۆژبـەی ئیسلام بوو، لە کۆمەڵگادا ڕێزی زۆری لێدەگیرا و ســــامــیـشــی وا پەروەردە کردبوو تا ئەویش هەمان ڕێگا بگرێتەبەر.

سـامـــی لە تەمەنـێـڪـی *خـورتـەوە فێری گرنگی نوێژ و ڕۆژوو و ژیانێک کرابوو کە خوای گەورە لەخۆی ڕازی بکات.

بە بەردەوامی ئەڕۆیشتە مزگەوت و لە ڕۆژێکدا پێنج جار نوێژی دەکرد لەگەڵ هەموو سوونتەکان و نوێژی چێشتەنگاویشی ئەکرد.

سامی دوای تەواو کردنی ئامادەیی ئەو بەشەی کە دڵخواز و خەونی بوو بۆی هاتەوە.

باوکی سامی ئەحمەد پیاوێکی تێگەیشتوو بوو، هەرچەند دانیشتبووی گوند بوون، هەرگیز ڕێگەی نەداوە کچەکانی و کوڕەکانی دەست لە خوێندن هەڵبگرن.

سامی لە سلێمانی ناوی هاتەوە، کە ئەمەش واتای ئەوەی ئەگەیاند ئەبوو لە بەشی ناوخۆییب مێنێتەوە بەو پێیەی گونووەکەیان و سلێمانی لێکەوە دوورن.

*هەگبەکانی و ئەو کەل و پەلانەی پێویستی بوون لە پشتەوەی پاسەکەی کردن و گەڕایەوە لای دایکی

زەردەخەنەیەکی کرد و وتی " دایکە بەو جۆرە خۆت دڵتەنگ مەکە
زۆرینەی خوێندکارەکان بەم قۆناغە تێ ئەپەڕن و لە ماڵەوە دوور ئەکەونەوە"

سامی وای وت بە نەرمی دایکی کردە ئامێزی.

خاتوو ئامینە کە لە باوەشی هاتە دەرەوە و وتی " کوڕم شارەکان جیاوازن!، هەموو جۆرە *ئادەمیزادێکی تێدایە، تکایە ئاگاداری خۆتبە و نوێژەکانت لەبیر نەکەی!"