مملكة الوتباد

الموضوع: التنمر والمراية

هنتكلم النهاردة عن كذا موضوع

١-التنمر

٢-اسلوب المراية

٣_فن الرد

٣_الشجارات

٤_انعكاس السحر على الساحر

٥_التجاهل

٦_التلاعب

ومش هطول عليكم يلا نبدأ وما احلى البدأ بالصلى على النبي عليه افضل الصلاة والسلام

بسم الله

اولا التنمر: لو حد بيتنمر على عيب في شخصيتك سواء طريقة كلامك حاجة في شكلك او لبسك ...إلخ

المتنمر دا مريض نفسي شخص غير سوى نفسياً بيعوض نقصه في اظهار عيوب الأخرين رغم انه اكثر شخص معيوب شخص ممكن يكون اتعرض لتنمر في فترة من حياته خلته يبقا متنمر او بيتلقى عنف منزلي وغيره من الأسباب الدفعته تكون متنمر

التنمر نوعين نفسي وجسدي النفسي هو كلامهم البيأثر في نفسيتك سواء على وزنك الزايد او العكس او نظارتك البيقولولك بسببها يا ام اربع عيون

بصي يا قمر هندي مثال

انا كنت ماشية في المدرسة بنت قالت عليا تخينة نادتني وقالتلي يا تخينة

بكل هدوء هتستخدمي اسلوب المراية واهم حاجة البسمة المستفزة والهدوء والرد المناسب

يعن اي اسلوب المراية عارف المراية لو وجهت عليها ليزر هترده تاني في وشك وهو ده اسلوب المراية يا عزيزي

بنت قالتلي يا تخينة بكل بساطة ممكن تقوليلها مش باكل من بيت ابوكي وتخني دا بسبب العز النا عايشة فيه وبعدين ما انتي شبه خلة السنان ومرخينك كبيرة ومحدش اتكلم

بس اديني قولتلك الرد المناسب الكسفها وكمان اسلوب المراية الهز ثقتها، وصدقني مهما كانت مين هتروح للمراية وتبص لنفسها وتسألها هل انا فعلا مراخيني كبيرة

ومتتردديش في انك توقفي المتنمر عن حده ولو وصل للتنمر الجسدي والهو انهم يتعدو عليكي بالضرب او اللمس عامة لازم تكلمي حد لو معرفتيش تتصرفي

المتنمر عامل زي الكلب لو لقاك خايف هيجري وراك لكن لو مشيت من جنبه ومش شاغل بالك بيه مش هيشم خوفك فبتالي هيخاف ويبعد

الشجارات يعني الخناقات عيزاك في اي خناقة في درس او في مدرسة وانت مش غلطان تهدى خالص
اوعى تندفع اوعى تحاول تبرر او تشتم او تزعق بس اتكلم بهدوء برر موقفك

وبالتالي لما يجي المستر بتاعك او المدير او حد كبير هتقوله الحصل بكل هدوء من غير كدب وهتقول النت قلته فخليك حذر وكل الموجودين وشهدو الحادثة هيقفو في صفك انت لأنك معلتش صوتك زي خصمك ولا بجحت وزعقت وانت اصلا مكنت غلطان

بكدة انت خدت حقك من غير ما تتعاقب اصلا لو مكنتش غلطان وزعقت هيجي المدير ويعاقبكم انتو الاتنين لكن كدة هي اتعاقبت وانت خدت حقك

ودا اسلوب قلب السحر على الساحر

اتعود دايماً يا عزيزي انك تبقا شخص بارد وبتتجاهل

يعني مثال انا اتخاصمت مع صحبتي هتجاهلها تماماً زي ما بتجاهل الهوا بالظبط وكدة هتتغاظ وتتفرس اكتر يا عبيط

لما اعدى من جنبها ولا اعبرها بنظرة كدا اتكادت

لما ملاقيش مكان واقعد جمبيها ومعبرهاش دا تجاهل هيخليك قوي بس هيخلي الطرف التاني يفكر انك عايز تصالحه وهيبدأ ينفعل ويعمل حركات ملهاش لازمة وممكن يختلق اي سبب للشجار وساعتها استخدم اسلوب الشجار الهادي وقلب السحر

لانك هتتجاهله خالث انت عايز تقعد ومفيش غير المكان دا

عيزاك لما تبعد عن حد لا تبصله لا تسلم تتجاهله تماماً حتى لو بتمشو مع نفس الشلة اتكلم معاهم متتكلمش معاه لو قال حاجة تضحك متضحكش ومتتفاعلش معاه

ولو صديقك الوحيد حسسه ان فيه بديل ليه وصدقني هيشيط

نيجي بقا لفن التلاعب

خلي الناس تختار الحاجات النت عايزها بمزاجها وهي فاكرة ان دا اختيارها هي ودا ازاي بقا

يعني مثلا انت خارج خروجة وعايز خمسين جنيه

وحاسس ان هما هيرفضو او يقللو المبلغ

هتروح تقلهم عايز ١٠٠ جنيه لو عطوهالك انت الكسبان لو رفضو افضل صر عليهم وزن

ولو استمرو في رفضهم قلل المبلغ لخمسين جنيه ف بالتالي هيضطرو يوافقو لانهم شايفين انهم عرفو يقللو المبلغ وان المبلغ دا على مزاجهم بس بالعكس دا كان النت عاوزه من الاول

طب مثال تاني لو انت مثلا تاجر وعارف ان الزباين بتفاصل وهتنزل من التمن والسعر هو ٢٠٠ جنيه
هتخلي السعر ٣٠٠ او ٢٥٠ هيبدأ الزبون يقلل
لو ٣٠٠ هيقولك ٢٥٠ او ٢٠٠ وبكدا انت خدت المبلغ النت عايزه وممكن تاخده وزيادة وكدة انت خلتهم يختارو على مزاجك انت خليتهم يختاو الحاجة النت عايزها من غير ما يحسو وهما فاكرين ان الاختيار في ايدهم

وهو دا فن التلاعب

وبس كدة كانت معكم "ملاك"

عايزا رأيكم ولو عازيني اكمل ولو حابين نتكلم عن موضوع معين؟؟

المرة الجاية هنتكلم عن

الشخصيات

ولغة الجسد

بعض امراض علم النفس

اي رأيكم في احدى المواضيع القادمة نتكلم عن الأكتئاب؟؟