اعزك لو انك جرح ومجاهدك قتال

Part 4

-

ولف عزام نظره عليها يشوفها تتكلم وتشكي عن المها ، وقف وتوجه للشباك الكبير المطل على بحر وناظرت لمياء للمرضه الي دخلت  وركبت لها المصل ، لفت تناظره واقف بعيد عنها وناظرت للسقف وغفت بدون شعور منها ، لف يناظر فيها من غفت وتقدم يجلس على السرير وناظر للمصل الي باقي مليان ، اخذ جواله وناظر لرسايل امه الكثيره وارسل لها انه بالمستشفى معاها وقفل جواله ، ظل يناظر فيها وتنهد يستوعب صعوبة اول يوم مايدري وش مصيرهم بالايام الجايه ، عدت اكثر من ساعه ودخلت الممرضه تسحب الابره من يدها وتحط عليها لصقه وطلعت وناظر عزام لها وهمس : لمياء
ماجاوبت عليه وربت عليها بخفه ونطق بصوت اعلى : لمياء يلا قومي
فتحت عيونها بخفه تشوفه قدامها ووقفت تلبس شوزها واخذت شنطتها وناظرت فيه ونطقت : يلا؟
ناظر فيها وطالت النظرات بينهم وبلعت ريقها تخرج من الغرفه ، تنهد يوقف من الكرسي بتعب وارهاق ومشى يخرج وناظر فيها وتقدم يتوجه للبوابه ، مشت خلفه تشوفه يتوجه للسياره وركبت قدام جنبه وحرك ، تذكرت مسكت يده ليدها وبلعت ريقها تناظر بيدها ، ناظرت ليده وانتبه على نظراتها ولفت على طول لقدام ، وقف قدام البيت ونزل ونزلت وراه وفتح الباب وناظر هناي الي جالسه وفزت من دخل عزام وشافت لمياء وراه وناظرت فيها بخوف ونطقت : امي انتي
تقدمت تحضنها وبادلتها لمياء بهدوء وبعدت هناي ونطقت : قلت لك من قبل روحي المستشفى مع نهيان وعييتي
غمضت عيونها لمياء ونطقت : بخير انا لاتخافين
هناي : تعالي تعالي اسوي لك شي دافي تشربينه
ناظرت لعزام من طلع يتركهم ولفت تناظر هناي وهزت راسها بالايجاب ، دخلت للمطبخ وجلست على الكراسي تمسك راسها بالم وناظرت لهناي تسوي لها قهوه ، مدت لها الكوب بعد ماخلصت وابتسمت لمياء ونطقت : مشكوره تعبتك معاي
هناي : ما من تعب حياتي ، اطلعي واشربي قهوتك وارتاحي
هزت راسها بالايجاب ومشت تخرج من المطبخ وتطلع لفوق ، فتحت الباب وشافته نايم عالكنب وحطت قهوتها بالطاوله وفصخت عبايتها ومشت على طول تنام بتعب
-
قامت من النوم تشوف مكانه فاضي وناظرت للساعه ورجعت انسدحت من شافت الوقت بدري ، رفعت نظره من شافته داخل وبثوبه وشماغه ونطقت باستغراب : على وين؟
ناظر فيها وابتسم بسخريه ومشى يطلع ونطق : ذي تحسب انها زوجتي صدق ، عجيب!
غمضت عيونها بفشله تدري انه مايخصها والاكيد انه رايح على دوامه ، قامت تتوجه للحمام ومن خلصت لبست لبسها وحطت مكياجها وتركت شعرها على راحته وثبتته بنظارتها ، لبست عبايتها ومشت تخرج من الغرفه ورفعت نظرها له تشوفه يفطر وتقدمت تخرج ونطقت نجمه : وين رايحه لمياء؟
رفع نظره لها وهو يفطر وابتسمت لمياء تنطق : عندي شغله بخلصها وامر على امي واجي
نهيان : روحي روحي الله يسهل دربك
هناي : بس لو تعبتي بالطريق؟
هزت راسها بالنفي ونطقت : احسن من امس بكثير
هناي : اجل يلا انتبهي لنفسك
نجمه وقفت ونطقت : توصليني بطريقك؟
ابتسمت لمياء ونطقت : تمام انتظرك برا
مشت نجمه تصعد لفوق وخرجت لمياء وركبت السياره تنتظر نجمه ، رفعت نظرها من انفتح الباب ودخلت ونطقت لمياء : وين وجهتك؟
مشت تطلع من اسوار البيت ووصفت لها نجمه مكان شغلها ووقفت عنده لمياء ونطقت نجمه بابتسامه : مشكوره
هزت راسها بالايجاب ونطقت : نعيدها
نزلت نجمه ومشت لمياء تتجول بالمدينه بطفش ، تحاول تهرب منهم ومنه بالاساس لانها تحس بالغربة بينهم حتى وهي بوطنها ، وقفت عند البيت ونزلت وابتسمت من شافت نهار واقف ويدخن ، نزلت من السياره تتوجه له ونطق : ها جايه تهربين من زوجك؟ توكم اول اسبوع
ضربته على كتفه ونطقت : بلا استهبال ، وين امي وابوي
نهار : ابوي طالع وامي جوا
هزت راسها ومشت تدخل وفزت نجوى تنطق : امي انتي واهلي
ابتسمت لمياء وتقدمت لها تحضنها بقوه وضحكة نجوى تنطق : شدعوه يالشوق
لمياء بعدت عنها تنهدت تنطق : ماتعايشت
جلست تاخذ مويا من الطاوله ونطقت نجوى : هذي نهاية الي تمشي ورا كلام ابوها ، تستاهلين
زفرت لمياء ونطقت : والله صعب اعيش معاه ، يمكن امه واخته اتقبلهم حتى اخوه مقبول بس هو لا لا لا ، غثيث و مستفز!
نجوى : الله يعين لايجي بعد كل هذا حب
كشرت لمياء ونطقت : مستحيل!
لفت بنظرها من دخل نهار وهو ينطق : ها اختي متى النونو والحفيد الاول؟
رمته بالعلبه الي بيدها وضحك نهار ونطقت : مايضحك يا مريض
جلس جنبها واحتضنها بكتوفه ونطق : ماعندهم وحده مزيونه منّي ولا منّا؟
نجوى : تبي انت بعد تتركني؟ والله يشيب شعري
لمياء : ماعليك انا اتطلق واجي اسكن عندك
نجوى : بلا سوالف ، هذا وجهي ان تطلقتي
ضحكة لمياء ونطقت : مصممه انتي
نجوى : تشوفين
نهار : يعني في امل نونو؟
ناظرت فيه لمياء بنص عين ونطقت : انتبه لك
سكت نهار يعدل جلسته وابتسمت لمياء
-
ابتسمت تفتح شنطتها لامل ونطقت : شرايك!
وسعت عيونها بصدمه ونطقت : مجنونه انتي! وش هالملابس!
تنهدت غرام ونطقت : وش فيها؟ زوجي تراه مو ابن يهودي
ضربتها امل على ظهرها ونطقت : قلنا زوجك بس مو هالملابس ، ليته في شال عالاقل
غرام : اي فيه ، بس اربطه على خصري وارقص له
اخذت شبشبها امل ترميه عليها وحكت غرام مكان الضربه  بالم ونطقت امل بحده : ان ماخذتي شي ساتر يحرم عليك انك تطلعين ، انقلعي
بوزت غرام ونطقت : مامي!
امل : قلت مافي يعني مافي
غرام : طيب نوريها بابا يمكن مايقول لا
ناظرت فيها امل ونطقت بصدمه : يا وجه النحس تورين ابوك هالقماش!
غرام : ماكفرت والله
سكتت امل تصد عنها ونطقت غرام : طيب لو اخذها واخذ معاها شي ساتر توافقين؟
تنهدت امل ونطقت : اي زين ، والله ماخاف انا الا من سالفه الورع
ابتسمت غرام ونطقت : لا ماعليك بامان ، مايسويها دودي
ناظرت فيها امل بنص عين ومشت تخرج وابتسمت غرام تنط بحماس ، اخذت جوالها تصور الشنطه وتكتب عليها كلام بالانجليزي بمعنى اجازه الصيف ، نزلتها ستوري وقفلت جوالها وترجع الشنطه بمكانها
-
فتحت ستوري غرام تشوفه وضحكت بسخريه ونطقت : شفتي الاستوري حقها؟ واضح رايحه مع فهد
اخذت جوالها وفتحته وناظرت فيها وشدت على الجوال بعصبية ونطقت صحبتها : حبيبي هدي ترا زوجته وش كل هالغيره
ضحكت نورا بسخريه ونطقت : باخذه منها ، بتشوفين
ابتسمت ملك ونطقت : مايشوف غيرها بس
نورا : اي واضح مايشوف غيرها ماشفتي انتي نظراته لي بالشركة ، بس يوم جت وشافتني وشافته مع بعض ماصار حتى يكلمني ، واضح انه هددته الغيوره
ملك : اي طبعا وهو ثور وخروف يمشي ورا كلامها
ناظرت فيها نورا ونطقت بحده : انكتمي!
تقدمت لها ملك ونطقت : انتي لو تفكرين من الجانب الصح ، تاخذينه منها لو انها ملكة جمال العالم
نورا : كيف يعني؟
ابتسمت ملك تناظر فيها ونطقت : يعني مثلا تخونه؟ خلي اخوك راكان يساعدك
نورا : يعرف راكان كان صاحبه ، واصلا وش هالفكره البايخه
عقدت حاجبينها نورا ونطقت : مجنونه انا بعد اقعد اطارد ورا الذكور عشان يشوهون سمعتها؟
ضحكة ملك بسخريه ونطقت : وانتي الحين ماتمشين ورا ذكر مو داري عنك؟
نورا : في فرق على فكره
وقفت ملك ونطقت : تكفين وقفي خلاص طفشت من سوالفك ، الحين اخوي جا اكيد ، تبين شي؟
نورا : لا سلامتك
اخذت عبايتها ومشت تطلع ونطقت بهمس : بيك مي!
جلست نورا على سريرها ورجعت تشوف استوري غرام وزفرت بضيق تنطق : ملعونه! ماخذه الزين وهي شينه
دخلت على حساب فهد تشوف اذا حدث بس كان على ماهو ، قفلت جوالها ومشت تطلع من الغرفه و ناظرت لامها من نطقت : وين صحبتك راحت؟
نورا : راحت بيتها يعني وين؟
نهى : اخلاقك يشيخه
نورا : كله من ذيك
نهى : من؟
نورا : غرام الزفت ، طالعه مع فهد اجازه
ابتسمت نهى و نطقت : العبيها زين وخذيه منها
نورا : تعبت تعبت و انا اقول انه يبوس الارض الي تمشي عليها هالمريضه ، مدري وش شايف فيها
نهى : و ليه ماتصيرين زيها؟
وسعت عيونها بصدمه ونطقت : من الزين عاد عشان اصير زيها
ركبت السياره ورفعت عيونها عالمرايا تشوفه يركب شنطتها ، اخذت الحزام تحطه وابتسمت من ركب ونطق : والله وصار الحلم
لف عليها بابتسامه : انا وانتي ، لحالنا
تقدمت تحضن ذراعه وحرك ولف عليها ينطق : لا يكون فيك نوم؟
تأفأفت غرام ونطقت : ماكذب عليك ، النوم اكلني
فهد : اجل ماعليك خلاف ان شاء الله نوصل وتركبين الطياره وتنامين
ابتسمت تناظر فيه وتنطق : وبعدين انام بحضنك
عض شفته وينطق : ادعي مايجي الورع بس
ضحكة بخجل تبعد عنه ونطق تهرب من الموضوع : ماقلت للحين تراك وين حنا مسافرين
ابتسم فهد من قلبت الموضوع على طول ونطق : خليه سر ، ان قالوا اسمها هذاك الساع
زفرت غرام ونطقت : اكره الفضول
ضحك يناظر فيها ونطقت : طيب يمكن ماحب هالمدينه ، يمكن سمعت عنها شي خايس واخاف اروحها ، يمكن هي بارد وانا اخـ..
قاطعها فهد و مسك يدها ينطق : وانا مابعرف الي ماتحبينه ولا الي تحبينه؟ ، والي تاخفين منه؟ واعرفك ماتحبين الشتاء كثر الصيف وحجزت مدينه صيفيه
ناظرت فيه باعجاب ونطق بضحكة : وش هالنظرات؟
غرام : احبك
هز راسه بالنفي فهد وضحكة تنطق : احُبك
ابتسم فهد ونطق : اي كذا رجعت لي الحياه
ضحكة بعلو صوتها وابتسم يناظر فيها ، وقفوا عند المطار ونزلت تعدل طرحتها وناظرت فيه من تقدم يمشي وخلفه شنطته وشنطتها يسحبهم ، ابتسمت وهي تسحب شنطتها الصغيره ومشت تجلس بالانتظار جنبه ، ناظر فيها من نطق بالنداء الاول لتايلاند ووقف ونطقت باستغراب : وش قال؟
ابتسم فهد ونطق : مايخصني دامك مفهيه
تنهدت توقف ومشت بجانبه يشحنون شنطتهم ، مسك كفها ومشوا يطلعون ويصعدون للطياره ، ركبت بجانبه بالكرسي ونطقت : يلا عاد قل ترا بنفجر ، ولا بسأل الي قدامي
ضحك فهد ونطق : تايلاند
عقدت حاجبينها ونطق فهد : لا يكون مو عاجبتك!
ابتسمت غرام ونطقت : عاجبتني عادي بس احسها تو متش حر
فهد : اصير لك مكيفك واهويك ، وش تبين اكثر من كذا؟
تقدمت تمسك بذارعه وابتسم من عرف انها تتهرب من كلشي ، ناظر فيها من نامت على طول وضبط سدحتها بحيث تنام براحهه
-
وقفت عند البيت ونزلت ومشت تدخل ، ناظرت للهدوء ومشت تصعد للغرفه وشافته جالس وعلى جواله ورفع نظره لها ونطق : وش هالتأخير ، وين كنتي؟
ضحكة لمياء بسخريه ونطقت : وشو بتحاسبني على روحاتي وجيّاتي؟
ناظر فيها عزام ونطق بحده : لانك على ذمتي يمكن وكل من هب ودب سألني وينها حرمتك ، وش اقول لهم يعني؟
لمياء : ليه وهذولي الي يهبون ويدبون مايعرفون انه زواج على ورق بس؟ لا تعيش الدور
عزام : لا تخليني استعمل معاك اسلوب ثاني ، بتكرهين نفسك
ضحكة لمياء بسخريه ونطقت : مين انت اصلا عشان تهدد ومن ومن انا ووش اعني لك؟ لا تكبرها وهي صغيره
رجع ظهره عزام ونطق : انا حذرتك اول مرا ، لا تتكرر
ناظرت فيها لمياء ورفعت حاجبينها تنطق : واذا تكررت؟ بتضربني؟
سكت يتجاهلها وتقدمت لمياء تدخل للغرفه وزفرت بقرف تفصخ عبايتها وتعلقها ، تنهدت بتعب تمسك راسها ونطقت : وش بسوي معاه هالسايكو!
اخذت جوالها تتصل على نجوى وتنهدت من ماحصلت اي اجابه ، قفلت جوالها وحطته على طولتها ومشت تغير ملابسها وتلبس مريح ، ناظرت فيه من دخل وتوجه للكنبه ينسدح ومشت تنسدح على السرير تتجاهل وجوده ، مرت اكثر من نص ساعه وهي باقي صاحيه ورفعت نظرها تشوفه صاحي فوق جواله ، زفرت تقوم ولبست سلبرها وناظر فيها تمشي وتفتح البلكونه وتطلع ، جلست على الكراسي الموجوده وزفرت بطفش تناظر بالسماء والنجوم ، وقف يمشي و يخرج لها ورفعت نظرها له وصدت تناظر المطل ، اخذ الكرسي وجلس جنبها ونطق : دامك ماتبيني ليه توافقين و تتعبيني معاك؟
سكتت لمياء تتحاشى النظره له ولف عليها ينطق : لهالدرجة تحبين ابوك؟
لمياء : اي احبه لدرجة لو طلب مني الموت مت ، و طلبني اخس من الموت و وافقت
ابتسم عزام بسخريه يصد عنها ونطقت لمياء : وانت ماتحب ابوك؟
هز راسه بالنفي ونطق : ماحبه
ناظرت فيه لمياء ونطقت : منجدك؟
ناظر فيها ونطق : سوالي اسوء من الموت
سكتت لمياء تناظر فيه وكمل عزام : مخبي امي الحقيقيه عني
وسعت عيونها بصدمه ونطقت : كيف يعني!
هز راسه ونطق : ويحسبني طول هالفتره معرف ، بس هناي مو امي ومتأكد
لمياء : وامك الحقيقيه وينها!
رفع كتوفه بعدم معرفه ونطق : مدري هي عايشة ميته ، بخير ولالا ما عرف
لمياء : ولا حاولت تعرف؟ كيف اصلا تعايشت مع وحده وانت تدري انها مو امك !
عزام : حاولت ، بس فشلت ، وهناي عاملتني كاني واحد من عيالها وربتني زي ماربتهم ولا قصرت علي بشي
سكتت تناظر فيه ونطق يكمل : عرفتي الحين وارتحتي؟ عشان كذا اختارني لك ، يبيني ابين كرهي له عشان يقلب الطاوله علي ويطردني
ناظرت فيه يوقف ويمشي يتجاهلها وعدلت جلستها تستوعب الي هو قاعده يعيشة ، وقفت ومشت تتوجه له ونطقت : بحاول معاك
عقد حاجبينه يناظر فيها ونطقت : اي لا تستغرب ، مو محبه فيك بس مع الحق
عزام : ماله داعي تخربين علاقتك مع ابوي بسببي
لمياء : ومن قال بخربها؟ انت بس روح وشوف الاوراق القديمه وخلصنا
عزام : مو موجودة رماها كلها
جلست بجانبه على الكنب ونطقت : طبعا ، ذكي ابوك
لفت عليه تناظره ونطقت : وليه ماتقوله؟
عزام : مابي احطه بموقف غبي
لمياء : بس هو حطك بموقف غبي ، خلاك تتزوج والاكيد ماتبيني
عزام : مهما صار هو ابوي ، مابي افتح صفحات قديمه تقفلت
ضحكة لمياء بصدمه ونطقت : منجدك عزام! بتعيش طول عمرك وانت ماتعرف امك
هز راسه بالايجاب وناظرت بعيونه ونطقت : تمام بكيفك ، الله يعينك
وقفت تمشي وتتوجه لسريرها ورفع نظره عزام لها وانسدح بتعب يناظر للسقف ، كل ماسكت تضيق عليه واليوم افضح عن سره الي دام اكثر من عشر سنوات ، كان ساكت طول هالوقت يخاف انه يفقد ابوه زي مافقد امه وهو ماقد شافها طول عمره ، ناظر فيها يشوفها نايمه مايرتاح بوجودها وندم انه قالها يشوف الجنون الي براسها وانها ممكن تفضحه او تسأل نهيان ، تنهد ينقلب للجهه الثانيه يحاول ينام
-
ناظرت فيه يسبح واخذت عصيرها تشربه ولبست نظارتها تحجب رؤيتها عن الشمس ، طلع من المسبح ياخذ منشفته وتقدم ينسدح جنبها واعطته عنب ونطقت : مو كانه طفش؟
ناظر فيها بذوهول ونطق وهو ياكل : لا يبنت الحلال تونا بالبداية ، ترا دافع كثير!
لفت عليه غرام وعقدت حاجبينها تنطق : كم دافع
فهد : كثير
غرام : عارفه كثير بس كثير قد ايش
فهد : كثير بس
غرام : لا حول ولا قوة الا بالله ، قم قم يلا طفشت هنا
وقف فهد ونطق : زين بغير ملابسي واجي
مشى يدخل للبيت وتنهدت بملل تناظر للجو ولفت بعد دقايق من شافته جاي ووقفت تنطق : طيب ، وين نروح؟
فهد : خيّري واختاري ، بحر جبل سماء ارض
زفرت تناظر فيه ونطق : علامك!
ناظرت فيه غرام ونطقت : ابي نجمه وامي وعمتي ، ملل لحالي!
فهد : وانا مزهريه عندك؟
هزت راسها بالنفي ونطقت : انت ولد ، وانا بنت
تكتف فهد يناظر فيه وينطق : والمطلوب؟
غرام : يعني نجمه تفهمني وتونسني بس انت ولد ماتفهمني
فهد : اجل كيف لو عشنا مع بعض ، لا انتي مو طبيعيه لازم نرجع
غرام : خير حبيبي ترا ابوي مايوافق الا بالسنه حسنه!
ابتسم فهد ونطق : عشان حبيبي نقعد شهرين
استوعبت غرام وضحكة بسخريه : وع عليك يالخفيف
مسك يدها ونطق يناظر فيها : والي يشوفك مايصير خفيف؟ عيب عليك
ابتسمت تناظر فيه ومشوا يخرجون من اسوار الفندق يتجولون في شوارع بانكوك وناظر فهد بالنونو الي بالعربيه ويضحك وناظرت غرام لنظراته ونطق يلف عليها : نفاجئهم؟
ابتسمت غرام بربكة : متوقعين هم منا كلشي بس انا مو متوقعه!
ابتسم فهد يشوف توترها الي باين على عيونها ونطق : عادي شفيها ، متزوجين وبالحلال وعلى سنة الله وش تبين بعد
غرام : مو وقته فهد امش ناكل
ضحك يناظر فيها ومشت تتاجهله وتدخل المطعم
-
نزلت لتحت وشافتهم يفطرون وهو بينهم ، مشت تجلس بجانبه بعد ما القت السلام ورفعت نظرها هناي لها : عاد اليوم ماسويت بيض هذا وهم يحبونه بس خفت تتحسسين بعد
ابتسمت لمياء بتسليك ونطقت : عادي كان سويتيه وانا سويت لي اكل
هزت راسها بالنفي هناي ونطقت : ماله داعي اتعبك
سكتت لمياء ولفت عليه تشوفه ياكل ورفعت عيونها على نهيان الي ياكل يناظر للايباد حقه ، بدأت تاكل ورفعت نظرها لهناي من نطقت : عزام حبيبي متى فهد قال بيجي؟
ضحكة بسخريه لمياء من تعاملها مع عزام وناظرت له من رفع كتوفه بعدم معرفه ، نزلت نجمه تشوفهم جالسين وابتسمت تنطق : بالعافيه
هناي : الله يعافيك ، على وين تعالي اكلي اول
هزت راسها بالنفي ونطقت : شربت قهوه وشبعتني
نهيان : مايصير ي بابا تشربين قهوه على الريق كم مرا بحذرك
ابتسمت نجمه تتقدم له وتقبل خده وتنطق : مايصير لي شي لا تخاف
نهيان : طيب اكلي لقمه على الاقل
اخذت سندويش ونطقت : يرضيك؟
ابتسم يهز راسه بالايجاب ومشت تطلع بعد ماودعتهم ، رفع نظره نهيان للمياء ونطق : لمياء تحتاجين شي ناقصك شي؟
ناظرت فيه بصدمة من سؤاله المفاجئ وهزت راسها بالنفي وضحك عزام بسخريه يناظر فيه : ليه تخاف يكون ناقصها شي وتطلب الطلاق وينتهي شغلك؟
ناظر فيه نهيان ونطق بحده : مو وقته
عزام : الا وقته ، البنت مسكينه مالها دخل بشغلكم انا مدري كيف اصلا طاوعك قلبك تقبل انك تزوجه فيني ا!
نهيان : ماطاوعني قلبي تتزوجك طبعا بس الشغل طلب كذا
ابتسم عزام ونطق : طبعا لانه همك شغلك ولا همك خاطر الناس
نهيان : ابوها موافق وانت وشدخلك
لمياء : عزام انا سويت كل هذا عشان ابوي ورضاه بس
لف عليها عزام ونطق : وانت يعني ماتدرين انه هو الي عبا راس ابوك ولا ابوك مو راضي؟ وكذب عليه وهدده كله عشان اتزوجك
سكتت لمياء بصدمه وناظر فيه نهيان ونطق بحده : عزام!
لف عليه عزام ونطق : تخاف تبان الحقيقه الحين ليش؟ بتبان حقيقة كل يوم عنك لا تخاف
وقف عزام يتجاهلهم وناظرت لمياء لنهيان ونطقت : وش يقصد؟
نهيان : لا تصدقينه ، يكذب
وقفت لمياء ونطقت بعصبية : قلت لك وش يقصد ، وش قلت لابوي ولعبت بعقله!
ناظرت فيها هناي الي مو مستوعبه شي من البدايه ونطقت : لمياء حبيبي اجلسي
ناظرت فيها لمياء ونطقت بحده : انكتمي انتي!
سكتت هناي بصدمه وتقدمت لمياء لنهيان ونطقت : تكلم! ولا بلعت لسانك!
وقف نهيان قدامها ونطق : قلت لك عزام يكذب ، اجلسي نتفاهم
صرخت بوجهه ونطقت : ماعندي تفاهم انا قل وش يقصد عزام ولا
هديت هالبيت على راسك!
نهيان : قلت لك عزام يكذب ماعنده سالفه بس يبيك تطلبين الطلاق ويفتك منك ، وتقدرين تروحين تسألين ابوك
ضحكة لمياء تناظر فيه ونطقت : اسأله بعد ماعبيت راسه ولا؟ تستهبل علي انت!
هناي : لمياء اهدي وافهمي توه ثالث يوم مايصير
لفت عليها لمياء ونطقت : ماقلت انكتمي؟ ليتك تتكلمين عالاقل كلام سنع
لفت تناظر نهيان من نطق بعصبية : تحترمين البيت الي انتي فيه وتحترمين اهله ولا والله لاخليك جاريه بالشوارع
سكتت لمياء تناظر فيه بصدمه ونطق نهيان : تسمعين ولا لا!
ناظرت لعزام الي نزل وسمع اخر كلامه وتقدم له : من الي تخليها جاريه!
نهيان : اخليك معاها ان ماقعدتوا مع بعض وخليتونا نخلص شغلنا ، فاهمين ولا؟
مسك عزام يدها يرجعها وراه ووقف بوجه نهيان ينطق : وليه عصبت لهالدرجة دامني اكذب؟ وتخلينا جواري بعد؟ تدري انهم اشرف منك ومن قذارتك؟
هناي تقدمت لهم ونطقت : عزام انتبه لكلامك! مهما صار تراه ابوك
لمياء : نشك صراحه انه ابوه
ناظر فيها عزام يشوف كيف تدافع عنه وانفعالها الي شافه من فوق ووقوفها بوجه نهيان كله عشان تساعده وهي ماعرفته غير بثلاث ايام وماتدري مين المظلوم ومع ذلك وقفت معاه ، مشت لمياء تترك يده وتلبس عبايتها وتطلع وناظر عزام لنهيان بحده ومشى يطلع معاها ولفت هناي لنهيان ونطقت : بيعرفون ي نهيان بيعرفون
جلس على الكرسي يتجاهل كلشي ويكمل اكله وناظرت فيه هناي بصدمه من بروده وتنهدت تمشي عند الشباك الطويل تشوفهم يطلعون
-
ناظرت فيه يسوق ويتوجه لبيت اهلها وناظرت للطريق ماتستوعب شي ، هزت رجولها بتوتر وناظر فيها عزام ونطق : وشفيك؟
لمياء : خايفه
عزام : ليه؟
لمياء : خايفه يكون كلامك صح وانه هدد وابوي ، وابوي عطاني اياك بكل سهوله ، بس مايسويها عارفه
لف عزام للطريق ونطق : عارف انه سالفة الشراكه كذب بكذب لانه من متى الشراكه تطلب القرابه؟ وراه مصيبة متأكد
سكتت لمياء بتوتر ونزلت بسرعه من السياره من وقف عزام عند البيت ، نزل وراها عزام ومشى يتوجه يدخل البيت معاها وناظر لنجوى الي وقفت بصدمه من شافتهم مع بعض ونطقت : وشفيكم؟
لمياء : وين ابوي؟
نجوى : بمكتبه ، وشفيه؟
مشت لمياء تتجاهلها ونطق عزام يطمنها : لا تخافين مافي الا كل خير
مشى يتبع لمياء ودقت الباب تدخل ووقف سعود بصدمه يشوفهم مع بعض ونطق : وش تسوون؟
ناظرت فيه لمياء ونطقت : جايه اسمع النفي منك من الي سمعته
سعود : وش سمعتي؟
مشت لمياء تتوجه له وقفل الباب عزام يوقف يناظر فيهم من بعيد ونطقت لمياء : انت نهيان هددك ب ايش عشان تعطيني لولده؟
ناظر سعود لعزام وناظر للمياء ينطق : ولاشي
تقدم عزام لهم ونطق : احترم شنبك الي بوجهك والشيب الي براسك يهددك واحد وببنتك؟ قولنا وش هددك فيه وحنا بنساعدك
ضحك سعود يناظر فيهم ونطق : تستهبلون على راسي انتوا ولا وش؟ وليه اصلا يهدد مو مريض هو
لمياء : وليه تدافع عنه قدامي؟
سعود : لانه شريكي
عزام : شريكك من متى؟
ناظر فيه سعود ونطق : من زمان ، ونهيان مايقدر يهددني
ضحك عزام يناظر فيه ونطق : من زمان؟ مو على اساس الشراكه باقي وما يوافقون الا على القرابه؟
سكت سعود يدرك خطأه وتوتر يناظر بعزام ونطق : اي بس شراكه اسم والحين انتوا خليتوها فعل
تنهد عزام يصد عنه ونطق لمياء : يبه تكفى مو وقته تدافع عنه بيدمرك ويدمرني ، تدري شو يقول؟ بيخليني جاريه بالشوارع
ناظر فيها سعود ومشى يجلس على الكرسي ونطقت لمياء : مابتقول شي يعني؟
سعود ناظر فيها ونطق : انتي الي اخترتي ووافقتي تتزوجين بدون اجبرك
ناظرت فيه لمياء بصدمه وناظر فيها عزام يشوف الخذلان الي من سعود لها ، هزت راسها بالنفي ونطقت : انت مو ابوي ، وش قاعد تقول يرحم لي امك!
سعود : الحين زوجك عندك ، اشكي له ، وانا ما اجبرتك انك تنخشيِن ورا نهيان على فكره
بلعت غصتها وكانها تبلع غصن شجره ، تشوف تغير ابوها المفاجئ وناظرت لعزام من تقدم له ونطق بحده : انا معاها وبضل معاها دامك ابوها وبعتها بهالسهوله ، لهالدرجة انت بعد نفسك رخيصة وتتبع ورا ابوي ، ترا بتندم ماضيه شين والاشين حاضره!
وقف سعود يناظر فيه ونطق بعصبية : تحد صوتك وتنافخ ببيتي وش قلة الاسلوب هذي! انقلع برا بيتي لا تشوفك عيني
لف على لمياء ونطق : وانتي ان جيتيني تبكبكين وتطلبين الطلاق ماراح اوافق زين؟ دام هذا اختيارك تحمليه
تقدمت لمياء تصارخ بوجهه : اي اختيار تستهبل علي انت! وافقت عشانك عشان خاطرك عشان اشوفك باعلى المناصب ، بس انتي الحين وش تقول! انت مو ابوي مستحيل تكون ابوي ، رايح ورا واحد مايسوى هلله حتى وجاي تقلب علي!
ناظروا للباب من انفتح ودخلت نجوى تناظر فيهم باستغراب ونطقت : وشفيكم!
دخل وراها نهار وتقدم للمياء ينطق : فيك شي! ليه تصارخين
سكتت تناظر فيه وبكت تحضنه وناظر لعزام الي جلس بتعب يمسك راسه ونطق سعود : اطلعوا برا
نجوى : سعود وشفيه؟
سعود : لا يتكرر كلامي ، اطلعوا برا
اخذ عزام لمياء ومشى فيها مع نهار يطلعون برا ونطقت نجوى : وشفيها لمياء وش قلت لها؟
ناظر فيها سعود بحده ونطق : ماتسمعين انتي! قلت اطلعي
ناظرت فيه باستغراب ومشت تطلع وتقدمت عند لمياء الي جالسه وبينها نهار وعزام ونطقت : وش قاعد يصير!
-
انتهى
' اذا عندكم اي تشبيهات للرواية ارسلوها بالانستا / 5rzxj2
او شاركوا بهاشتاق الروايه بالتيك توك / #اعزك_لو_انك_جرح_ومجاهدك_قتال