طبعا قررنا نختار اشياء الخطوبة اني ويوسف
ولكن لازم قبله طبعا نكول لأهله
جنه بالطريق وحسيت اهله مراح يتقبلوني
يوسف:شوفي روزان هسه مجرد اعرفج عليهم وره تقريب اسبوعين اكللهم اني احبه واريده
روزان:بسس يوسف؟؟ اخاف ميتقبلوني ) ؛
يوسف:شهل حجي اهلي اكيد كلهم يتقبلوج لكن ابوي ماعرف يجوز شوي يكون صعب ابوي يريد وحدة كلش متدينه يعني مثلاً اني ماعندي اي مشكلة سواء جنتي حتى لو مسلمه عادي اساعدج وتدخلين للدين الصح لكن انتِ مو محجبه وشوي ملابسج مو مستوره علمود هاذه فقط ابوي ميقبل يجوز بس هسه امم ملابسج زينه لكن للحجاب حيعرفون ويجوز يسببلنا مشكلة من نكول نريد بعض!
روزان:واييي يوسف خوفتني
يوسف:ههه ماعليج اتزوجج غصب عنهم
ضحكت ورحنا وعرفتهم بنفسي وفعلا مثل ماكال الكل حبني الا ابوهم مجان اسلوبه حلو جان بس يشمر بالحجي مثلاً يوسف يحب المتدينات يوسف يحب المحجبه هيج يعني حاولت اكتم نفسي وما اكوم انطيه بوكس انطفيله عينه لكن ماش
والي(ابو يوسف): شلون عرفج يوسف؟
روزان:عمي اني طبيبه ولخبرتي الزايده ومعرفتي قررو يخلوني طبيبه للمنتخب وهناكة اني ويوسف صرنا اصدقاء ولليوم احنه اصدقاء
اريان:اي صح جان يسولف الي عنج
يوسف بهمس: اسكت ابن المُطي فشلتني
منار(اخت يوسف): واو عادي نصير اصدقاء
روزان:ههه اكيدد لزمت ايدها وام يوسف بس تباوعلي وتبتسم بوجهي كلهم حبوني الا ابوهم
والي:يوسف تعال وياي
يوسف
———
رحت لابوي ونطق بعصبيه
والي:هاي البنيه تبتعد منها احسن لك والا والله ميصيرلك خير شنو انتَ ناسي بنت عمك الي محجوزه الك؟
يوسف:بابا اني احبها لروزان وانت متدري اني شكد عانيت علمود اخذها وترضى بيه!! ومحد كال انو بنت عمي محجوزه الي انتو جبتو هالحجي!!!
والي:اسكُت لك اذا ما عفتها لا اني ابوك ولا انت ابني
دخلت للبيت بدون ما اهتم لكلام ابوي كلت اكول لامي من يهدء هي تحجي وياه لان اني احبها واساسا احنه مرتبطين لو سويت هيج كبل تكلي جذاب وتشوفني بنضره مو حلوة وتكلي انت كلت اعوضج عن علي لكن سويت الاسوء!
شفتها شون دا تضحك ويه اهلي وفرحانه بيهم نغزني گلبي كعدت واني ساكت وصافن افكر شلون راح تنحل هاي المشكلة؟ لو تزوجتها ابوي مستحيل يتراجع عن كلامه وفعلاً ميحجي وياي بس لو عفتها هم حرام!! اكسر خاطرها للمره الثانيه وهي اجتي لألمانيا بس علمودي!!!
أنت تقرأ
المُـــمَرضـه
Teen Fictionروزان من ام استراليه واب عراقي شي غريب لكن ابوه دارس هناكة ومتزوج وعشيرتهم جبييييرة فوك الاربعين عائلة قصتها غريبة كُلش لكن ... كل الروايات حين التقينا وجمرة ابراهيم وهاذه كلهم خياليه ومجرد اشاركم خيالي!! استمتعوا✨
