بقينه نحاول وياها تتمشى تطلع طبعا طلعت من المشفى بس بعدها تعبانه كل يوم اروحلها وازورها واشوفها شتحتاج شما تحتاج؟؟
كل ماتشوفني اللاحظ الفرح بعيونها يربي شكد احبه!!
روزان
———
طلعت من المشفى واني ادري ساره سوت هيج بس ماحجيت شي ومنعت الكل! يحجون شي كلت بنص عرسي اسويله احلى سبرايز
مرت شهر على حادثتي واني جان المفروض باجر عرسي لكن هسه شوي شوي بديت ارجع طبيعتي
اجاني علي للبيت وجان متوتر خفت لا صاير شي او احد حجاله شي خفت من كلشي خفت للمره ثانيه ننفصل واني تعلقت بيه خفت يروح مني ابن گلبي خفت يضيع حُبي وتعبي اله خفت لا ساره مسولتنا شغّله والعياذُ بالله ! من الخوف بطني كام يوجعني معقوله؟ كل هاي التفكير صارت مجرد بثلاث ثواني .
علي:اكدر احجي وياج؟
روزان:اكيد امشي
رحنه للحديقه وردف
علي:روزان اريد اكلج شغله
روزان:احجي علي شبيك خوفتني؟
علي:سمعي انتي تتذكرين احمد؟ الي كلتي الي عادي هو وماري يحبون بعض؟ وراها بفتره اني وياج انفصلنا
خفت كلت اكيد متهمني او اي شي
روزان:اي وشبي؟
كلتها بتوتر
لزم ايدي وردف
علي:اني فعلا سمعت كلامج وخليتهم صارلهم ٥ سنين سوه بس يعني ماري اجتني وحجتلي وكالت احمد من سنه ونص ميحجي وياها ومن يحجي بس يهددها وهي ممسويه شي يهددها يسوي بيه شي ويفضحها محد يدري ليش وشبيهم وشصارلهم اكللها احجيلي تكلي لا انتي المقربه منها اريدج تساعديني وتشوفين شبيها وبعدين نشوف احمد
روزان:واه علي خوفتي كلت هم تقربنا نتزوج وهم حيصير مشكلة
ضحك وكال
علي:لااا مستحيل بس يعني تساعديني
روزان:اكيد شهالحجي ماري مثل اختي وهمينه ما ارفض طلب الكم
حضني وشفنه دانيال داخل من الباب شوي وخرت منه سلمت عليه ورجعت يم علي
دانيال:ما خانج مثل قبل؟
علي:مو بس ارجاع العلاقات يوم يومين وتشوف جهالنا وروح منا يلا لا اطلع عينك يلا
راح هو واني اباوع عليه
روزان:يا هاي شبيك علي؟
علي:شبيه هيج يحجي وياج ها؟
روزان:خليولي ماهتم له تعال نفوت جوه
علي:انطيني بوسه
روزان:يا عزه بعينك
علي:هيه شنيه غير زوجتي؟؟
أنت تقرأ
المُـــمَرضـه
Teen Fictionروزان من ام استراليه واب عراقي شي غريب لكن ابوه دارس هناكة ومتزوج وعشيرتهم جبييييرة فوك الاربعين عائلة قصتها غريبة كُلش لكن ... كل الروايات حين التقينا وجمرة ابراهيم وهاذه كلهم خياليه ومجرد اشاركم خيالي!! استمتعوا✨
