أصغر عناقيد البنات

5

.
العصر بيت ابو صقر اللي جالس على التلفاز وام صقر جنبه لكن هاديه ما تبغى تتكلم لانه ابو صقر عرف نيتها وينتظرها على غلطه ، أما دانه دخلت غرفه صقر : صقييير
صقر : همممممممم
دانه : وش قاعد تسوي ؟
صقر : مثل ما تشوفين على الجوال .
دانه : وش رايك نلعب ؟
صقر : ماني رايق وترا طفشت كل مرة نفس الالعاب
دانه : لا لا هاذي المرة لعبة كويتيه
صقر : والله ؟
دانه : اي وترا تهبلللل بس نلعبها بشرط
صقر : تمام بس بالاول تعلميني عليها
دانه : تمام
بدو يلعبون ودانه انجلطت من صقر اللي استيعابه صفررررررر ...

عند ابو صقر وهو جالس دق جواله ابو سلطان : سلام عليكم
ابو صقر : وعليكم سلام هلا هلا يابو سلطان
ابو سلطان : هلا بيك شلونك وشلون عيالك عساكم بخير
ابو صقر : الحمد لله دام انت بخير والأهل بخير ،
ابو سلطان : الحمد الله
ابو صقر : عسى ماشر يابو سلطان أحد به شي
ابو سلطان : إنشاءالله مابه شر لكن الحقيقه يابو صقر أبغاك بموضوع يخصني أنا وأبو سطام
ابو صقر : عساه ماهو بشي خطير ؟؟
ابو سلطان : إنشاءالله لا
ابو صقر : زين حياك الله بالوقت اللي تبي
ابو سلطان : الله يحيك بس الحقيقه والله اني مستحي منك لكن الموضوع مايبغاله تأجيل ، اذا مافي سأله عليك اليوم إنشاءالله بمرك انا وعيالي
ابو صقر : تفضل البيت بيتك بالوقت لي تبي
ابو سلطان : مشكور ما تقصر ، يلا انا استأذن .
ابو صقر : في امان الله .
.
دانه لاصقر : يا قرد قسم بالله لو انك درج كان استوعبت اسرع شفيك ياخي طفشتني
صقر  : والله انا بسم الله علي نبيه ع طاير افهم بس انتي ما تشرحين زيييييين
دانه باشمئزاز : اقول يا نبيه روح اللعب كيرم ولا بلوت ازين لك من هذي اللعبة
صقر : لا خلاص عيدي عيدي توني اعرف لها
دخل ابو صقر الغرفه : وش تسون ؟
دانه : نلعب
صقر : اي نلعب لعبه كويتيه مدري وش اسمها
دانه : اسكت اسكت انت طفشتني باللعب ساعه وانا اعلم لو اقول الاسم وش تسوي
ابو صقر ضحك على هواشهم : اي صقر طول عمره مخه سميك ( يعني استيعابه بطيء)
دانه : هههههههههههههههههههههههههههه اذا ابوي معترف أنه استيعابك سنوي لا تحاول
صقر انقهر : اقول دانووه احترمي نفسك انا اخوك الكبير
دانه زاد ضحكها : هههههههههههههههههههه انت بس ما تلاقي رد تقول هذي الجمله ابشرك ماعاد لها هيبه خذ غيرها يا اخوي الكبير ههههههههههههههه
صقر انقهههررر : هييينن انا اوريكي
ابو صقر بنفسه ( يجلعني ما أفقد ضحكتس )  : دانه يبه بيجي لنا ضيوف زهبي لنا شاهي وقهوة من تحت ايدينتس  .
دانه حطت يدها على خشمها : ابشر يبه وطلعت بضحك تقول لامها وتبخر المجلس .
صقر : يبه من هم الضيوف ؟
ابو صقر : ابو سلطان وعياله
صقر : غريبه وش يبون ؟
ابو صقر : والله مدري بس ماني مرتاح !؟
صقر : إنشاءالله خير
ابو صقر : إنشاءالله .
.
في بيت ابو سطام الكل جالس اريج تقهوي ابوها وامها وسطام والعنود جالسه بجانب ريم ويضحكون
ابو سطام : عنود هاتي جوالتس
قامت واعطت جوالها لابوها : تفضل يبه
ابو سطام : من الحين مافي جوال لتس واذا تبين شي خذي جوال امتس
العنود : حاضر يبه
ام سطام : واسمعي زين حتى جوالي مب 24 ساعه معتس فقط للدراسه
ابو سطام : يامن شرا له من حلاله عله وش ذا الجيل الخايس ما ينفع معاه التطور .
ام سطام : اي والله وانت صادق .
ريم بهمس لعنود : كل ما زانت الجلسه ذكرونا بجيلنا الخايس
العنود بنفس الهمس : اي والله ولا القهرررر من امي .
.
عند ابو صقر جت دانه : يبه ذوق القهوة اخذها منها ابو صقر وشرب: مظبووطه الله يسلم ايدينتس
دانه : الله يسلمك يبه
ابو صقر : جوّ جوّ الضيوف ادخلي .
عند صقر : ياهلا عمي تفضل تفضل
ابو سلطان : هلا بك
ابو صقر : حياك الله يابو سلطان
ابو سلطان : الله يحيك
وبدت تراحيب وتساهيل بينهم وقطع حديثهم ابو سلطان : يابو صقر والله مدري وش اقول واتمنى انك لا تفهم غلط لكن ... وبدأ يقول له كل شي وانهى كلامه ب وانا جاي انهي هالمهزله ولا تخاف يابو صقر ترا سلطان أخذ جزاته ثالث ومثلث وانا بصراحه جيتك كل لي عشم فيك وابغى احل هالخلاف مع ابو سطام وبالنهاية الظفر ما يطلع من اللحم وحنا أهل .
ابو صقر انقهررررر لكن كتم غضبه : والله مدري وش اقول لكن سلطان راكبه الغلط من ساسه لراسه وهذي بنت اخوي حسبتها بحسبت بنتي والله العليم الحين اخوي وش مسوي بها ودام قلت إنه سلطان أخذ جزاته خلاص انا كل لي ثقه فيك ، بس شلون تبغى تحل الخلاف ؟!
ابو سلطان : الحين اروح له واطلب السموحه منه واعطيه سلطان يسوي به لي يبغى لو وده قتل يقتله
ابو صقر : لا يا رجل ما توصل للقتل حنا أهل ، وانا بحاول باخوي .
وكان يقتصر الحديث فقط بين أبو سلطان وأبو صقر أما العيال كانوا ما يشاركون بشي وام صقر كانت تتسمع من ورا الباب ( اوووف اووف لا حشا ماهي بصاحيه والله ما الومها كل الحق على ***) ...
المغرب في بيت ابو سطام وصل ابو صقر وصقر وأبو سلطان وعياله الثلاث دق الباب وفتح ابو سطام وكان بالواجهه ابو صقر : سلاام عليكم يابو سطام كيفك ياخوي
ابو سطام عقد حواحبه : وعليكم سلام انت بلحالك
ولف على ابو سلطان : وانت لك وجه تيجي بعد
ابو سلطان : يابو سطام استهدي بالله وانا جاي اتعذر منك لكن مايصير كذا ع الباب !!
ابو سطام : والله بيتي يتعذرك انت وعيالك .
سلطان : يعم تكفى والله اني اسف اسسسسف وسوي فيني  لي تبي
ابو سطام : تقلع من بيتي لا اتوطى ببطنك الحين
ابو صقر : يابو سطام وش ذا الكلام حنا أهل مايصير لي قاعد تسويه وهم جايين طالبين السموحه منك
.
فوق بغرفه العنود دخلت عليها ريم بركض : عنود عنود شوفي هاذ خالي وعياله
عنود فزت من سريرها : ويييين  ؟!
ريم : هذولي هم تحت مع ابوي وسطام وعمي صقر معاهم
عنود دق قلبها بخوف : تهقين وش يبغون ؟
ريم : والله مدري ؟
عنود : يارب يتصالحون ونفتك
ريم بخوف : يارب
.
سلطان : يعم والله ما سوينا شي غلط وانت تدري اني احب العنود.. قاطعه سطام بغضب سحبه وهو يخنقه بياقته: سلطاااان لم لسانك احسن لك كممم مرة بعلمك وبفهمك لاتجيب اسم اختي على لسانك يا وسخخخ
أبو سلطان : يا سطام اقصر الشر ولا طولها وهي قصيرة .
رفع حواجبه سطام بتعجب : اييييي صرت انا لي مطولها ، أجل اسمع خذ ولدك ذا البغل وفارقونا بريحه طيييبه والا والله ليوصل الدم لركب .
ابو سطام : يلا مثل ما تسمعون بيتي يتعذركم .
ابو سلطان انسحب هو وعياله بقهرررررر اما ابو صقر سلم على اخوه وستاذن...
..
مر اليوم واليومين والثلاث والاسبوع ومرت عشر ايام
لكن عجز سلطان ينسى العنود اللي كل ما حط رأسه على المخده يتذكر شكلها ويعوره قلبه...
أما الباقين مستمرين بحياتهم بشكل طبيعي وانبلشوا بحياتهم بين مدارس وشغل...
ومن بكره نزل سلطان على ابوه وهو متأكد من قراره : صباح الخير يبه
ابو سلطان رفع نظره عليه وتكلم : هو باقي فيها خير من يوم شفتك حسبي الله عليك وطيت راسي قدام لي يسوى واللي ما يسوى
زفررررر سلطان : يبه قد قلت لك أنها ساعه شيطان وعدت وانا غلطت وتأسفت خلاص مب كل ما اجي تذكرني بغلطي
ابو سلطان صرخ بوجهه : لاااااااا مب خلاااااص مب خلاااص اناااا انطرد هاااا انااااا ينقاااال لي بيتي يتعذركك ؟؟؟
سلطان : يبه انا جيت اقول لك ابدخل العسكريه...
..
أما في بيت ابو صقر  دانه وأمهم وصقر  جالسين بالصاله دق جوال صقر برقم غريب : نعم
المستشفى : سلام عليكم اخوي
صقر : وعليكم سلام أمر اخوي
المستشفى : اخوي انت قريب أو ولد نمر مشاري ال...
طراد وقف من الخوف ومن اللي بيقوله والكل يناظرونه : ايه انا ولده وش صاااير
المستشفى : والله يخوي قريبك صاير له حادث حريق من ساعه وهو موجود في مستشفى ^^^
صقر بفجعه: وشلوون كيف صار هو حي والا لا
المستشفى : هو حاليا بالعمليات ياليت تشرف تكمل البياناته فمان الله
صقر طاح من طوله من الفجعه ، دانه : صقر صقر وش فيه ابوي صقررر
صقر المفجوع : ابوي ابوي بالمستشفى
فزت ام صقر : وش تقول انت وش ذا الكلام
صقر قال لهم كل شي ودانه منهاااااارة وتجمعوا وتوجهوا للمستشفى
..
عند ابو سلطان جلس بهدوء مو عارف يعترض على قرار ولده ولا يوقف معاه: ليه وش تبغى بالعسكريه ؟
تكلم سلطان وباين بعيونه الانكسار : خلاااص يبه والله اني تعبت تعبتتت حيييل مالي خلق كلام فلان وفلان خلاص ابغى أفارقكم مب انا لي وطيت روسكم قدام اللي يسوى واللي ما يسوى مب انا لي سببت لكم مشاكل مع دار عمتي جواهر خلاص ابغى ارتاااح ما ابغى انقههر كل ما اشوف العنود قدامي ومب قادر اسوي لها شي مو قادر اتحمل فكرة انها تكون لحد غيري
تقدم ابو سلطان وحضن سلطان : الله يوفقك يا سلطان وانت انسى لي قلته لك الحين بساعه غضب وانشاءالله أن فيها خير العنود تكون من نصيبك يا سلطان تدري وش قال ربنا ( وعسى أن تكرهوا شيءً وهو خيرٌ لكم ) ما تدري يا ولدي وين الخيره بهاذي السالفه وانت لا تضيق ولا تكدر نفسك انت اتركها لربك هو بيحلها .
سلطان : أنشاءالله يبه
..
أما في المستشفى ابو صقر كان في غرفه العمليات وحالته كسيفه ودكاترة والممرضين حوله وصلوا صقر وأمه واخته وظلوا واقفين عند الباب ينتظرون ومافي أي رد ودانه منهااارة لآخر حد وخايفه من فقد ابوها والباقي نفس الحاله ويشوفون دكاترة رايحين جايين ركض يسألوهم وما كان في رد غير ( إنشاءالله خير ) أما صقر مب عارف يتصرف غير أنه دق على عمه ابو سطام وقال له يجي
اجى ابو سطام وكل الوقت يدعي له : ي ربي كون بعونه ي رب تكفى يااارب لا تضره ي ربي لا تقطعني من اخوي ي رب
صقر لي شبه متماسك ويدعي ربه والباقين فيهم امل قطع عليهم الممرضين وهم يجرون ابو صقر وكله شاشات ومب باين من ملامحه شي فزت دانه وهي تبكي وكلهم قربوا عليه وكلهم بكوا وارتفعت أصواتهم ودانه غشيت من البكي وهي تهذري باسم ابوها دخلوا ابو صقر الغرفه ووضعوا له الأجهزة ودانه اللي ذبحت الدكاترة وهي تترجاهم تدخل لابوها وبعد عنااء دخلت وهي تبكي بحرقه قربت وهي تشوف وجه ابوها الطيب اللي ما عمره عصب عليها ولا خلاها تحتاج شي كله شاشات ومب باين منه شي قربت لاذنه: يبه دخيلك قوم لا تروح وتخليني يبه تكفى انت تدري اني مالي غيرك يبه انت ما تخليت عني وانا صغيرة لا تتخلى عني الحين لكن ابو صقر كان جثه ولا ينسمع الا صوت الأجهزة طلعت دانه بحاله يرثى لها .
..
وصل الخبر للكل وتجمعوا الرجال وتوجهوا على المستشفى ويدعون لابو صقر .
..
بعد 7 ساعات في المستشفى خرج لهم دكتور فز له ابو سطام وصقر : وش صار اخوي حي حي صح ما صار له شي
الدكتور : المريض يطلبكم الحل
ابو سطام انحرق قلبه : أن لله وأنه إليه راجعون
دانه قامت ركض على دكتور وبصراخ عبى المكان : لا تكفى لاااااااااااااااا يا دكتور لاااااااااااااااااااااااااااا طاحت وهي تبكي وتصرخ وعيال ابو سطام حزنووا على حاله دانه وصدوا وهم يبكون على ابو صقر وعلى حاله دانه
ابو سطام : دانه تعوذي من ابليس قولي لا اله الا الله قولي ان لله وان اليه راجعون يا دانه
دانه اللي كانت تصرخ وتضرب نفسها : بس انا مالي غيره مالي غيره ليه يتمتوني من جديد
ابو سطام استغرب من كلام دانه ( يتمتوني من جديد ) بس قالوا يمكن انهارت أعصابها ولا ركزت
دانه قامت لصقر : صقر تكفى ابغى اشوفه تكفى
صقر لاف شماغه على وجهه ويبكي : ما يصير الحين هو بثلاجه
ابو سطام : خذها يا صقر خذها ما عليه
راحت دانه ورا صقر سحب دكتور ابو صقر من ثلاجه ونهاااارت ريم بكى وصقر صد ما يبغى يشوف قربت دانه وباست راسه : لييه يبه لييه تركتني وانت تدري مالي غيرك ليه يبه وانت كنت ابوي وامي وأخوي وسندي وكل شي وكنت كل املي لييييييه لييييييه يتمتني من جدييييييد
رفعها صقر وضمها وهي تبكي ...
توجهوا للمقبرة وبعد شوي وصل الإسعاف وراح صقر وسطام وسلطان يشلون جنازته دخلوا المسجد وصلوا عليه وبعدها طلعوا للمقبرة ونزله صقر وفهد وسلطان ودفنوه واستقبلوا التعازي وتوجهوا للبيت  وضعوا الخلاف على جمب ...
..
في بيت ابو صقر اجتمعوا كل العايله وهم في حاله حزن أما عنود وشموخ وفلك وريم واريج شو يبكون وشوي يخففوا حزن دانه وهم ما سلموا على بعض وام صقر تمثل الحزن .
في ثالث ايام العزا عند البنات عنود كانت بالمطبخ تمسح دموعها جتها شموخ : عنووود عظم الله اجركم
عنود صدت : شكر الله سعيكم
شموخ قربت منها : افاااااا بعدك زعلانه
عنود خافت لتشوفها امها لأنها موصيه عليها لا تحكي معاهم راحت وقفلت الباب : لا والله انا مو زعلانه منكم ابد واشتقت لك انتي والبنات بعد
شموخ باستغراب : ليه قفلتي الباب ؟
العنود انحرجت : لا ابد امي موصيه علي لا احكي معاكم لا أنا ولا خواتي بس هااا لا تزعلين امي وتعرفينها
شموخ : لا ابد عادي والله وانا اشتقت لكم وطول هاذي الفترة خايفه عليتس والله إنه بالي عندك من يوم المشكله قولي لي وش صار
بدت العنود تقول لها كل شي صار معاها وسطام كيف ساعدها...
شموخ : يا حليله سطام ما ينعرف له مرة يا زينه ومرة اقشر والله ما شفتي حال سلطان من بعدك مغبوووون مرةةة وبس يصارخ في البيت والله العنود ما تاخذ غيري والله اني احبها وابتزوجها
العنود ابتسمت بحزن : شموخ ابطلبك طلب
شموخ : انتي تأمرين أمر على هالخشم
العنود ابتسمت : قولي لسلطان تقول لك العنود...
..
في المجلس ام سطام لاريج: وين اختك العنود اختفت
اريج : وين بتكون يمه اكييييد بتسولف مع البنات
ام سطام : انا اشوفها ذي العوبه بس لو اشوفها تكلم البنات لاربيها خلها عليي
قامت ام سطام وتدور على عنود دخلت كل الغرف والحمام ما حصلتها توجهت للمطبخ فتح الباب لقته مقفل
العنود ماتت خوف : ميين ؟
ام سطام : اقول افتحي الباب انا امك
العنود خافت وش تسوي الحين وشموخ معاها
شموخ : خلاص لا تخافي ازهليها اقول لي تبي لسلطان والحين انا بدخل داخل الدولاب صرفي عمتي بالعقل
دخلت شموخ داخل الدولاب بصعوبه والعنود فتحت الباب لامها وكاتمه ضحكتها على شكل شموخ لكن تفادت الموقف ام سطام : خير وش تسوين في المطبخ لا وبعد مقفله الباب ؟
العنود : الله يهداك يما وش بسوي يعني بالمطبخ بروحي كنت ابكي على حال دانه يفجع وعلى عمي صقر والله اني احبه حيييل وقفلت الباب عشان ما يجون بنات خالي مو هاذي تعليماتك
ام سطام : ايه زين زين يلا قدامي
طلعت ام سطام من المطبخ ووراها العنود وقفلت الباب عشان تطلع شموخ . 
وام سلطان ما كانت احسن حاله وهي فاقدة اخوها ابو صقر حالتهاااا جداااااااا كسييييييفه وكانت بصمت مخيف من الصدمه...
..
نرجع بالاحداث شوي يوم وفاة ابو صقر ( نمر )
( كان ناشب حرييق ضخم في إحدى الفنادق وطبعا كطبيعه عمل ابو صقر ف اكيد بيدخل الكادر ويطفون الحريق وهم يطلعون الناس من داخل الفندق مابقى أحد جاه ابو صقر يطلع لكن ما قدر يتمالك نفسه وطاااح على الأرض مغمى عليه بسبب نقص كميه الأكسجين خلينا نقول نفس حادثه صديقه وأبو دانه الحقيقي ( عساف ))
..
انتهى العزاء لكن ما انتهى الحزن فضى بيت ابو صقر من الناس وعياله فاقدين حس ابوهم ودانه بغرفتها مقفله الباب وبس تبكي : ابوي ما علمني احزن ما علمني انكسر لكن والله مب قادرة اخخخخخخخ ي ربييي لييييه تركني وانا بعدني صغييييررررة ومحتاااجه له .
وام صقر ( اي والله طالت وشمّخت لك يا الجازي الحين تقدري تسوي لي تبي وابتسمت بخبث)
..
بيت ابو سلطان جالسين يهدون ام سلطان شموخ غمزت لسلطان بمعنى قم وتوجهت للحوش الخلفي
سلطان : خير وش تبي
شموخ : والله مدري انت لي بتقرر اذا أنه خير أو لا
سلطان طفش : شموووخ خلصي ارطني وش عندك
شموخ ابتسمت : اليوم شفت العنود وبدت تقول له كل شي سلطان تشقق فرح  : الله ينصرك يا شيخه والله انك عن ميت رجال كفوو والحمد الله انها بخييير والله بغيت اموت
شموخ رفعت حاجبها : اي لسى ما خلصت ترا وتقول لك العنود بعد ( لا تخاف انا لك لو مهما فرقونا العواذل ببقى لك انتظرك استودعتك الله ) وزادت شموخ بخبث : وترا وصلت لك كمان بوسه هنا وأشارت على خده
سلطان وده يطييير من الفرح الا بينفجرررررر قام وباسم راس شموخ وطلع ركض مو عارف وين يروح الدنيا مو واسعته من الفرحه دخل غرفته وسجد سجدة شكر : الحمد الله ي ربييي الحمد الله ي رببب تكمل فرحتي فيها ي رب طلبتككك لا تردنيييي
..
توقعاتكممم ؟؟؟