احببت رجل عصابات

بارت 4

اسد( محملش داك صوت كره حياتو كره نهار لي هذ لمرأة ولداتو حيت مكايشرفوش بسبابو او بسباب باه ليوم ولا بلا قلب بعد لمرات كايشك واش عند بصح قلب محالهاش دار شاف فيها بكره هدر ببرودة) متقوليش ليا ولدي نتي بضبظ منسمعش صوتك كيجيب ليا اشمئزاز
هناء:( حابسة دمووع بزز حالتها تقطع لقلب) هئ هئ هئ هئ نتا راك معرف والو غير سمعني

اسد:( غوات حتى بانو لعروق فعنقو ولا كايخلع ولا بحال شي واحش هدر هو معصب كولشي قفز تسمع صوتو فالقصر كامل لدرجة خدامين خرجو ايشوفو شواقع) اش غادي نعرف دوي واش مغاديش تهناي حتى نصفيها ليك غير هدري واش باقي عندك لوجه فين تباني قدامي كنكرهك بسبابك نتي وداك شارف انا ليوم فهذ لحالة اااعععععععع حيدي من قدامي قبل منسا راك لي ولدتيني واخا ميشرفنيش (هو كانشوف فيها تغبر من قدامو)

هناء :( كلامو حسات بيه بحال سم دخل فيها موس تغرس فقلبها هبطو دموعها عيات بهذ لحمل لي هزاه فقلبها اي أم كيف ما بغات تكون متقدرش تستحمل كلام خصوصا فكبدتها طلعات كتجري شدتها صخفا)
لالة رقية: ( بقات مصدومة بقات كتبكي) علاش علاش جرحتها هي ماماك كيف ماكان لحال كتبقى ماماك

اسد:دادا خليني محتارمك عفااك
جرها جالسها فالصالون لي كان يجري فيه خيل كان واااعر جلس فوق فخدها تكا هنا فين كايرتاح قدما كان واحش او معندوش رحمة فقلبو كاين واحد شوية انسانية كايبينها غير لنااس لي قرااب ليه غمض عينيه جات صورة ديال داك دري لي كان مشانق على دري مقدرش اشوف ملامحو مزيان حيت كان عاطي بجنب حل عينيه بجهد بقا ساهي
حتى لالة رقية هدرات فيقاتو
لالة رقية: حبيبي ايمتى جيتي واش ليوم
اسد: (شافيها ضحك شوية تنهد) لا دادا جيت لبارح
دزت لشركة لقيت شي حد كيلعب مورا ضهري ولكن غادي نتعمل معاهوم سهرت حتى لصباح سمحيليا
لآلة رقية: الله ينصرك على اعداءك ياربي.
اسد: امين ( بااس ايدها ناض) غادي نطلع ندوش نرتاح

لالة رقية: سير رتاح احبيبي
اسد طلع دخل لاسانسور وصل طابق الثالث دخل مع كولوار حتى وصل حدا لباب ديال حديد كان فالأخير كولوار دخل كان عيبارة على بيت واااعر فالكحل واحد بوتي كوزينة عندو فالقنت او حمام او دريسينغ
بالكون مقابل مع لبحر دخل دوش حيد حويج تغشا فيه كايدوش ( نخليوه نشوفو داك صكع اش دار)

......................................................................

جاد فاش كان مشانق هو او نعمان على دراري جا واحد من ستغل لفرصة منين ملاهين مع دراري جبد نقشا (لموس) بغا يضربو نعمان رد لبال حدرو شاف دري لي قرب ليه طاكاه جرحو فيديه نعمان شافو جعر عطاه قتلة ديال لكلاب مرمدو مزيان

نعمان:(عينيه خارجين تخلع) جاد وقعات ليك شي حاجة هدر نديك لسبيطار
جاد:( شاد في يديه ) لا ماشي شي حاجة متخافش غير جرحه صغيرة
نعمان:متأكد
جاد: صافي اصاحبي يالله نمشيو
كمال:( دموع حبسهوم نيفو حمر رحو غادي تزهق منين تفكر لي كان غادي يقتل خوه مومو عينيه تفكر كولشى بسبابو) انا سباب انا بغيت نموت كون وقعات ليك شي حاجة والله حتى نموت سمح ليا عفااك اخويا سمح ليا