RUSH...❤️‍🔥

❤️‍🔥 . 09

❤️‍🔥 RUSH ❤️‍🔥

Randika pov…

"දැන් එතකොට මැඩම් කියන්නේ… සසත්මි කොහෙටද ගියෙ කියලා මැඩම්වත් දන්නෙ නෑ කියලද…??

අපි හිටියේ අකේන් චූටිව නතර කරන "සන්-රේ" ඩේ කෙයාර් එක ලඟ… චූටි ඩේ කෙයාර් එකේ නෑ කියලා ඩේ කෙයාර් එකේ ළමයි භාරව ඉන්න මැඩම්ගෙන් කෝල් එකක් ආව විතරයි… මිස්ටර් සිල්වා කොහෙද යන්නේ කියලා කෑ ගගහා අහද්දිම අකේන් පිස්සු හැදිලා වගේ බාර් එකෙන් එලියට ඇවිල්ලා කෙලින්ම ඩේ කෙයාර් එකට ආවා… මම හිටියේ අකේන්ගේ පිටිපස්සෙන්… අකේන් අත් දෙකත් මිටමොලවගෙන ඩේ කෙයාර් එකේ මැඩම් එක්ක කතා කරනවා… අකේන් ඉන්නේ කලබල වෙලා… එයාගෙ අත් වගේම කටහඩත් වෙව්ලන හැටි අකේන්ට පිටිපස්සෙන් ඉන්න මට හොදටම තේරුනා… මේ වගේ දෙයක් උනහම කවුරු උනත් කලබල වෙනවා තමයි… ඒත්… මේ වගේ වෙලාවකදි කරන්න ඕනෙත් පුලුවන් තරම් කලබල නොවී ඉන්න උත්සාහ කරන එක…

"අපි හැමෝම හිටියේ ක්ලාස් රූම් එක ඇතුලේ කඩදාසි වලින් සමනල්ලු හද හද මිස්ටර් අකේන්… සසත්මි දුව ටොයිලට් එකට යන්න ඕනෙ කියලා එළියට ගියා… විනාඩි දහයක් පහළවක් ගිහිල්ලත් සසත්මි ආයිත් ආවෙ නැති නිසා තමයි මම ටොයිලට්ස් ලඟට ගිහිල්ලා බැලුවේ…"

"විනාඩි දහයක් පහළවක් යනකම් දරුවා ගියේ කොහෙද කියලා බලන්නේ නැතුව මොන මඟුලක්ද කරේ මැඩම්… අනික ඒ වගේ පොඩි ළමයිව තනියම එළියට යවන්නේ මොකද… තනියම ගිය වෙලාවක මොකක් හරි අනතුරක් උනොත් එහෙම…"

"එහෙම කිසිම අනතුරක් වෙන්නේ නෑ මිස්ටර් අකේන්… අප්…"

"අනතුරක් වෙන්නේ නෑ… අනතුරක් වෙන්නෙ නැත්තම් දැන් මගෙ කෙල්ල ආගිය අතක් නැතුව අතුරුදහන් වෙලා තියෙන්නෙ කොහොමද කියලා මට දැනගන්න පුලුවන්ද ආ…"

"අකේන් සන්සුන් වෙන්න…"

ඇස් දෙකත් රතු කරගෙන අකේන් ඒ ගෑනු කෙනාගෙ ඇඟට කඩන් පනිද්දී මම අකේන්ගෙ උරහිසක් උඩින් අත තියලා සන්සුන් වෙන්න කියලා කිව්වත් අකේන් මගෙ අතත් කේන්තියෙන් පැත්තකට ගසලා දැම්මා.

"අපේ බිල්ඩින් එක වටේටම තාප්පෙ තියන නිසා පිට කාටවත් ඇතුලට එන්නවත් ඇතුලේ ඉන්න කාටවත් එළියට යන්නවත් බෑ මිස්ටර් අකේන්… මම යනකොට ටොයිලට් එක පැත්තේ එක තැනක තාප්පේ ලග පරන පුටුවක් තියලා තිබුනා … මම දැනට අනුමාන කරනවා… සසත්මි දුව එතන තාප්පෙන් පැනලා එළියට යන්න ඇති කියලා… මම දැනටමත් ළමයාව හොයන්න දෙන්නෙක් පිටත් කරා… අපි කොහොම හරි සසත්මිව හොයාගමුකෝ…"