❤️🔥 RUSH ❤️🔥
"බංඩා… මෙන්න මූ තමයි… අපේ ජැකී අයියව මැරුවේ මූ තමයි… කොල්ලන්ට එන්න කියනවා… අද මූව මෙතනම ඉවරයක් කරලා දාමු…"
මගෙ හුස්ම එක තැන නතර වුනා… එදා මැරුන ජැකී ලඟ මම ඉන්නවා දැකලා එතනින් පැනලා දුවපු එකා… ඌ මාව දැක්කා විතරයි… මගෙ දිහාවට ඇඟිල්ලකුත් දික් කරගෙන ඌත් එක්ක ඉදපු තවත් එකෙකුට කට්ටියව එක්කගෙන එන්න කියද්දී… මට ඉබේටම එයා දිහා බැලුනා… එහා හිටියේ දත් මිටි කාගෙන අපි ඉස්සරහා ඉදපු උන් දෙන්න දිහා බලාගෙන… බංඩා කියන එකා කට්ටියව එක්කගෙන එන්නද කොහෙද ආයිත් හැරිලා දුවද්දී… රශ් එයා ලඟ තිබුනු ලී දණ්ඩක් අරගෙන දුවන්න හදන එකාගෙ කකුල් වලට ගැහුවත්… අපිට ඉස්සරහින් ඉදපු අනිත් එකා ඒ ලී දණ්ඩට කකුලෙන් ගහලා බිම දැම්මා…
"හහ් හහ්… උබලට අද කොහොමත් බේරෙන්න හම්බුවෙන්නෙ නෑ… අපේ ජැකී අයියව මරපු පළිය අපි අනිවාරෙන් ගන්නවා… විශේශයෙන් උබ… උඩ ඉන්න දෙයියෝ සිහිකරගෙන ඉදපන්…"
"උබත් මේ වෙලාවෙදි උඩ ඉන්න දෙයියෝ සිහි කරගෙන කරපු පව් පින් මතක් කරගත්තා නම් හොඳයි… මොකද උබටත් තව වැඩි වෙලාවක් මේ ලෝකෙ හුස්ම ගන්න වෙන්නෙ නෑ…"
අපි ඉස්සරහා ඉදපු කට්ට කලු කෝටුකිතයියෙක් වගේ එකා මගෙ දිහාවට උගෙ අතේ තිබුන මන්නෙ දික් කරලා උඩ ඉන්න දෙයියෝ සිහි කරගන්න කියද්දී ඌ දිහා බලාගෙන ලඟ ඉන්න මටත් ඇහෙන තරමට හයියෙන් දත් මිටි කකා ඉදපු එයා මගෙ වැලමිටෙන් අල්ලලා බිම වැටිලා ඉදපු මාවත් ඇඳගෙනම නැඟිට්ටා…
"මේ මායිම දිගේ කෙලින්ම ගිහාම ගුරු පාරකට වැටෙනවා… එතනින් වම් පැත්තට හැරිලා ටික දුරක් යනකොට පරන මඩුවක් හම්බවෙයි… එතන කලු පාට බයික් එකක් නවත්තලා ඇති ඒක අරගෙන මේ ෆෝන් එකේ සේව් කරලා තියන නම්බර් එකට කෝල් කරන්න… ඌ ඔයාට එන්න ඕන පාර කියයි… එහෙ චූටි ඉන්නවා…"
"ඒ..ත්…"
"තව උන් එන්න කලින් අපි දෙන්නටම මෙතනින් යාගන්න බැරි වුනොත්… ඔයා මෙතනින් යන්න ඕනේ…"
මාව ඇඳලා කෙලින් කරගත්තු එයා… අපි ඉස්සරහා ඉන්න එකා දිහා බලාගෙනම යන්න ඕන පාරක් ගැනත් කියවලා… මගෙ කෙල්ල ඉන්න තැන ගැනත් කියලා එයාගේ සාක්කුව අතුලේ තිබුන ෆෝන් එකකුයි තනි යතුරකුයි අරගෙන මගෙ අතට දුන්නා… එයා කියන්නේ මට එයාව දාලා යන්න කියලද… මගෙ කෙල්ල ලඟට මට යන්න ඕනෙ තමයි… ඒත්… මේ වගේ දෙයක් වුනහම එයාව තනි කරලා මම විතරක් බේරෙන්නෙ කොහොමද…
YOU ARE READING
RUSH...❤️🔥
Adventureකඳුළු අතරින් සිනහවක් සොයන, ඔවුන්ගේ ජීවිතයට... හදිසියේ පැමිණි ඔහු, බාඳුරාවක්ද...?? ❤️🔥 RUSH ❤️🔥
