#البارتات__6
#البارت السادس
#ياسمين
#جمانه السعيدي
ورا هاي العركه بيني وبينه صارت فترة هدنه هو يجنبني واني اجنبه
احاول قدر الامكان اكون منضبطه بلمحاضره
حتى ما يلكه فرصه يحجي عليه بيها
بليل يدز مسجات ونحجي شويه
بعد تعارفنا لمدت شهرين طلب نحجي اتصال مو مسجات
حاتم ممكن اطلب طلب
...تفضل
... اني تعبت من الكتابه ممكن يكون الي بينا اتصال
...لا مو ممكن احنا من عائله محافضه جدا وانت اول انسان اقبل احجي وياااا
واني قبلت احجي وياك لان كلت عندي مشكله
يعني محتاج مساعده
واذا تحس نفسك لكيت حل الهاي المشكله ممكن نلغي
الصداقه
لان اني وياك مايربطنا اي شي
مجرد حديث عادي
حاتم اوكفي شو هجمتي عليه انتي تردين حجه حتى ماتحجين وياي
الهلدرجه اني مثقل عليج
ولله عندي صديقات بكد شعر راسي
بس انتي حسيتج مميزه
والحديث وياج بي معنى البقيه من احجي وياهم
يكون الحديث تافه ومابي معنى
اني اسف اذا ازعجتج
بعد ما اتصل وشكرا للخدمه الي قدمتيها اليه
جمانه السعيدي
ياسمين الحد هذا الكلام وبطل يكتب بس ما حضرني ابد
واني ما كتبت اي شي بعد قفلت التليفون وتمددت
والأفكار تلعب بدماغي
اني يمكن خربت كلشي
تسرعت والي خططتله هواي خرب بلحضه
بس مستحيل ارجع اني اكلمه
اذا اني تركت اثر بنفسه
اكيد راح يرجع واذا اني مريت بحياته مر الكرام
راح تكون هاي اخر محادثه بينا
تعبت من التفكيررررر
بلاخيررر كلت اوووي عليمن شاغله تفكيري
هو من البدايه كالو علي انسان مزاجي ويترك العلاقه بسرعه
اصلا اني شمنتضره من واحد مثله
يعرف بدال الوحده ميه
نمت والصبح كعدت ضايجه
يمكن اني الي وكعت بلفخ
سامعين بلمثل الي يكووول من حفر حفرتا لاخيه وقع فيها
يمكن اني هذا الي وقع فيها
ابدال ما اعلقه بيه
اني تعلقت بي
جمانه السعيدي
حاتم اني عصبت عليها وقررت ابطل اكلمها
وردت احضرها بس ما اعرف ليش ماكدرت احضرها
اني عرفت هواي بنات بحياتي بس هي بيها شي مميز
احسها فاهمه وعاقله
احس براحه عجيبه من احجي وياها
قررت اسوي نفسي زعلان عليها
وانتضر ها تصالحني
اكيد وجودي بحياتها اثر بيها والا ليش مستمره وياي
انتضر واشوف
شكد تصبر وتتصل بيه
ياسمين هذا اليوم ماكان عدنا محاضره اله
بس شفته من بعيد يسولف ويه طالبه
هاي الطالبه شايله جمال مو طبيعي ومعروف عنها مغروره
واهلها ناس راقين
حتى عدها سياره حديثه
الولد بلكليه ذابحين نفسهم عليها
