#البارتات__8__9
#البارت الثامن
#ياسمين
#جمانه السعيدي
طلعنا بابا للبيت والعصر أخذنا الدكتور اختصاص
بس شافه وشافنا وياااا
الدكتور ماشاء الله كلكم نفس القياس شنو هذا السمن
ترا هذا وضعكم يخوف
كل الامراض المنتشره حاليا سببها السمنه
أمراض القلب والمفاصل والسكر والضغط
والقالون وحتى الاكتئاب هم بسبب السمنه
يأشر علينا ويحجي اذا ما تتلاحكون نفسكم
انتم مهددين بهاي الأمراض
سجل علاج البابا وسجل ويااا جدول غذائي
وكال اذا ما يلتزم بلاكل ماله داعي العلاج اهم شي يلتزم بلاكل
اذا تحبونه وتخافون علي لازم يلتزم بلاكل
جمانه السعيدي
من هاي اللحضه وعيت على نفسي
وخفت حيل اي خفت من كم الأمراض الي ذكرها الدكتور
يعني اني معرضه باي لحضه ان انصاب بهاي الأمراض
من غير التنمر الي الناس تتنمر عليه
واولهم حاتم الي يكول انتي فيل
يمكن لو اني ضعيفه وهو مكتشفني ما فرق ويااا شي
وبقه هذا الحب بينا
بس رجعت لكيته حاضرني من كل البرامج
وطالع من الكروب الي انشر بي
تردون الصدك اني كلش حبيته وتعلقت بي ولو ملتقيني من زمان جان غيرت هواي اشياء بحياتي علموده
بس شسوي الجسمي الي مضيع عليه كلشي
قررت من اللحضه الي ارجع بيها للبيت يبدي الدايت
وبعد ماكو اكل هواي
طلعت برامج غذائيه على الانترنيت
وبديت رجيم
كان صعب عليه بلبدايه كلش صعب
اني احرم نفسي من الاكل خصوصا وهو كان متعتي الوحيده
بلبدايه كان نص ونص يعني ما ملتزمه كلش بعدين
حسيت اني ماعندي اي تقدم وجاي اضحك على نفسي
لازم التزم واحافظ على صحتي
كطعت الخبز نهائيا والحلويات والمشروبات الغازية
الصبح بيض سلك بدون خبز
والغدا شويه تمن ومرك من جعب الجدر يعني بدون دهن
والعشى زلاطه وزبادي
واذا اجوع اكل فاكهه واسد جوعي
بعدين كمت كلما اجوع اروح اشرب ماي أملي معدتي ماي
حتى لايبقى مكان للاكل
بلشهر الاول نزلت خمس كيلووو
بعدين كمت من اوكف تجيني دوخه رحت للدكتور كال عندج نقص حديد
حاولي تناسبين اكلج شويه
بديت اكل كرفس ومعلاك شوي وباكله وشوندر حتى يصعد الحديد بجسمي
واكل وياا بابا اكثر شي اشياء سلك
وبتعدت عن الدهن نهائيا
والجاي اشربه مر
خلال شهرين نزلت ١٥ كيلو
طول النهار امشي ابد ما اكعد لان الدكاتره كلهم اكدووو
الرجيم وحده ما يكفي لازم ويااا حركه
اللعب حبل اركص اركض بلطرمه
كان عندي دافع مو طبيعي اريد اصعف وبسرعه
بس ويه كل هذا تحدي الضعف ما نسيت حاتم ولا لحضه
يمكن كلامه عليه كان أكبر دافع حتى أضعف
