بارت لسادس
الف مبروك
مازعلان؟؟ •
هوا شعندي بس انتي ❤
عرسج من يخلص عود.
معزومه على فاتحتيي
~~~~~~~~~~~~~~~~~~~~~~~~~~~~~~~~~
ام بسمه:: يمه بنتي كومي نامي حتى تكعدين من وكت
بسمه:: وك ماما رحت لفراشي وضليت صافنه احس لا اكدر ابجي ولا اكدر انام بقيت افكر بالي ديصير بيه
وبالي راح يصير وبحياتي الجديده معقوله ارتاح معقوله انسى الماضي اخير شي نمت كعدت الصبح شفت ماما فوكاي دتعيط وخابصه البيت خبيصه كمت غسلت
وتريكت وكعدت عل تخم وبقيت اباوع لاجواء البيت والهوسه اني بالي مايمهم امي اخذتني وياها للاسواق كالت تغيرين جوا وتشترين حلويات رحت كل مره من
انروح اضل افتر واشتري حلوات كومه امي كوه تجرني من المحل هلمره واكفه بصفحه وابوعلها وهيا تكلي تردين هذااكللها كيفج
ام بسمه:: يمه شبيج ميصير تبقين هيج حاولي تتقبلين الوضع وافرحي شويه لا ضلين مطنكره
بسمه:: يي ماما
رجعنه للبيت ورحت للحمام غسلت وسبحت وكعدت اجتي بنت عمي الجبيره مكيجتني اني بيضه وشعري اسود وكلش طويل يعني ختصار حلوه كملت
هبه كلتلي كومي خل البسج قفطان مالتج لبسته وهيا تباوعلي وتكلي طالعه كمر كلش حلو
بسمه:: لاتبالغين
هبه:: والله مابالغه جمالج اكيد العريس حينسحر بهجمال
بسمه:: مممم
اجتي امي وشافتني
ام بسمه:: يمه الله يحرسج
بسمه:: الله يخليج الي يوم
رحت كعدت بصاله وجوي اخواني وابويه سلمو عليه وبوسوني وراها بشويه تقريبن بالسته المغرب جوي عمامي وطبو للستقبال قدمو جاي ونسوان جوي بصاله وطلبوني واجا اخويه وكال ابوي انطه والنسوان تهلهل
وكلها جتي بوستني ورا بشويه سمعتهم ديقرون الفاتحه وكامو يخبرون يردون شيخ يعقد وشويه واجا الشيخ واجا كال تقبلين بفلان زوج الج نزلت دمعه من عيني
وكتله نعم قبلت حسيت نتهت حياتي كلشي انتهها بعد بشويه طب ابن عمي وكالو العريس اجي ديسلم على العروس اجا باسني براسي وراد بس اباوعله واني ما رفعت راسي هو ضاج وكعد كعدو يحجون شويه وكالو
احنهه نروح ام العريس اجتي لمي وكالتلها احنه راح انجيب موبيل للعروس حتى تحجي ويه خطيبها كلتلها يي هلا بيكم يلا حنه رايحين وراها كمت للحمام نزعت ملابسي وسبحت ورجعت تمددت بفراشي وميته قهر وضليت ابجي وراها نمت ومرت يومين روتين بعدين
اجه عمي ومرت عمي وابنهم وجا جايب وياه تلفون وهديه بصفحه جابتهن عمتي وخلتهن بيدي اني كتله لا عمه ماريد كالت هششش اخذيهن وسكتي اني خذتهن وخليتهن بصفحه بعدين كالتلي عمتي كومي اخذي خطيبج وطلعو للكراج احجو تعرفو على بعض كتلها لا
عمه مايحتاج كالتلي امي كومي بنتي يلا هو اجي لزم ايدي وطلعني للكراج كعدنه على المرجوحه
يونس:: شبيج
بسمه:: كتله ماكو شي
يونس:: احسج ضايجه
بسمه:: لا مضايجه بس شويه راسي يوجعني
يونس:: سلامتج حبيبتي
بسمه:: انصدمت من كال هيج كتله هااا
يونس:: شبيج غير مرتي اذا الج ماكلج لعد اكول لمنوو
بسمه:: اني ممتعوده واضوج من هذا الكلام
يونس :: عادي تتعودين باعي تلفونج خليت بيه رقمي وانتي افتحيلج احسابات والي ترديه بس بهال الرقم الي نطيتج هو لاتخلين رقم ثاني تمام
بسمه:: يي هو حاول اكثر من مره يتقرب بس اني صديته راحت ايام واني ويونس علاقتنه كلش سطحيه يحاول اني يخليني احبه بس اني كلش مامتقبلته بحيث يخابرني اجاوبه على كد السوال واتحجج انو اريد انام
او عندي شغل حتى بس ماحجي ويا بيوم كاعده اخويا كاعد يمي جنه دنتغده ودك تلفون اخوي وجاوب وكله
امير؛:: الوو هلا بالمطي
حسون:: هلا بالحيوان الجبير
امير:: ول يابه مبروك الخطبه بس زعلان منك حيل ليش ما عزمتني على الكعده مال الزلمه
حسون:: والله صارت بساع وبس كرايب
امير يلا عل جايات
حسون:: يي يي عالثانيه
امير:: ديلا كوم تعال دشوفك
بسمه:: اني هنا انصدمت وكوه حبست بجيتي كام اخويه وكمت ششلت الصينيه وفلتت من ايدي واني كمت
اعيط وابجي وركضت على غرفتي شويه واندك الباب وطلعت للمطبخ وشفت اخويه طلع وراح فتح الباب
وطب حسون اخوي طببو للستقبال وطلع فوك حتى يبدل. دخلت عليه فتحت الباب وشفته كاعد ولازم التلفون شافني كام وكف وكالي شبيج
بسمه:: ليش خطبت
حسون:: ونتي شعليج طلعي برا لايجي اخوج
بسمه :: بس
حسون:: ولج طلعي لا احد يشوفج
بسمه:: اني احبك
حسون؛؛: اعرف
بسمه:: شون تعرف
حسون:: انتي كلتيلي
بسمه:: يمته كلت اني
حسون:: بالمستشفى جنت نايمه وتهلوسين بسمي وحجيتيلي كلشي
