يهون كل شئ الا غيابك

الشخصيات

عائلة البطل
الجد منصور
شخص قاسي و حنون في نفس الوقت و يحب زوجته اكثر من روحه و ابنائه و احفاده لكن اقرب شخص له هو ياسين
لان جاد في عمله او معتد على نفسه

الجده كامله
زوجة منصور بعد قصة حب و تحب احفادها اكثر من عيالها
و عندها اهم حاجه ان كل فطور و كل غداء و كل عشاء ضروري تلمهم على سفره وحده و حتى اذا شخص يتزوج يجيب مرته ويجي لان الحوش كبير

الابن الاكبر سالم
زوجته نجوى عنده عيلين و بنتين و هو يعني مره يحن او مره يجافي لكن مهمه كان قاسي لكن مع ضناه و ضنا خوته حنون

ياسين سالم
شخص معقد و ديمه كلمته متولي ثنين في الحوش لكن يحترم في جده و جدته و عمامه و خلاته و عماته لكن مع بنات عمه تعامل جافي حتى تسليم ما يسلم عليهن صاح هن معجبات بيه و يراجن كلمه منه لكن ما تجرأ ولا وحده تبدا معاه موضوع لان يحرجها و ضيفته عسكري و عنده حوش في كل منطقه بحكم شغله شكله طووويل شعره اسود و لحيته سوده و عيونه عسليات وجسم عضلات من لاخير طرف عمره 28

مروان سالم
شخص عكس ياسين بكل مضيع وقته مع صحابه و يكلم في اكثر من بنت شخص مستهتر لكن حنون و جوه سمح و هو حلو او طرف 25

خواتهم زهراء عمرها 24 و نور  عمرها 23

الابن الاخر جمال
مرته سالمه عند عيل و ثلاث بنات عياله هيثم  عمره 25 و تقوى عمرها 24  و منار عمرها 23  و نسمه عمرها 22 هن جوهن يهبل و يعاملن في ياسين او مروان كان خوتهم و هيثم هذا صاحب مروان نفسه في كل شي

الابن الاخر سعد
مرته كريمه عنده بنتين فقط احلام عمرها 22 و رتاج عمرها 21 هذين هن يبن ياسين عشان العيله كلها تخاف منه و عشان فلوسه ويلي تجوزه تعيش ملكه و ديما متعاونات مع بنت عمتهن اللفعه

العمه فوزيه و راجلها و خساره فيه كلمة راجل وائل عندها بنت و حده مرام  عمرها 26 وحده  و مهووسه ب ياسين و كم بنت نتشتها شعرها عشان قربة منه و تحاول تغويه باي طريقه مسيبه حوشهو و عايشه معاهم عشان تشوف ياسين
و عيل واحد الي حتى هو خساره فيه كلمة راجل سليم

الابن الاصغر فرج
مرته لورا من لم مش ليبيه و اب ليبي عشان هك اسمها لورا  و عندهم بنت وحده عشان صارتلهم مشكله في الحمل و اذا حملة اخرى يبقى يتموت هي يا البنت لهذا اكتفوا بنت وحده تسمها سيرين بنت لسانها متقدرش تشده و جالطه ملامحه وحده جميله بمعنى الكلمه يماا جوها من طلاب عشان يخذوها لكن هيا رافضه او بوها رافض لسبب تعرفوه بعدين شكلها بيضه عيونها زرق عشان ام امها مش ليبيه شعرها اسوود طويل لحد فخذها و كثيف و قصيره و جسمها يتمناه اي راجل و قصرها مخليها حلوه اكثر عمراها 21

يتبع.........