انا شهاب" عمري 28 سنه خريج كلية عاليه لكن مفيش شغل بدراستي الا لو معاك واسطه كبيره ع تشتغل ف مكان كويس بمرتب كويس فاضريت اشتغل اي شغلانه اقدر اوفر منها فلوس ع اعيش بمزاجي...
انا عايش لوحدي ف مدينه واهلي ف مدينه تانيه لاني بحب ابقي لوحدي. دايما من غير قيود من اهلي...
ليا صديق دراسه علاقتي به كويسه جدا حتي بعد التخرج اسمه (ماجد) بنتكلم كتير ودايما مع بعض لو محتاج حاجه يكلمني اخلصها له وانا بردو بحتاجه...
بنتكلم ف مره بيطمن عليا واطمن عليه عادي فقولتله ان الدنيا واقفه ومفيش اي شغل معايا ولو قدامه شغلانه يقولي عليها ع عايز فلوس وكمان بدل الفراغ...
اتفقنا انه يشوفلي شغل مع خاله عنده كافيه ف منطقة التجمع الخامس ودي منطقه راقيه جدا ومعظمها رجال اعمال وناس مهمه جدا....
بعد فتره من كلامنا لاقيته بيتصل بيا وبيقولي هديلك رقم خالي تكلمه وتتفقوا مع بعض ع الشغل اللي قولتلك عليه.. فبقوله هو اي ظروف خالك دا راجل كبير ولا شاب زينا ع ابقي عارف التعامل بينا يعني هيبقي ازاي.... رد عليا قالي لا ي عم دا اكبر مننا ب5 سنين يعني مش كتير وبعدين دا روش وفرفوش جدا وكمان دماغه زيك كدا يعني هتتأقلموا سوا بسرعه... رده دا طمني جدا لان مبحبش اتعامل مع حد بيني وبينه فرق سن كبير بيبقي صعب شويه غير تعامل الشباب بيبقوا فاهمين الدنيا بنفس الطريقه..
المهم اخدت رقم خاله وكلمته ودار بينا الحوار التالي:
انا/ الو... استاذ احمد معايا!؟
احمد/ ايوه ي باشا... مين حضرتك؟
انا/ معاك شهاب صاحب ماجد ابن اخت حضرتك... اللي كان مكلمك ع شغل ليا.
احمد/اه اه اهلا وسهلا ي شهاب
انا/ حبيبي ي باشا تسلم... انا بكلم حضرتك ع اشوف ظروف الشغل اي
احمد/بص ي سيدي دا كافيه بس عالي شويه وطبعا ماجد قالك انه ف التجمع الخامس يعني ف منطقه كلها ناس من الطبقه الاولي وكل حاجه عندهم بتمشي بالفلوس والتعامل معاهم بيبقي حساس واسلوب راقي شويه... بالبلدي كدا ي شهاب نييك دماغهم تكسب جيبهم يعني تديلهم برستيچ وانه اهم واحد ف المكان وانت فاهم بقي النوعيه دي من البشر..
انا/فهمتك ي غالي وشكلنا هناكل عيش مع بعض فشخ
احمد/ههههههه اشمعني يعني بتقول كدا
انا/تقدر تقول دماغنا قريبه شويه من بعض ف التفكير والتعامل مع البشر دي ومتقلقش كل هيبقي تمام
احمد/ودا اللي خلاني اوافق تشتغل معايا خصوصا انك خريج كليه عاليه يعني متعلم وفاهم وكمان دماغك رايقه زي م صاحبك بيقول عليك (يقصد ماجد يعني)
انا/ي باشا متقلقش وكله هيبقي تمام
احمد/ طيب مرتبك هيبقي 3000 ولو عحبتني دماغك والتعامل مع الناس توقع انه يزيد وهتبقي التوب عندي ومتقلقش انا بقدر الناس الرايقه اللي بتقدر الشغل
انا/تمام ي غالي.... هبدأ شغل من امتي طيب؟
احمد/ بكره لو عايز هبعتلك لوكيشن للكافيه دلوقت
انا/خلاص اتفقنا ي باشا بكره هتلاقيني عندك
احمد/ تمام ي شهاب هستناك ف الكافيه... سلام
انا/ سلام ي غالي
خلصت مكالمه مع احمد صاحب الكافيه واتفقنا اني اروحله الكافيه بكره استلم شغل ع طول خصوصا اني قاعد زهقان وعايز اشغل وقتي بدل الفراغ دا
بعدها كلمت ماجد صاحبي وعرفته اني كلمت خاله واتفقنا ومن طريقة كلام خاله عجبني دماغه من قبل م اشوفه او اتعامل معاه اصلا وعرفته اني هروحله بكره استلم الشغل وهو قالي انه هيبقي ييجي الكافيه يقعد معانا بردو لاني مشوفتوش من فتره وقفلنا
