القبضه الرابعه
المرء متعبٌ بشدة ، والأسوأ أنه لا يعرف مكانًا
يَرمي فيهِ هذا التعب .
بقلمي جمان الحيدر🤍🌿
قراءة ممتعة
_______
ريمان:عمو شنو قصتك؟
اشو هذا كلب وجه وعافني وطلع استغربت تصرفة بس ضليت ساكتة وكاعدة بمكاني وجسمي يون من الألم مدري راسي مدري رجلي مدري بطني الي ماعرف شنو سبب وجعها
فتحت عيني وكمت على السريع للحمام واباوع بصدمة ابد مو وقت الشهرية كمت ابجي ماعرف شسوي اخذت كلينيس وطلعت وكعدت ابجي على الجرباية
ماعرف شسوي لو شنو اتصرف ومحتاجة اسوي الازم طب النهشل واجة يركض عليه خايف
؛_شبيجج عينيي شبيج بنيتي قبل شوية جنتي زينة
نزلت راسي ماعرف شكلة واستحي: عموو اريد اكلك شي ببس استحي
النهشل:كولي بنيتي لا تخجلين
ضليت افرك بأيدي نمت على السريع وخليت الغطة على راسي احاول اهدء نفسي بس ماكدر همست بصوت مبحوح:احتاج الأشياء نسوان
ورفعت الغطة على السريع وشفتة بالكوة لازم الضحكة مسح على راسي وهز راسة:فهمت
طلع من الغرفة واسمع صوتة يضحك ردت اطم روحي بس مابيدي شي ماعندي غيرة وصار عندي بي شوية تعلق بس لازلت اكره من اذكر ضربني وهاني وكص شعري كعدت وحضنت رجلي وصافنة بزواية الغرفة
دخل وهوة بيدة علاكة يضحك بشكل هستيري عضيت شفتي خجلانة ونزلت راسي
النهشل:ههههههههههه هاااج بنيتي جبتلج كل الأنواع
اباوع عليه غمزلي وطلع ردت الكاع تنشك وتبلعني رحت للحمام وسويت الازم طلعت واني مرتاحة رحت للصالة سمعت صوتة بالمطبخ وهوة يسوي جاي
مِن وراك شصاير بيهَ
لاتكول انة شعليه!
ياقَهر ماجبتة لية!
لك عيني يابو الدكايك!
وكل دكة ادكها بكلبي!
تموتني واني شذنبي
عود انتَ عمري وحبي!
لك عينني يابو الدكايك
اباوع عليه شلون مندمج يغني ويتمايل تالي جب الجاي على ايدة وكام يطافر لازم ايدة بس شافني وكف ومسح ايدة وكمل عادي متحملت وفطست من الضحك وهوة هم جاب الجاي وقدملي وكعدنة ندردش
النهشل:اي ست رمان شسويتي مسويتي هناك
بلعت ريكي واخذت نفس عميق
؛_جاهز تسمعني بس ماريدك تلومني على اي شي حاولت شكد ماكدر ادافع عن نفسي
هز راسة وخلة رجل على رجل وورث جكارة
النهشل:اسمعج
ريمان:تنهدت وحجيتلة السالفة من الألف الى الياء بس من وصلت لموضوع الأعتداء مكلتة بس كلتلة عن كلشي عن الضلم والضرب والعذاب وحتة على جمانة سولفتلة وفتحت كلبي وكمت ابجي وافضفض الحد ما ارتاحيت شوية
أنت تقرأ
قَبضاتُ النَهشلِ "لريمانا"
Подростковая литератураمازلت اعاني من نوبات الحزن التي تأتي بلا سبب وبلا موعد،ومازلت اعاني من التفكير الذي يرهقني،مازلت اعاني من قلبي الذي يؤلمني دائما،مازلت اعاني من الوحدة المفرطة بالرغم من أن حولي الكثير،ومازلت اتقن الصمت والكتمان،على رغم الحرائق التي اشعر بها.[نعم هذه...
