بقلمي جمان الـ حيدر🤍🌿
.
.
.
استمتعوا بالقراءه❤️🔥
_______________________________________
آصف؛ ريمااان؟!!
شهكت واردفت.. بشحمها ولحمها
عاف كتاب واجه ركض عليه حضني وبادلته الحضن شالني يفتر بيه واني اضحك وابجي اخ ياخويه شگد اشتاقيتلك نزلني واني استنشق عطره
آصف؛ شش لوونج صحتتج لييش هيج هوايه متغيره
ريمان؛ لاتخاف كلشي مابيه بس وين بابا وماما اريدهم
عفته وطبيت للبيت اركض فتحت باب المطبخ لكيت امي كدامي تغسل المواعين حيل متغيره ضعفانه وطالع الها تجاعيد وعيونها مورمه باوعتلي مندهشه ومن صدمتها كسرت ماعون
همست من بين شهكاتي ودموعي.. مماااما؟
عيونها لمعن ونزلن دموعها.. يا عيون ماما انتي
رحت حضنتها حيل ماريد اهدها واخيرا رجعت الحضنها الدافي والحنون اخخ يا ريحتج يا يمه ماكدر استغني عنها كعدنه بالكاع وهيه تبجي وتبوس براسي
ماما؛ هديتي حيل امج يايمه بنتي الجنت اضمها بشيلتي علمود لاتبرد راحت من ايدي اخ يوجع گلبي
آصف؛ يمه فرحي وهلهلي فراشتنه ردت البيتها
صوت هلاهل امي ملت المكان اجه آصف هم شاركنا الحضن ضلينه فتره متحاضنين ماريد اهد امي احس نفسي جنت غركانه وهيه جتي سحبتني بأيدها الترفه
؛ _نذر عليه يايمه اذبحلج طلي لوجه الله وابا عبد الله بمناسبه سلامتج
ريمان؛ يمه ماريد شي تكفيني شوفتكم
كومتني تمسح على وجهي وشعري
؛ _شلونج يابعد امج ان شاء الله مرتاحه
ريمان؛ يمه لتخلين بالج يمي كليلي انتو شلونكم لعد بابا وين
تنهدت بحزن وكامت وعاونتني اكوم.. من البارحه طالع يدور عليج يا يمه
ريمان؛يدور عليه؟
ماما؛ اي يا يمه من يوم الاختفيتي بيه وعرفنه انتي مو يم خالتج خوله كل يوم يطلع يدور عليج ما عاف منطقه بسامرة ما دور بيها والبارحه راح البغداد يدور عليج
كعدت على القنفه لازمه راسي حيل يأذيني معقوله كل هاي الحنيه العند بابا اخخ اكيد هسه مسموط صمط بالشمس وهوه يدور عليه
ماما؛ يله رورو ارتاحي صوفي صعد جنطه اختك بغرفتها
أخذها الجنطه وصعد واني صعدت الغرفتي افيش يا غرفتي عبالك مثل ما عفتها كلشي ممتغير بيها رحت بدلت وشمرت نفسي على السرير الله ريحه السرير تجنن ضليت مستمتعه لحضات بس من اذكرت النهشل تغيرت تعابير وجهي غمضت عيوني احاول انام بس ما أكدر متعوده على عطره وحضنه احس ريحته بخشمي بس من افتح عيوني ماكو ضليت اتكلب لحد ما غفيت من التعب
_______________________________________
النهشل
أنت تقرأ
قَبضاتُ النَهشلِ "لريمانا"
Novela Juvenilمازلت اعاني من نوبات الحزن التي تأتي بلا سبب وبلا موعد،ومازلت اعاني من التفكير الذي يرهقني،مازلت اعاني من قلبي الذي يؤلمني دائما،مازلت اعاني من الوحدة المفرطة بالرغم من أن حولي الكثير،ومازلت اتقن الصمت والكتمان،على رغم الحرائق التي اشعر بها.[نعم هذه...
