مهيب . مو هسه ور ما نخلص شغل ياله
زيد . اكيد ورا شغل
مهيب . اكيد
زيد . مو بعدين تشرد
مهيب .. لا يابه شني سالفه ..... دخلنه المحل انصفط بي ورتب الغراض موجوده ضلينه اليل خلصنه وطلعنه جان يجي زيد
زيد . تعال وين تريد تروح
مهيب . تريدني اسولفلك خل نروح المطعم نكعد ناكل ونسولف لان انه جوعان
زيد . يله مشينه
مهيب . رحنه مطعم قريب من المحل هو زغير دخلنه وكعدنه وطلبنه لفه فلافل
زيد . سولف
مهيب . شبيك مستعجل
زيد . مو انتً اجيت من العماره ال بغداد ليش
مهيب . ياهو اشتغل عنده يكلي ليش اجيت من العماره ال بغداد مو بس انتَ
زيد . يله سولف اريد اعرف
مهيب . قبل لا اسولف ليش تريد تعرف انه ليش اجيت ال بغداد
زيد . الي يجي من محافضه اشي اكيد مسوي مصيبه جاي هنا بغداد وانتَ ما معقوله اهلك يتبرون منك هيج يعني مسويلك مكسوره
مهيب . ضحكت ... لا انه اجيت هنا لان اتهموني باطل انه ما مسوي شي
زيد . سولفلي من البدايه
مهيب . سولفلتله قصتي
زيد . والله سالفه توكف العقل شلون ابنيه سوي هيج صدك كيدهنه عضيم
مهيب . انه ما اريد اسولف بيها ولا اريد اجيب طاريها خل تولي
زيد . انتَ ما ترجع الهلك بعد كلش
مهيب . اي ما ارجع لان حلفت ما ادخل بيتهم
زيد . زين محد تصل عليك من أهلك
مهيب . جان عندي تواصل وي اختي وهاي الفتر ماكو لا رساله لا مخابره كلش
زيد . اخاف صاير شي انتَ تصلت عليها
مهيب . انه ما الحك من الشغل البيت ومن البيت الشغل وانه تعبان انسى اراسلها
زيد . أمم
مهيب . زيد سولفلي قصتك انتَ
زيد . اني
مهيب . اي
زيد . اني عندي ابوي معوق امي مريضه عندي خوات ثلاثه وانه اتكفل بيهم شايل مسوليه اهلي حتى مرات اتعشه ما اتغده او اتغده ما اتعشه
مهيب . الله يساعدك ...... طلع جكاره كام يدخن ونطاني وحده ..... انه ما ادخن
زيد . جرب بس وحده وشوف
مهيب . لا ما اكدر
زيد . جرب ما تخسر شي
مهيب . انتَ دخن صارلك شكد
زيد . هواي تقريباً خمس سنوات
مهيب . انتَ شكد عمرك
زيد . 21
مهيب . زغير ودخن
زيد . اني تعلمت ادخن من كمت اشتغل بل سوك
مهيب . الله يكون بعونك
زيد . دخن جكاره انتَ مهموم مثلي
مهيب . اخذت جكاره دخن واجان اكح كحه قويه ما مدخن قبل وضليت اخذ نفس كلساع لحد ما خلصت جكاره
زيد . اذا تستمر دخن راح تتعود
مهيب . يله مرخصتك
زيد . مرخوص الله وياك
مهيب . رجعت البيت نمت حتى ما بدلت ملابسي
ضليت اشتغل وي زيد صار صديقي نتغده سوه ونتعشه سوه
وبعدين بطلت من الشغل وزيد هم فتحنه انه ويا محل زغير ضلينه نشتغل بي الحد ما كبر المحل شوي شوي
بعد مرور خمس سنوات فتحت محل ملابس جبير رجاليه ونسائيه زيد وياي يشتغل مشه سوكنه وصرت خبره بل سوك
المحل كلش جبير مال الشغل فه شغلنه واحد ولد اسمه ضاهر ..... جنت كاعد بل محل اجا زيد يمي
زيد . مهيب اكلك شغله
مهيب . كول
زيد . خل نشغل بنات بل محل
مهيب . باوعتله صفح .... شنو نشغل بنات بل محل
زيد . اي نشغل احنه جاي نبيع ملابس نسائيه يعني لازم جيب بنات تشتغل ولمحل جبير يراد بعد نشغل
مهيب . لا ما نشغل بنات
ضاهر . ليش نجيب بنات محترمات ونشغلهن وهاي السوك كله هيج يشغلون بنات اكو بنات يفتحن محل ويشتغلن
زيد . انتَ شايف سوك المين كله بنات يشتغلن
مهيب . انه شكد عشت ابغداد واشتغلت بس ما سامع ابسوك المين
زيد . لان ما رايح اني من نخلص اخذك نفتر بل سوك لمين
مهيب . الله كريم ... ضاهر
ضاهر . هاا استاذ
مهيب . انتَ عمك مو عنده عقارات
ضاهر . اي استاذ
