مهيب . ابوي تبره مني
ايمن . شنوو السبب
مهيب . سالفه طويله
ايمن . تعال اكعد وسولفلي
مهيب . كعدنه وسولفتله
ايمن . هاي بنت خالك حيه
مهيب . مو بس حيه بربوك انه متحلف بيها بس صيرلي فرصه الزمها اذبحه
ايمن . لا مهيب لا تحقد هي سوت هيج من خوفها من ابوها لو ما ابوها شافكم ما سوي هيج
مهيب . هيه لو واكف ابعينه ابوها ما سوت هيج وغرتني وخلتني اشبكها وبوسها
ايمن . بس كلتلك لا تكول لابوي يعني تخاف من ابوها
مهيب . خل تولي الساقطه
ايمن . متعشي لو لا
مهيب . اي تعشيت
ايمن . تعال ادخل جوه ارتاح
مهيب . بس اليوم انه يمك ما اكدر ابقه وهواي
ايمن . وليش بس اليوم وين تريد تروح ؟
مهيب . باجر اخابر اختي تحضرلي ملابسي انه ما ابقه هنا
ايمن . ما عندك فلوس شلون تروح
مهيب . الله كريم ..... دخلنه جوه بل ديوان فرشو فراش وانه بسرعه نمت
..... كعدت من الصبح طلعنه وانه ايمن نفتر ورجعنه نتغده وصليت خلصت اخذت صفنه افكر بهلي شلون وضعهم هسه معقوله ما يصدكون بيه مر اليوم عادي صار اليل
.... ايمن عندك 100 الف
ايمن . اي عندي
مهيب . انطيني من يصير عندي انطيك
ايمن . اخذهن ما بيناتنه طلب انتَ اخوي
مهيب . راح اروح بيهن من اشوفلي شغله ارجعهن الك
ايمن . احنه خوان ما يصير هاذ الحجي
مهيب . مشكور ما تقصر
ايمن . غير انتَ عضيدي
مهيب . يله انه رايح ..... رحت البيت وكفت كباله بيتنه وخابرت على روان
روان . الوو
مهيب . الوو روان اسمعيني
روان . مهيب اي اسمعك
مهيب . شوفي اريد تحضريلي جنطتي ملابسي وتنزلين الجنطه وانه واكف برا
روان . وين تريد تروح بهليل
مهيب . يله بسرعه
روان . هسه شوي
مهيب . طلعت روان بيدها جنطه
روان . حضرتلك كل غراضك
مهيب عفيه عليج
روان . ما جاوبتني وين تريد تروح
مهيب . اروح وين ما عند الله كاع
روان . تريد سافر
مهيب . اسافر محافضه مو دوله
روان . لا تروح المحافظه ترى ابوي لحضة عصبيه ويرجعك البيت
مهيب . لا انه حلفت ما ادخل البيت بعد
روان . ابوي يحبك بس تهدئ المور يرجعك لا تروح
مهيب . انه ما تراجع عن قراري
روان . انه لو ادري بيك تروح محافضه جا ما حضرت الجنطه عبالي تروح تبات يم صديقك
مهيب . مادام ابوي تبره مني ما ابقه هنا حتى بل العماره
روان . وين سافر يا محافضه
مهيب . انه رايح سلميلي على امي
روان . مهيب ما جاوبتني
مهيب . مو مهم اجاوبج يله مع السلامه درت وجهي مشيت وخذت جنطتي مشيت وجرت سياره تاخذني القطار وصلت البغداد الصبح اجرت سياره نزلني يم مشتل انه نزلت وحرت وين اروح كعدت على رصيف اباوع على ناس ..... هيج صار بيك يا مهيب جنت مرتاح بيتك وهسه بل شارع وسفه لو جدي عايش جا هسه انه ما مطرود من البيت الله يرحمك
كمت افتر شفت محل مال ملابس رحتله ..... السلام عليكم
الولد . وعليكم السلام
مهيب . ماكو شقق رخيصه
الولد . الرخص شقه 150
مهيب . انه عندي 100 الف .... مشكور
الولد . هلا بيك
مهيب . رجعت كعدت على رصيف انه ما اندل اول مره اجي البغداد وبعدين كمت ادور ما خليت محل ما سئلت على بيت ايجار جايب وياي 100 الف ما كفي اخر شي صارت الساعه 12 الضهر اذن وانه تعبت من المشي كرسي كعدت وجاني رجال جبير بل عمر
الرجال . السلام عليكم
مهيب . وعليكم السلام
الرجال . اني شفتك ادور على بيت
مهيب . اي اعمي ادور على بيت رخيص
