بّـــــــًسًــــــــمِــــــــ آلَلَهِ آلَرحً ـمِــــــــنـــــــٌ آلَرحً ـيـــــــّمِــــــــ
قبل لا نبدا + تصويت + تعليق بين الفقرات اتمنى تقدرون تعبي بتصويت بتعليق ♡
يلا نبدا
روح اترِس فراغَك
بالبِرودة البيك
انا وجَه الشمس بالملكه
غَطيته.
ـــــــــــــــــــــــــــــــــــــــ⛓️ـــــــــــــــــــــــــــــــــــــــــ
هلال :- اني احبج!!
فتحت عيوني بصدمه بسرعه كمت من مكاني واني خازرته ، حجيت بأنفعال..
ديلان :- هلال شيل هل سالفه من بالك لان اني احب شخص ثاني!
هلال :- زين والوعود النطيته الج ، لج ديلان من انتِ و صغيره واني احبج وتجين هسه بكل برود تكوليلي اني احب شخص ثاني لج ربيتج على ايدي واخر شي هيج اسوين بيه ولج من جنت بلسجن كل تفكيري بيج و شلون راح ازوجج من اطلع ديلان انتِ د تحسين بالشوغه الي بكلبي من دريت بيج احد خاطبج وانتِ موافقه تدرين شلون اشعوطت؟؟!
باخر كلمه عيونه دمعت الم وحسره وعجز ، تنهدت بتعب مابيدي شي اردفت بهدوء محوله اهدي وافهمه...
ديلان :- هلال افهمني حجيك ووعودك الي جنت دكولهن اليه جنت اخذهن كه كلام بين اخ واخته وحبي الك حب اخوي لان جنت تهتم بيه وتوكف بصفي واني اعزك كا اخويه وماعندي مشاعر الك افهم كلبي وعقلي عند شخص ثاني والي هو حالياً خاطبني ومستحيل اخونه لو بكلمه اني مو ثوبي الخيانه وحتى لو جنت ماراح اقبل بهذا الشخص جنت حوافق على غيره..
كملت كلامي وعفته وكمت ماسمعت شنو حجه او راد يحجي غسلت الماعون واني مهمومه ناقصني قهر ، كملت و صعدت فوك قفلت الغرفه وذبيت الفاف وشمرت نفسي على السرير ، ضليت افكر وغفيت واني ماحاسه..
كعدت الفجر على صوت الاذان استغفرت وكمت طبيت للحمام غسلت و توضيت ، طلعت لبست حجاب الصلاه وصليت وكملت جبت القران قريت شويه وكمت رجعت كلشي لمكانه ورحت نمت كعدت الصبح رحت للمدرسه ،
انتهى الدوام وطلعت اني و زهره ركبنه السياره شويه وحجت زهره..
زهره :- ديلان عندج طلعه العصر
ديلان :- لا ليش؟
زهره :- اريد نروح لسوك ناقصني شكم غرض واريدج هم تجين وياي
ديلان :- ان شاء الله اذا مة طلعتلي شغله صفح
زهره :- ان شاء الله
وصلتها لبيتها ورحت لبيت اهلي ، وصلت ونزلت فتت جوه سمعت صوت احد بالديوان سألت ماما كالت عمج عمر سألتها باستهزاء..
ديلان :- شعجب جاي لو طك عرج الحنانه عدهم
ماردت عليه عفتها و مشيت اريد اعبر من الديوان سمعت صوته يحجي ويه بابا..
عمر :- اكلك سمعت الولد يحجون على جالنجر مال منو؟
أنت تقرأ
لبوه الملار
Randomطِفُـلَهّـ تٌـعٌيِّشُـ فُـيِّ عٌأّئلَهّـ مًعٌروٌفُـهّـ فُـتٌـذهّـبً أّلَى حًفُـلَهّـ أّقُربًأّئهّـأّ لَتٌـوٌأّجّـهّـ قُدٍرهّـأّ //يِّأّرتٌـهّـ مًأّهّـوٌ قُدٍرهّـأّ
