صاحب اللثام

part 1

                   بَسم الله الرحمن الرحيم

الكاتبة:زَهراء آل أسد
         
         بكل مرة أحدق إليك أجد فكرة رائعة
                    
                              ***
إنها إحدى الليالي الأكثر هدوءًا، كان القمر مكتملاً في قلب السماء وقريبا من

الأرض؛ كما لو أن القمر تلك الليلة قرر أن يحطم كل قوانين الطبيعة ويقترب عامدًا متعمدًا من هضبة نجد؛

ليستنشق من هواء صحرائها الطيب.

وبالرغم من اكتمال القمر إلا أن النجوم كانت حاضرة ببريقها اللؤلؤي الجميل تملأ صفحة السماء كما لو أنها أرادت أن تكون شاهدة على ما سيحدث

في يوم الغد.

گاعده اني واختي دخلت علينا ماما صدمتنا بالخبر

:-يوم الأثنين عرس ابن عمتچن مُصطفى
:- ش شنو شنو عرس مصطفى
:-شمدريني عمتچ خابرتني
:-لا بربچ يا اثنين باچر لو الجاية
:- باچر
:-عزززززززززززااااا شلحگ اني حتى ما عندي ملابس شلبس
:-كُل هل فستاين وشتلبسين؟
:-كُلهن شايفيهنننن ماااا
:-لعرس عگب باچر شتردين وين تلحگين تشترين
:-اطلب أون لاين
:-عَسل لتخبصيني ذاك ابوچ روحي گليله اني معليه اخذي منه فلوس و وصي
:-خوش اني احاچي بابا

رحت لغرفتي گعدت اجت اختي حياه  گعدت تسولف وياي اردفت

:-بابا وين؟
:-طالع ليش؟
:-اريد احاچي
:-من يجي حاچي

هزيت راسي وضلينا نسولف شوية وشفت نفسي نعست باوعت لَـ حياه واردفت

:-راح انام گعديني من يجي بابا
:-تمام

راحت حياه واني ضليت مغمضه افكر شنو البس شنو اوصي شنو اسوي شعري شنو المكياج نمت من وره الفكير وغرگت بالنوم

نايمة بسابع نومه واسمع صوت ينده بأسمي

:-عسل عسلللل يااا ولچ عسل گومي اجه بابا

فتحت تك عين واردفت
:-شتردين؟
:-مو گلتي من يجي بابا گعديني
:-اي!
:-اي وهَسه اجه بابا گومي وجاب ويا عشى من بره
:-شنو جاب؟
:-اكله تحبيها
:-شنو هيَ؟
:-دجاج محشى
:-الله

گمت بسرعة طفرت من السرير حَد يم الباب باوعتلي حياه واردفت
:-الحمد الله والشكر على نعمة العقل
:-دطيريييييي

عفتها وطلعت غسلت وگعدت يم بابا بسته واردفت

:-بابا حَبيبي مشتاقتلك والله
:-شتردين بابا عسل هَذا حچيچ ورا شي
:-افاااااا بابا يعني اني مصلحچية؟
:-لا بوية حشاچ
:-المُهم عاشت ايدك بابا الأكل يموت
:-بالعافية بس مو اني سويته جبته جاهز
:-عادي المُهم عاشت ايدك