صاحب اللثام

part 7

                               ﷽
الكاتبة:زَهراء آل أسد

ديربالَك !
تنسى روحَك من جديد
وترجَع تغنَي لحزِنهُم
وتنذِر چفوفَك شَمِع
يضوي بدَربهُم
ديربالكَ لا تحِبهُم .

                                ***
في البارت السابق

ما حسيت غير نفتحت الباب ودخل شجاع حضني وهو يصيح

-ااشششششششش بوية انه يمچ اششششش كابووس ماكو شي كاااابوس كافي 

*******
عسل...

فتحت عيوني شفت روحي بحضن شجاع يحاول يهدئني باوعت بوجهه باوعلي مسح دموعي بأطراف اصابيعة واردف

-خلصت بابا حبيبي خلصت كابوس لتخافين يروحي .

هزيت رأسي بمعنى أي ومسحت دموعي گام فتح الضوه قربت رجليه لصدري حضنت نفسي من الخوف هل كابوس يراودني بكُل منام.

باوعلي شجاع واردف
-ضمي خصلات الذهب .

رفعت عيوني اله ما فتهمت شنو قصدة هزيت راسي بمعنى شنو تقرب من يمي گعد على سرير وكمش شعري عرفت قصده على شعري .

دفرته برجلي وگعته بالأرض وخليت الشرشف على راسي وضل هوَ يرافس بالگاع
-شبيچ نچلبتي .
-ماكو غيرك چلب .
-مو اگوم .
-گوم حتى انطيك دفره ثانية .
-صوچي اني دللتچ زيادة .
-يا بعد امك شلون مدللني دلال يخرخر خاب گوم .
-تروحين فدوة لهل دلال محد مدلله هيچ .
-دطيرررر.
-الصلفة .
-طالعة عليك .
-خرب .
-روحك,گوم اطلع بره .
-وعلي صوچي انه اجيتچ لو عايفچ مثل المطي ترافسين هنا .
-يعني مثلك ارافس؟ .
-ردودچ جاي دغدغني ردود 2014 .
-خوش ديلا گوم اطلع بره .
-الگبر .
-گبرك .

خزني وطلع شفت الساعة 3:30 حَ يأذن گمت توضيت وفرشت سجادتي أخذت عطر امي رشيت على السجادة حتى احسها يمي .

آذن ضليت وقريت قرأن دا اسوي ختمه لأهلي ضليت گاعده اقرأ قرأن وره فتره صدقت ونهضت من مكاني لميت السجادة وذبيت روحي على السرير مگدرت انام .

فركت وجهي بحيره سحبت موبايلي دخلت على اليوتيوب طلعت سورة بصوت القارئ عبد الرحمن مسعد وخليت الموبايل على الميز وغمضت عيوني صار المكان عبارة عن .

ريحة امي ضوه الشروق الخفيف نسمات هواء بارده من السبلت وصوت القرأن الي نشر الأمان بكُل ارجاء الغرفة.

حسيت جفني بده يثگل شوية شوية حد بَعد ما اسيطر على روحي غرقت بعالمي عالم النوم .

نايمة واسمع طرقات الباب بضجير .