ليه الــهــجر ياساُكن القــلـب .

10

وكان يوم طبيعي جداً مثل كل يوم، اللي عند الحلال واللي عند المحل واللي مع الجد وكان مجلس الجد م يوقف كله ناس الين جاء صلاة العشاء والكل قفل واللي راح بيته وايضاً البنات كلهم راحو وكانت ف الحوش الجده وريا ومنيفه ورهف دخل عليهم عبدالله و سالم ونواف
عبدالله: السلام عليكم الا وين الناس
الجده:جدك وابوك نايمين وليد وسعود نايممين كمان
وحط راسه سالم على امه وهي تلعب بشعره
وجاء خالدد وهو يجلس عندهم وهو مو طبيعي اليوم ابدا وكاان يبي يكلم امه ب الموضوع انه يخطبها قبل تروح منه
الجده: الا يا ريا وين امل اليوم كله م شفتها
ريا: تصدقين حتى انا عند البنات م شفتها
هنا نواف خاف ليكون صار فيها شيء
رهف وهي فيهها نوم: نايمه من الصبح
منيفه: غريبه مو من عوايدها امل تنام
خالد فجأة وهم يتكلمون قال
ابعرس ، هنا الكل انصدم شفيه ذا وليه قال كذا وهو اصلاً م استوعب انه قال كذا
الجده : بسم الله عليك ياوليدي وش بلاك
خالد ها لاوشي
سالم : ولدك انجن اليوم مو على بعضه وابوي م قصر كل اشوي يمحطه ب العصا ههههههه
خالد : تضحك انت وجهك
الجده : الا بتعرس على من
خالد : بخطب ي يمه
هنا الكل عرف انه صادق يتكلم بجد
الجده اي ومنهي ذي اللي مأخذه عقلك
خالد بتردد : انوار
الجده : يويلي انت صاحي منهي انوار م عندنا احد ب الاسم ذا
خالد : يوووه ي يمه اللي جاكم اليومر
ريا بضحك : ي يمه قصده نوره نوره بنت سعيده
الجده :اي قل كذا والله اذ انت تبيها والبنت ماشاءالله عليها نكلم ابوك ونشوف وهو ينقز ويبوس راسه
سالم: انت حتى اسمها م تعرفه
خالد : اص اص بعرس
نواف قام والكل ملاحظ عليه الزعل
الجده : يلا قم قم انت وياه نوم
دخلو جواء وكانت امل ب الحوش الثاني وسمعها نواف تتكلم مع رهف وانها تبيها تسهر معها ورهف ميته نوم
نواف هنا نط وقال يعيال من معه دفتر وقلم
عبدالله: هيا خذلك اخوك البدل ذا
سالم : ههههههههه شكله لقى حب له مدرسة
نواف : يورع انت وياه اتكلم جد ابيه ضروري
خالد :شف الدرج ذاااك فيه دفتر ابوي لكن خذ ورقه بس
نواف تم
عبدالله؛والله مهبول
وهو يقوم نواف ويروح للباب اللي يفتح على الحوش
وهو يمسك قلم ويكتب
كيف يدك عساك بخير؟
ويقول بصوت عالي ي عبدالله خذ الورقه تحت الباب
وهنا امل عارفه انه يقصدها
اخذته وهي تقول ي عبدالله عطيني القلم
ضحك انها كيف عرفت واعطها
وكتبت له
نواف ؟ شتبي مني
نواف قراءة الورقه بستغرب ؟
قال تبين الصدق؟
قالت اي؟
قال لانك بنت خالتو 
امل : لليه الكذب لللللليه !!
نواف ؛ اكذب بوش؟
امل : يعني فوق م انك تحب هند ومواعدها بزواج كمان تخونها !
نواف هنا انصدم : قال هند هند م غيرها؟
امل : اجل فيه احد ثاني !
نواف ضحك اسألك بالله تقرنين نفسك ف هند وبعدين هند ذي كذوب حتى م اعرف شكلها وكيف أوعدها وانا م اطيقها
امل انصدمت : كيف تقنعي؟
نواف : تم بتشوفين بكرا كيف اقنعك
امل ؛ كيف
نواف : جالس اقول لك بتشوفين وقال لها تصبحين على خير
طبعاً يتكلمون وهم من وراء الباب
هنا امل حبته اكثر واكثر وزعلت
نواف: م فيه نوم العوافي؟
امل ضحكت: نوم العوافي
وراح وهو مبسسوط كيف وضح لها ان هند تكذب
وراح من الوناسه نام بحضن عبدالله
ومن بكرا الكل كان صاحي بدري
والبنات كلهم مجتمعين وكل حريم العائله موجودين و ام نوره،
عند الحريم،
الجده: اسمعو نفرش ف الحوش الثاني
ريا: مدري ي يمه وريا كانت تتألم
الجده: شفيك يابنيتي اذ تعبانه ارتاحي
ريا: لا لا ي يمه بخير
وكانت ريا كل شوي يزيد  عليها التعب جدا
عند البنات
فجر: يابنات شرايكم نسوي لنا جلسة ونقعد ف الليل ونوره تنامون هنا تكفين 🥹
نوره: اء
امل : اقول اص كلكم بتنامون عندنا
هند: لا م عليش م احب
امل: انتي مين قالك اصلاً؟
هند: تدرين بقعد كذا عشان اقهرك
امل: صراحه بتقعدين انتي والجدار واحد
بشرى ليان اذ تبون حياكم
بشرى : لا والله ييعني بعد م تبين اختي وتبينا ننام
ليان: انا بلجس يعيني
امل: ليونه حياك
حصه : يلا يلا يابنات قوموا الناس بيجون
وقاموا البنات اللي تبخر واللي تغسل واللي تسوي الشاي والقهوه للرجال وراحوا البنات يتكشخوا وطلعو
ريا: ي امل
امل: يمه شفيك تعبانه لازم بعدين اوديك المستشفى
ريا: يابنتي م عليك الحين روحي انتي وفجر حطو القهوةعند الباب وطقوه
امل : ابشري
وراحت امل وهي كانت لبسه احمر وهي بيضاء وشعرها طويل واسود وكانت معروفه ف الجمال
فجر: ههههههههه متأكده الوناسه ذي عشان انك تودين القهوه؟
امل: اي
فجر: يلا يلا
هنا امل تطق الباب وكان عزيز جالس يغسل وراح للباب
امل: عزيز ذي القهوه واخذت من فجر الشاي وقالت ذا الشاي كمان
عزيز: زين زين باقي المويه
هنا جاء نواف
عزيز  رح رح انا اجيب الباقي
عزيز ياليل جاء ذا : ابشر
نواف كان يحسب بس امل اللي عند الباب
ماشاءالله يعني
شمعنى عزيز
امل: نواف شدعوه يعني ! م فيه احد غيره
نواف: ثاني مرا ناديني انا ارسلي اي شخص من الورعان
امل : ابشر بجيب المويه
فجر : العب العب اغار وكذا ههههههههه
امل : اص اص
راحت امل وجات ولمما نزلت المويه طالع نص من شعرها وفستانها الاحمر
امل: نواف ذي المويه نواف ؟ الللو ؟
هنا نواف كان  منصدم كييف كذا شعرها وكيف محظوظ فيهاا
نواف: تمام
والحريم كلهم جوا واللي تسوي البخور واللي تسوي القهوه
واللي  تسلم وكان بيت الجد كله نااس عند الرجال و الحريم وكان الكل مبسوط رغم الكرف
والعيال اللي كرفهم محمد عن الرجال
وانتهى اليوم البسيط
الجده : الا ي ام نوره وراك م تنامين عندننا الليلة
ام نوره : وين وراي البيت والله
ريا: لا م عليك واجلسي امرحي عندنا الليله
ام نوره: اللي تبونه
الجده : اجل بقوم اسوي لنا قهوة
منيفه: وين تقومين ي امي البنات وحنا هنا
الجده: يويلي ويلاه يعني انا عجوز ر
ريا: ههههههههه ي امي لا بقوم اسويه اناً
الجده : طيب
ريا قامت وكانت تتوجع من الالم لكن ساكته تحسب نفس اي شيء يوجعها
عند العيال
اللي كان جالسين ف الحوش  عبدالله ونواف وليد وعزيز و مهند
والباقي كانوا نايمين
عند البنات كانوا صاحيين حصه ونوره ( بنت ام نوره ) و امل وفجر ورهف
لولوه ونوره كانوا نايمين
ف المطبخ
زاد على ريا الوجع واغمى عليها
منيفه استغربت انها طولت
الجده ؛ والله لو انها تسوي ذبيحة
منيفه: يما ريا اليوم ماش اكيد راحت عن القهوه بقوم لها
راحت ريا وهي تدخل ولا امداها الا وهي تصارخ
عند العيال وهم يسمعون الصراخ بشكل بسيط لانه بعيد
عبدالله: تسمعو ؟
نواف: ياخي تلقى البنات يصارخون
طنشو العيال الصوت
لكن عند البنات الصارخ كان قوي وكلهم فزو
قاموا كلهم وهم يصارخون وامل كانتتت تبكي وهي ماسكه امها وراحت رهف تجري للعيال وتصارخ
هنا الكل قام وهم يركضون غير مهند طبعاً م يقدر
ودخلو العيال وهم ينفجعون
نواف : يا عبدالله جيب السياره سرعه
وراح عبدالله وامل كانت منهاره راحو وكان اللي ف
السياره امل وعبدالله ومنيفه ونواف
امل كانت منهاره خلاص ولا هي قادرة تمسك نفسها
وهنا عبدالله كان خايف يصير اللي ف باله لان المستشفى بعييد
وصلوا ونزلوها وكانوا ينتظرون الدكتور يقول لهم خبر اذ هي حيه ولا
وكان الكل منتظر وطلع الدكتور
وقال وين ابنها او زوجها
وقال عبدالله م عندها وليه ي دكتور
الدكتور: ايش تصير لها ؟
عبدالله: خالتي
الدكتور إخذ عبدالله على جنب:
الدكتور: المرحومه كان عندها هبوط حاد ف السكر والضغط وانتم جبتوها لنا جثه الله يرحمها اعطتكم عمرها
هنا عبدالله دخل ف حاله صدمه كيييف كيييف بيقول لهم الخبرر
هنا نواف عرف السالفه من وجهه
منيفه: شفيك
عبدالله وهو ماسك دموعه  ؛ عطتكم روحها
امل وهي كانت تبكي 
خاله خاله لاا والله كذب والله كذاب الدكتور
ليييه تبكون ليييه امي حيه امي قالت وعد م تتركني لييييه عبدالله انت الكبير انت عارف انها مستحيل تتركني تكفى قول لهم ابي اميي وهنا ،،
عبدالله كان يقول اذكري ربك هذا اللي يقدر عليه ولا قدر يمسك نفسه ونزلت دمعته وهو يمسحها على طول ونواف مقدر يشوف امل كذا وطلع برا عند امل اللي اغمى عليها من كثر البكى
وهم يشيلوها وعبدالله نواف رح رح لديره وقول لهم عشان نكمل اجراءات الدفن
  وراح نواف وهو منهار من اللي شافه
صحت امل وبدات تستوعب
خاله
منيفه وهي تبكي  ولا قدرت تترك امل
سمي يعيون خاله
امل : امي وينها امي متقدر تخليني وانا تعبانه ندوها
هنا الكل يبكي ولا قادر يرد عليها
ودخل عبدالله بعد م كمل اجراءات الدفن وتكلم مع الدكتور :
يمه  اذ تبون تشوفونها قبل تدخل الثلاجه تجي معي
هنا عبدالله يحسب امل م تسمعه
وهي تقوم وتخلع الابره من يدها
عبدالله تكفى تكفون ودوني لها الله يخليكم
وعبدالله م كان يبي الا امه تروح
ولكن الكل راح
دخلت امل وكان الغرفه بارده وفيها اجهزة كثيره
وهي تطيح عينها على امها مغطيها
وهي ترفع الغطاء عن وجهها وتمسك وجهه امها اللي كان بارد و ابيض
يماا وين وعدك يما لا تروحين مثل ابوي وتخليني وحيده   يمه تكفين قومي يمه بعدك انتي وعدتيني م تروحين يمه يمه اثبتي لهم انك م تتركيني ي يمااااا لا تكسرين قلبي لا تخليني اصير يتيمه مرتين تكفين يمه
قامت منيفه: وهي تشيلها وتحطها بحضنها
امل : خاله هي تحبك كلميها كلميها م تتركني وهنا امل صوتها راح ولا فيها حيل
منيفه وهي يالله قادره تتكلم: ي امي امك راحت للي ارحم مننا وادعي لها وهنا منيفه مقدرت تمسك نفسها من شكل امل اللي كان منهاره ولا من توأمها اللي راحت
عبدالله مقدر يمسك نفسه وبكى بدون صوت
وصل نواف الديره وهو متلثم وكان الكل عند الباب ينتظر
وصل وجاء الجد ها كيفها
وهنا نواف يحضن الجد ولا قدر يمسك نفسه وهو كان : يحب خالته ريا جداً وهو يبكى عطتك عمرها
والكل هنا دخل بحاله صدمه
والجد كان منهار لانه يحب كل بناته ولكن كان يردد ان الله وان اليه رجعون
دخل نواف وهو ويبي الجده تجي معه عشان تشوفها ويتم الدفن
شافت الجده وجه نواف وعرفت
نواف: جده قولي لا اله آلا الله
الجده : وين ريا ؟ ويننهااا
نواف وهو كله حزن
عطتك عمرها وتبي منك الدعاء
الجده : أبنيتي م تخليني لا ي يمه لا تكسرين قلب اميمتك
هنا البنات سمعو
نوره كانت أكثر آنسانه منهاره لانه تذكرت امها
والجده وهي تبكي على ان نوره
ي سوير : ابنيتي راااااااحت راااااااااحت
ونواف : ياجده قوولي لا إله الا الله
الجده: بروح بروح
نواف: اللي يبي يجي يشوف خالتي يلا
والبنات كلهم راحو يلبسون
وفجر وهي تبكي : امل امل ينواف كيفهااااا
نواف وهو يتذكر كيف كان شكلها: الله يصبر قلبها وراح
والعيال ركبو مع فيصل ونصهم راحو مع الخال محمد
وكان الطريق طويل وظلام والكل يبكي بصمت
واخيراً وصلو
نزلت الجده تركض
واقشر م عليهم يوم شافوا امل ف حضن منيفه وتبكي
الجده : وينهاا  وينهاااا بنيتيي
امل فزت وهي تحضن الجده : جده قولي لهم تكفين قولي لهم اببي امي
الجده وهي تبكي :
وهنا العيال دخلو وكانوا ف استراحه الرجال) والكل كان ينتظر الدكتور عشان يشفونها
قامت نوره ( اخت حصه) وهي تروح عند امل وتحضنها
وتتكلم معها وتقراء عليها قران لين م امل بدات تهداء
صح انهم كانوا ف حاله لكن الكل انصدم كيف نوره قدرت تهديها ولكن المجرب يعرف الشعور ، فجر طلعت برا وكانت تبكي ولا هي تقدر تتكلم وحال امل وقتها جدا صعب  وبنفس الوقت طلع عبدالله كان منكتم وهو كان اللي شايف كل شيء طلع وشاف فجر تشهق وراح لها
فجر لا تبكين انتِ اقرب وحده ل امل لا تخلينها ب أصعب المواقف
فجر بدون م تستوعب اننا تتكلم مع مينن: والله مقدر مقدر كيفف كيف اشوف شخص احبه منهار والله
هنا عبدالله ارتاح انها م خافت منه : ادخلي وسمي بالله هذا انا شفت شيء م يلعم به الا الله
دخلت فجر
ودخل عليهم الدكتور بنودي المرحومه للمغسلة لازم معها شخصين ف الإسعاف
طلع الجد و الجده معها
والبآقي توزعوا ف السيارات
وكانت امل تتأمل الطريق وهو كان اصعب طريق مر عليها
وكانت مسكتها إيمان  و فجر
وصلوا ونزلوا ودخلت الجده و منيفه يغسلونها وإيمان
وكانت سبحان الله بيضاء بيضاء وجميله
ودخلت البنات يسلمون عليها وطاحت امل يوم شافت وجه امها
يوه ي يمه ي صعب فقدك كسرتني يماا يمااا ليييه تروحين بدوني ليييه جده تعالي قولي لهاال تقوم جده مقدر بدونها انا ي جده تكفيييين
الجده وهي ترفع امل : منتي وحيده انااا امك
امل: جده انا صرت يتيمه مرتين ياجده هي تحبك تكفين قولي لها تقوم تكفين جده تعرفين شمعنى امي راااااحت
م عاد فيييييييييها ريااا ي. جده
الجده م قدرت تمسك نفسها وهي تصيح وقرووا يطلعونهم عشان يعجلون وفجر كانت تبكي تبكي كيف مو قادرة تسأعد امل ونوره تذككرت امها وكانت تصيح بشكل
طلعوا و دخلو العيال وطاح الجد اول م شاف بنته وقال
اكذب عليهم وانا ابوك اني قد فرقاك
وانا الكسر احتل قلبي وسكن به
قدر ربي ولا لي اي اعتراض
وسلموا عليها ودفنوها وصلوا عليها

نعتذر لكم اليوم كلنا بكينا ،بنزل الجزء الباقي بكرا بأذن الله،