ليه الــهــجر ياساُكن القــلـب .

15

ف بيت الجد :
اللي دق على رحيل لكن جاء بيدق على محمد وضاق خاطره
الجده: ياعيد الحين محمد وش دخله؟ يعني بنيته حرام عليك له ثلاث ايام عنا
الجد: اقول كلمتي مسموعه لما يربي بناته يدخل بيت
الجده: الله يعين
منيفه: بالله يبه شفت عبدالله
الحد وهو نسى انهم محبوسين
الجد : يوه ذكرتيني ي بنتيتي حبستهم من الظهر حرقين المزرعة
الجده : ليكون حرقو الورد البنفسجي ( ذا له قصة )
منيفه: يايمه وش قصه الورد ذا تحبينه اكثر منا
الجد وهو يضحك بقوله لكم
طال عمركم ايام زمان م كان فيه لا ورقه ولا قلم ولا نعرف نكتب الا كلمتين و كنت انا احب جدتكم ف شفت لي مكان فاضي كذا وسويت فيه الورد ذا وكان عشر حبات
ف كانت جدتكم تعرف اذ نقص من الورد ورده يعني  انا جيت ومريت واذ ناقص وردتين يعني مسافر ايام الحلال نسرح فيه وهكذا
امل : العب ي جده
إيمان: ابوي طلعت رومنسي ههههههههه
الجده صارت خدودها حمراء من الاحراج
إيمان: الا ان شاءالله اليله بنمشي بعد العشاء
الجد: عسى ماشر ليهه
إيمان: والله يا يبه ابطينا على البيت وراعي البيت
الجد: ايه قولي راعي البيت ههههه
الجد: اسمعو يابنات رمضان جاي وكل أبوكم بتقضونه عندي او نصه عشان راعي البيت وهو يضحك
امل اللي ضاق خاطرها كييف كيفف اول رمضان بدون امها
طلعت ب الحوش
وبعد م استأذن الجد وراح عند امل وهو يقول لها
اموله عسى ماشر زعلانه افاا اللي يزعل بنيتي احرق الدنيا كلها 
امل وهي تضحك: لا بس الجو يجنن وطلعت
الجد : امولي غني لي بالله من اغاني زمان ( رغم ان الجد م كان يحب الاغاني الا لان اسلوبه مع بناته  غييير عن العيال)
امل كانت تغني اكثر اغنية يحبها الجد
عذري خطأ دام المحبه خطايا
يأمن قسيتي قسوة الخوف والجوع
وكمل معها الجد وهو يقول
الحب عندي نزف مهو هواية
ضحكت امل وهي تقول : الله والله صوتك فنان ي جدو
ضحك الجد وهو يروح وتغيرت نفسيت امل ميه وثمانين درجه وهي كل يوم تحمد ربها عليهم
راح الجد وهو يقول لهم سووا القهوه والشاي وم امداه يدخل المجلس الا وكلهم موجودين
الجد: فيصل
فيصل: سم
الجد: سم الله عدوك، قم اذبح اربع من الحلال
فيصل : ابشر ، عزيز بالله قم معي
وراحوا
الجد: وانت ياوليد وسالم قل للي يطلع بوجهكم معزوم على العشاء عندنا وكلهم راحو
والمجلس كان فيه رحيل و الجد وخالد
خالد بعد تردد كبير : الا يبه انا عندي خبر
الجد: ها قل
خالد: يبه انا ودي اتزوج
الجد انبسط مراااا وهو كان حيله منهد وهو يحاول فيهم : اخيرا اجل ابشر بخلي امك تدور لك
خالد: لالا يايبه البنت موجوده
الجد: اجل قل لامك ونروح نخطبها بعد بكرا.
خالد انبسط : ابشر
رحيل : الف مبروك مقدماً
خالد: الله يبارك فيك
بعد م خلصوا العيال كلهم ورجعو والشيخ وولده جاء
الشيخ بعد م شرب قهوة: وهو يقول
ياعيد انا ماني ماكل ف بيتك الا لما تلبي طلبي
الجد: ابشر
الشيخ: انا جاء اطلب القرب منك ومن ابو البنت
هنا خالد انخبس ليكون يبي امل عاد الجد مستحيل يرفض وهو يقطع تفكيره الشيخ وهو يقول : نبي بنتكم حصة لولدنا ابراهيم واللي تأمرونه ابشرو به
الجد عيد: انا وابو البنت موافقين ولا لنا احسن من ولدك لكن نشوف البنت
الشيخ : والله من متى وحنا نأخذ شور الحريم،لكن اللي تبيه امر به
وتعشى الشيخ
عند البنات
امل : الا يبنات مين متحمسه لرمضان فيكم
فجر: اكيييد كلنا عاد تعالي اجواء الدييره الله
رهف مقلنا لكم ايش صار اليوم وهي تقول لهم كل شيء
حصه: للحين محبوسين هم ههههههه
امل وهي تضحك:  ايه عاد تعرفين جدي يطلعون بكرا يععني بكرا
دخلت عليهم منيفه وإيمان
إيمان: يلا يلا يبنات ابوكم جاء
امل: ليه خاله مو بدري
إيمان : يعيون خالتك لنا سبوعين هنا م طفشتي منا
امل وهي تضحك بمزحه: تبي الصدق اي
فجر وهي تضربها: حيوانه!هههههه
رهف وهي كل عاده لازم تسوي مقلب بأي احد يبي يطلع من البيت وهذي عاده عندها وهي تجيب حشره وتحطها قريب من الخاله إيمان
وهي تصارخ عقرب عقرب
والكل يطير وخايف واللي تقول وينهاا واللي تصيح خايفه
فجأة شافوا رهف ميته من الضحك
إيمان: لا تقولين مقلب من مقالبك المخيسة
حصه: يعني انتم م حفظتو رهف دايم تسوي مقلب قبل اي شخص يروح
لولوه: مو المشكلة انهاا تمشي عليناا !
نوره: عاد هي ذكية بسم الله عليها تخليك غصب تصدقين
رهف وهي تمشي وتنثر شعرها : اي ذا ولا شيء من مهاراتي الخاصه انتم احمدوا رببكم قاطعتها فجر وهي تقوول
يمه يلا مشينا قبل تبداء الأسطوانه حقتها والنرجسية
وودعواهم
االجده: انا بروح عند ام نوره
امل: بالله جده قولي لنوره تجي عندنا
رهف : طفش يابنات
حصه ياليل شتبينا نسوي طيب اخر مرا بغينا نروح بسسب طفشك ذا
رهف: شرايكم نروح نفك للعيال
نوره: لا والله عشان جدي يفرش روسنا هنا
وتذكرت امل موقف الجد وهي تقوله لهم وكيف كان صوت الجد حلو
رهف : مالت علي وانا اذ تكلمت سفل فيني
نوره: حرام عليك والله جدو طيب مع البنات مدري شفيه على العيال ههههههههه
حصه وهي تقوم المطبخ
رهف: بالله عليك سوي شاي عشان اعطيك من مهاراتي الخاصه و الخارقه
حصه: انتي بس اسكتي وابشري
وعند العيال:
اللي صحوا وحالتهم حاله
سعود: ي حض نواف نايم
عبدالله: ذا لو تحطه مع ثور ينام
نواف : ترا أسمعكم ها
سعود : بسم الله جيعان
عبدالله: كلنا انا لو م جييت كان الحيين ف القهوة واسولف وندق عود واشرب من شاي ابو حمود
فجأة طق الباب ودخل سعدون
سعدون: يلا انتا ووانتا برا انا في نوم بعدين ي نوافا ليه فيه نوم سمسم نوم انا
نواف : ييرررحم امك اسمي نواف ن و اف افهم بعدين ماني ميت على سريرك المسدي ذا
سعدون: يلا انتا اول نفر اطلع برا
وطلعوا العيال ومحترين لان المكيف كان لك عليه
دخلو وكان الجد نايم وهو يهجمون
الجده : بسم الله
منيفه : كليتو.
نواف: يمه تكفين افزعي لي بطق من الجوع
رهف وهي جايه: ههههههههه يعمري عليكم اجل سعدون طردكم
عبدالله: وش مدريك ي السوسه انتي
رهف بغرور: انا كنت جايه افك اسركم وهذا فضل مني لكم وعشان تعرفون عندكم اخت ......
سعود: نفسي اعرف انتي جايبه الثقه ذي من وين
تواف قام يمزح معها وهو يمعط شعرها : وهي تقول يااجددددددددددد بصوت عالي
نواف سد حلقها بيده
نواف : والله ذي ميقدر عليها الا الله
عبدالله: الا وين العيال
الجده : راحوا القهوة
سعود : لعبنو بليسهم ولا حتى فكو الباب ولا فقدونا
وعبدالله: قومويلا
منيفه: طيب خلينا نسوي لكم اكل
نزل نواف وهو يبوس راس امه
تسلمين ي اميمتي  المزيونه اكيد العيال مسوين عشاء
سعود: يلا يلا
راحوا كلهم وفجاه دخل خالد
الجده:  انت منت بمعهم
خالد : الا بس جيت اكلمك بموضوع
الجده: قل
خالد : يمه انا ناويت اتزوج وابوي بيخطب لي بعد بكرا
الجده وهي فرحانه انه غير رايه : ابشر انت بس قل من تبي
منيفه: انا عارفه من يبي
الجده : من
منيفه: يبي نوره بنت ام نوره
خالد وهو منفجع كيف عرفت
منيفه وهي تضحك: لا تخاف رهف قالت لي
خالد : اعوذ بالله من بنتك ذي م يخفاها شي
الجده : يازين م خترت البنت تهبل
منيفه: اي بالله تبارك  الله الله يجمع بينكم
خالد : يعني تخطبيننها لي ؟
الجده حبت تمزح معه: لا ياوليدي هي محجوزه لولد عمها
وخالد هنا اللي انقلب وجهه وصااار احمر
منيفه: يمه قولي له تمزحين لا ينفجر علينا الحين
ضحكت الجده : امزح امزح يوليدي
ارتاح خالد وهو يقول : يعني بتخطبين ولا
الجده: اجل بروح شسوي يعني
طاااار خالد من الفرحه وهو يروح يبوس راس الجده ومنيفه ومن الفرحه قام ينطنط
الجده وهي تضحك: والله لو درينا هذي فرحتك كان نخطبها لك من زمان
راح خالد يبي يدخل جوا الا تطلع بوجهه رهف
خالد : بسم الله
رهف: شوف خالو لا يكثر وعطني ١٠٠
خالد: واذ م عطيتك؟
رهف: انت كذا تخليني استخدم معك اسلوب العنف يعني بأستخدام عليك مهاراتي بس بروح وبقول لنوره انك تبيها وعاد ها عشانك خالي فقط وعشان تعرف اني لي فضل عليك عش......
خالد : بسم الله انتي بنت ولإ راديو خلاص خذي يبو عزوز وان قلتي لها شيء يويلك
رهف: يلا الى إلقاء النوم يحتاجني وهي تركض
خالد: الحمدلله الله والشكر صدق عقل م فيه
راح ينام ف الديوان وهو مبسوط من كثر الوناسه فرش للكل المنام حقهم
عند الجده اللي دخلت ونامت وايضاً منيفه
ورجعوا العيال ودخلو ونصدموا ان خالد فرش لهم
وهم جالسين ونايمين كلهم وطافي النور ولا فيه غير صوت المكيف والكلاب
عبدالله: يعيال الله شرايكم نكشت كشته عزوبيه
سعود: نم نم بس جدي بيخلينا يعني
نواف : اقول لكم قصه
سالم : الله قل تكفى
طبعاً كان نواف دايم يقوول لهم قصه وف نص القصه ينامون لكن المره ذي ناموا قبل م تبدا القصه حتى😭،
نواف: هذا وجهي اذ قلت قصه بكرا وهو ينام،
ف بيت الخال محمد،
عند هند اللي كان تصحى وتنام على ضرب وابوها مو بلعها اصلا وبشرى كانت محبوسه معها
محمد: اخخ م طلعت غير فيك انتي ياليان لا تخيبين ضني فيك
ليان: افا يبه ابشر ، لكن م ودك تفك هند يعني انت مقصرت عطيتها عقابها واكثر يعني طلعها لكن لاتعطيها جوال وكذا والله قلبي يتقطع عليها
محمد وهو يفكر : والله يابنتي حتى اهلي مدري كيف بأقبلهم
ليان: اكيد هم عارفين انك مالك دخل
محمد وهو يضحك: اخ وين مالي دخل يبنتي بيقولون وينه ذا عن بنته
وكانت ليان حزننه على ابوها بشكل مو طبيعي وراح محمد ينام اللي توقع ان محد يبيه والكل متشمت فيه
وليان ايضاً نامت
وكانت الديره هدوء ولا فيه احد والأسواق مسكرة وهواء وأصوات الكلاب الا فجأة امل شافت بنت وولد واقفين بعيييد بعيييد مرا لكن تسمع صياح وهي تخاف لان كان شباك غرفتها هي و رهف تطل على المزرعة
امل بخوف: رهف رهف قومييي
رهف : اوف شتبيين يعني م تقدرين بدوني لو ساعه
امل تكفينن قومي شوفي ذول
قامت رهف الا وهي تبقق عيوونها
الا هم والله
امل : مين هم !!
رهف وهي تقول لها السالفه كلها
امل : تتوقعين شسالفتهم
رهف: مدري بننامم بنااااااام
امل مالت عليك نامي وهي جالسه تراقبهم فعلاً شافت نفس الللي رهف قالت عنه
ورجعت نامت 
ومن بكرا الفجر،