رجع (أحمد) لجده و قاله ان باباه ايدو اتجبست وهيقعد فى المستشفى شويه عشان هيكمل الفحوصات.
الجد: قدر الله ماشاء فعل يا ابني.
(أحمد): طيب عن اذنك يا جدى هروح أتكلم مع (عُدى) شويه.
(الجد): روح و تعالى بسرعه متتأخرش.
(أحمد): تمام مش هتأخر.
راح (أحمد) وسط الناس اللي كانو قاعدين أخد (عُدى) وطلعوا الغرفه بتاعت (أحمد).
ــــــــــــــــــــــــــــــــــــــــــــــــــــــــــــ
(أحمد): أولا وحشتنى يا كلب البحر.
(عُدى): وحشتنى ي كبير.
(أحمد): عايز أكلمك ف موضوع.
ــ دلوقتى.
(أحمد): أيوا و بعدين هعمل اي بقا ف المصيبه اللي أنا فيها دى.
ــ اللى هيا.
(أحمد): أنا مش عايز أتجوز (مريام).
ــ مين (مريام) و اي اللي بيجبرك تتجوزها و مش عايز تتجوزها ليه أصلا.
(أحمد):(مريام) تبقى مرات أخويا اللي مات يعني دلوقتي أرمله.
ــ وايه اللي يجبرك تتجوزها.
(أحمد): باباها هيستنى شهور العده عشان يخلينى اتجوزها لأن عندنا هنا فى البلد لما اتنين يتجوزا و الراجل يموت لو عنده اخ بيجوزوا البنت لأخو جوزها اللي مات.
ــ ليه و بعدين اي القانون العجيب دا.
(أحمد): هو مش قانون بس عشان أهل البلد ميتكلموش عن البنت و كدا يعني زي ما بيسموها انو الأخ يستر مرات أخو عشان متتجوزش حد من بعيد و كدا.
ــ أهاا وهي بقا موافقه.
(أحمد): هى أكيد مش هتقدر ترفض حاجه باباها قالها.
ــ و باباك موافق.
(أحمد): هو مش هيقدر يقول حاجه لباباها و زيد على كدا بقا إن هما مكملوش شهر متجوزين. وبعدين يولا إنت مالك إنت ناقص تقولي و الجيران موافقه ولا لأ متسأل أسإله عدله شويه.
(عُدى) بضحك: طيب تعالى ننزل عشان مش هينفع نسيب جدك لوحده تحت وهكلمك بكره عشان أكون فكرت كويس.
(أحمد): تمام يلا ننزل.
ـــــــــــــــــــــــــــــــــــــــــــــــــــــــــــــ
نزل (أحمد) و (عُدى) و راحوا وقفوا بجوار جد أحمد و بعد ساعتين إستأذن (عُدى) و مشى وقال ل(أحمد):
هفكر و أكلمك.
(أحمد): تسلم و تعالى هوصلك.
(عُدى): لأ خليك انت هنا أنا عارف الطريق سلام و البقاء لله.
(أحمد): ونِعم بالله سلام.
ـــــــــــــــــــــــــــــــــــــــــــــــــــــــــــــ
نروح بقا ل (عُدى) ودا يبقى صديق (أحمد) من زمان بس هما الاتنين مش ف نفس المكان (أحمد) عايش ف قريه و (عُدى) بيسكن ف المدينه اللي بجوار قرية (أحمد)على الرغم من دا بس هما الاتنين ميقدروش يبعدو عن بعض.
ــــــــــــــــــــــــــــــــــــــــــــــــــــــــــــــ
(و بكده يكون البارت التاني خلص و اسفه لأن البارتات صغيره و بتمني يعجبكوا سلااااام 🦋)
ــــــــــــــــــــــــــــــــــــــــــــــــــــــــــــــ
للكاتبه:«لمى أسامه»
هتوحشونيييي كتييير 🦋💗
أنت تقرأ
بدون استئذان
Romanceروايه من وحي خيالي ليست طويله اتمني تحبوها باللهجه المصريه 🦋 للكاتبه:«سلمى أسامه»
