رجع (عُدى) لبيته و أول ما فتح الباب لقى شبشب مامته (أبو ورده) بيسلم على وشه.
(عُدى): آههه، اى ي ست الكل المقابله دى.
(زينب): انت بترد على أمك ي جزمه.
(عُدى): انا أقدر يا زوزو يا قمر انتى.
جه حازم من وراهم و قال:
ــ احترم نفسك ي جزمه أنا بس اللى أدلع زوزو.
(زينب): بس ى زوما بأحرج.
(عُدى): طب سلام أنا بقي ي حجوج.
ــــــــــــــــــــــــــــــــــــــــــــــــــــــــــــ
دخل عُدى غرفته و راح اتوضي و صلى فرضه بعدين قعد يقرأ الورد بتاعه و لما خلص قعد يفكر ف حل لمشكلة أحمد.
و بعد شويه لقى زوزو بتنادي عليه عشان الغدا.
ــــــــــــــــــــــــــــــــــــــــــــــــــــــــــــــ
على الغدا كان قاعد حازم علي رأس السفره و على يمينه كانت قاعده زينب
و علي شماله كان قاعد عُدى، و بعد فتره كانوا خلصوا أكل و قعدوا يتكلموا مع بعض.
ـــــــــــــــــــــــــــــــــــــــــــــــــــــــــــــ
زينب تبقى مامت عُدى و حازم يبقي باباه علاقتهم ببعض كويسه جدا و متفاهمين لأبعد الحدود، عُدى معندهوش اخوات من الاب و الام بس عنده أخت من الرضاعه وهي بنت خالته (هُدى)، هُدى اكبر من عُدى ب خمس شهور .
ــــــــــــــــــــــــــــــــــــــــــــــــــــــــــــــ
بعد فتره إستأذن عُدى و دخل غرفته و بعد أقل من ساعه لقى باب الغرفه بيتفتح و دخلت منو بنت جميله بحجابها الشرعى و منغير اي مقدمات جريت على عُدى و حضنتوا جامد عُدى بادلها الحضن و كانت البنت دى هُدى أخته.
(هُدى): و حشتنى يا عدوي.
(عُدى): انتى أكتر يا قلب عدوى.
كمل عُدى من غير ما يديها فرصه تتكلم:
ــ جيتى فى وقتك عايز اتكلم معاكى فى موضوع مهم.
قالت هُدى بعد ما قلعت حجابها و قعدت:
ــ قول يا روحى.
و بدأ عُدى يحكيلها على كل اللى حصل و هى كانت بتلعب في شعروا.
(عُدى): وهو دلوقتى مش عارف المفروض يعمل اي.
ــ يتجوز.
ــ إيه؟.
ــ أقصد ان لو هو أصلا متجوز وقتها مش هيتجوز مريام بحجه انو مش عايز يجيب ضره لمراتو و ان مراتو هي اللي مش راضيه انو يتجوز بعدها.
ــ فكره حلوه بس مش هينفع يتجوز في وقت زي دا أخو لسا ميت و بعدين هيلحق يتجوز إمتى أصلا.
ــ سيبلى أنا الموضوع دا ، إتصل على أحمد قولوا إن إحنا جايين بكرا.
ــــــــــــــــــــــــــــــــــــــــــــــــــــــــــــــ
(وبس كدا توقعوا اي اللى هيحصل وقولوا لي سلااااام 💗🦋)
للكاتبه: «لمى أسامه»
أنت تقرأ
بدون استئذان
Romanceروايه من وحي خيالي ليست طويله اتمني تحبوها باللهجه المصريه 🦋 للكاتبه:«سلمى أسامه»
