مسافرين و روحي يطويها الدرب غربة وملامة .
سقب- ها عمو شبيك
رجع خزرني
مهران-احجي عدل
سقب-شفتني احجي اعوج . وكلبت عيوني ومالي خلك لشي
مهران-شجابج هنا
سقب-حضي عمو حضي
اباوع لوجهه اشو هاذا مدري شبي
بعصبيه
-احجي لجج شكو هنا
-عمو شعليك انتَ
-احجي شكو هنا
-عمو بيتنه هنا
-جذابه ماشايفج وشكلج مايوحي انتِ منا
-اووو هسه انتَ ماعندك شغل وعمل جايني
-احجي شنو مشكلتج
-يامشكله عمو
باوعلي وهوه مضيك عيونه
-والله ياعمو شنو سبب هروبج
طكيته بضحكه من صدمتي
-عمو ياهروب جاي اجيب ريوك وانت طلعتلي صفح
-مايمشهن ع مهران
-ههههههههههه ليش مو مهر واحد شمعنى مهران .
يماااااا هاذا اشو مايتشاقه راح يطك علي
-شبيك عمو شسالفتك ماتتحمل شقه انطيك اسمي بي طن تنمر
-شسمج
-سقب
اشو هاذا ماتت من الضحك
-وتتنمرين ع اسمي مو
-لا والله هوه شنو مهران مهر واحد كلش كافي
-اشاقيت وياج اهواي
-شعندج هنا
-عمو يردون يزوجوني
باوعلي بصدمه
-شنوو
-يردون يزوجوني
اشو رجع طبيعي
وكال-اي واذا اول وتالي مزوجه
كتله -عمو ترا بعدني صغيره ويزوجوني سكير وغصب
كال -اي صح صغيره وليش يجبرونج وهسه اي وحده يردون يزوجونه تهرب
كلت -ماادري
كال-امشي وياي
سقب-ماااااا ها العفو اقصد مامشي وي ناس مااعرفه
مهران-مو صارلج ساعه دك سوالف وياي وثانيا عطلتيني ع شغلي واحسن ماضلين هنا وصيرين فريسه وغيرتي ماتسمحلي اعوفج بهيج وضع فأمشي وياي بلا حجي زايد
مشيت واني ساكته واصفن واباوعله واكول شعرفت منه وصعدت وياه
باوعلي وضحك
-شبيح خايفه
-شبيك عمو منين اخاف
-امشي يلا
-مشيت ايها المهر الواحد
خزرني مدري شبي
وصلنه يم سيارته
-مابيه حيل هسه اصعد هاي سيارتك شعلوهه
-اصعدي وانجبي
-عمو شهل ميانه
-عمو انجبي
-اووو عمو
شغل اغنيه حزينه وكذا مسوي روحه حزين الاخ وضوجنه من صباحيات الله واخذنه ع شقه كتله مااادخل
-كال ماميت عليج ترا وعندي شغل فادخلي
-دخلت
شفته كلش حلوه ومرتبه ودلاني ع غرفه صعتدله بيه جربايه جبيره والغرفه هم جبيره وفرشته رصاصي كلش عجبتني نزلت ع مطبخ جوعانه اسوي ريوك اكله فتحت الثلاجه لكيت بيه اشكال متروسه مبين دائما يكعد هنا
والشقه نظيفه يعني مبين مامتروكه طلعت جبن وسويت جاي وكعدت اكل واستكشف بالشقه ومن الملل الشقه نظيفه بس اجاني شغف اكوم انظف لو سوي فد شي اضيع وقتي بي وكمت نظفت وشغلت اغنيتي
"طبكت بالفرع بي ام رصاصيه"
خلصت الاغنيه وراح شغفي كله خليت وصعدت نمت واني افكر شلون قبلت بمساعدته شلون اجيت وياه هوه شلون ثق بيه مخلينني بشقته غفيت كعدت المغرب مدري بنفسي شكد نمت من صبح للمغرب من التعب طبعاً ولبست حجابي ونزلت للاحتياط خاف يجي يعني خوما يعوف شقته من وراي كمت فتحت الثلاجه لكيت بيض سويتلي ثنين وشربت جاي وفتحت الجهاز وذكرت ماكو نت شلون سالفه هاي زادت ضوجتي وين اروح من ضوجه ردت اطلع
- هاذا مهران مدري مهر واحد قفل لباب من طلع
كمت لكيت معلك المفتح حمدت ربي
فتحت الباب
طلعت من الشقه بس مارحت بعيد قريبه عليه بقيت
اجتني مره جبيره بالعمر
-انتِ جديدة هنا
-اي خاله
-حبيبتي منو وياج
-ابوي
-ربي يحفظكم وراحت
اباوع ع شارع يخبل والناس تمشي وانعتيت من ايدي وملامحه كله غضب .....
