أحببــت مُـنقـذي .
-هَلي ولا طارش منكم نشد عني
هَلي گطوف الجگاير زنجرن سني!
---------------------------------
فتاة ذات عمر ال 15
في وسط عائله عشائريه
امشي ودموعي تنزل ع وجهي واني افكر شلون حتكون كتلتي من ابوي لو من اخوي ثاني سنه ارسب بالثاني متوسط والمفروض ثالث
وصلت البيت لكيت امي ومرت اخوي متعاركات فريت ايدي ومشيت اتلوك لابوي
سقب-بابا شبيهن ذني مو نسوان وكبار
بابا-ماادري هوه هم حضي
-بقينه نسولف ونوب مثل لاجته لحضه أدراك وباوعلي
بابا-وين نتيجتج؟؟
مدري شسوي بقيت اباوع بوجهه
بابا-وين نتيجتج
سقب-ها بابا
بابا-رسبتي
سقب-اي
بابا-ادبسزز صوجي اني مخليج ادرسين السنه الجايه ماكو دراسه
- نصدمت برده فعله عبالي راح يسحلني بس الحمدلله كمت منه وامي ومرت اخوي وحده اذب كلمه ع ثانيه باقيات كمت بدلت وتوضيت وصليت ولكيتهم صابين غده تغديت ونمت
كعدت لكيت بيت عمي الغثه
حجه عمي
ابو فراس-بشري ناجحه راسبه
وتحولت الانظار كله علي وفراس ابو حلك منتظر بس اكول راسبه
كلت
سقب-نجحت
اخوي كمز من يمه وصاح جذابه راسبه
ماتفشلت منهم ولا شي لإن مايسون
عمي كال
ابو فراس-باطول راسبه وبعد ماداومين ناخذج الفراس مدري شلون لزمت نفسي وماغلطت علي وع فراس
فراس واحد دايح وشعره لجوه آذانه ومامرتب وسوالف مكسره عنده ولكل يعرف بي
كلت
سقب-لا عمو صغيره اني فراس خطبوله وحده بعمره
كال فراس- اني اريدج وكدام اهلج
رد بابا- ماعدنه اي مشكله
كال عمو اذان نقرا الفاتحه
كبل كمزت
سقب-شكو يافاتحه فاتحه اقرا بموتت ابنك ترا اني ماموافقه شتحجون انتو
كام اخوي وجرني من ايدي واني اسحب واصيح ماموافقه
ورحت يم بيبي ابجي وهيه تمسد ع راسي ودكلي قسمتج بيبي شسوين
ورحت نمت وابوي يكعد بيه
بابا-جهزي نفسج لعقد قرانج
سقب-ما ما ماموافقه
بابا-محد طلب موافقتج .وطلع اجت امي وتذب علي حجي وكل دقيقه وكالت متعافيه وكمتني واجه فراس ابو حلك الخايس وكعدوني بالاستقبال ويمي فراس
فراس-واخيرا راح اكدر استفرد بيج شهل جسم صغيره وهيج
بدي الزمه واخنكه ع هاذا حجيه كلش نقرفت منه
واجه الشيخ حته يعقدلنه بس جنت مسولفه لصديقتي بيان وكالت لمن يسائلج الشيخ كولي ماموافقه واشردي او ترحين تشتكين عليهم واني ضبطت اموري
الشيخ -سقب بنت ***** هل انتِ موافقه
سقب-ماموافقه
بابا واخوي وعمي وفراس كلهم بدهم يكومون ويسحلوني بس احترام لشيخ خليت وفلتت لغرفه وقفلته علي وطلعت غراضي لي احتاجه وموبايلي ونمت كعدت الفجر فتحت الباب ع كيفي وماشيه للمجهول
وكل شوي اكعدلي بمنطقه كلش تعبت طبيت بدربونه بيه مثل المدخل ضيك رحت تمددت بي ولكيت بزونه صغيره بقيت اتامله وماحسيت غير مره تضرب بوجهي
سقب-ها ها والله مامسويه شي
المره-شبيج خاله شجابج هنا
سقب-ها خاله جنت ادور ع اخوي ضايع ونمت
باوعتلي بشك كالت
المره-والغراض
سقب-خاله تحقيق خوما تحقيق
المره-كومي ارتاحي جوه بيتي
سقب-لا خاله رايحه اني
-المره تعاي ماما ارتاحي وامشي
سقب-اوقي
المره-شني هاي الاوقي
سقب-خاله اوكي بس بطريقتي الخاصه
ضحكت المره
طبيت لبيته جان بيت بسيط وحلو ونظيف ومعطر
دخلتني لغرفه نمت
وكعدت العصر سلمت عليه وتشكرته وكتله اني اروح كالت الله وياج
وصرت امشي بدرابين هواي واطب بفرع واطلع من فرع مدري وين رايحه مااندل شي صار اليل وكلش ظلمت امــشي بشارع وروحي رايحه وتعبانه من كد المشي ودنيا مطر واعثر من كد الظلام كعدت ارتاح واهوجس بيني وبين نفسي ع حياتي واقعي إلى وإن أتأخر الوقت وكشف الجو ماادري بروحي ساعات واني افكر وكمت امشي لمصيري لي مااعرفه لحد الان شنو وطبيت بمنطقه جداً راقيه وعباره عن سيارات عاليه وبيوت فخمه وشفت رجال صعد بسياره جان ضخم وملامحه حاده واني صافنه مامنتبه لنفسي مااعرف شلون وتقرب وخزرني خزره تسوه عمري
وبصوت
مهران-منو انتِ؟ وشكو هنا ومنين شجابج منو دازج؟؟
