‎ساكتب لك ما دمتُ حياً بينما مازلت اتذكرك

بارت7

بعد العشا
نايف راح لغرفة تغريد:ادخل
تغريد:تعال
نايف:بسرعه انتظرك انتي وصديقتك بالسيارة
تغريد:غريبة شعندك
نايف:بسرعة ترا ان تأخرتو بمشي
تغريد:تمام
نزل نايف للسيارة وتغريد راحت تنادي ملاذ
تغريد:ملاذ
ملاذ:هلا
تغريد:يلا نايف ينتظرنا بالسيارة
ملاذ:يلا بس ابي استئذن من ماما
تغريد:يلا على ما البس
ملاذ راحت ل امها
ملاذ:ماما
سحاب:عيوني
ملاذ:تسلم عيونك قلبي بس ترا بطلع مع تغريد
سحاب:مين بياخذكم؟
ملاذ:مع اخوها نايف
سحاب:طيب حبيبتي انتبهي لنفسك ولا تتأخرين
ملاذ اللي سلمت على راسها:ابشري
طلعت ملاذ لتغريد:ها جاهزه
تغريد:ايه يلا
ملاذ:يلا
راحو ركبو السيارة تغريد قدام وملاذ ورا تغريد
تغريد:ها ماقلت لي وين ماخذنا
نايف:مفاجئة
ملاذ:الله والمفاجأت
نايف:المشكله انتي اكثر وحده بتنبسطين
يلا وش تبون نشغل
تغريد:اللي تبي
نايف:يلا بشغل لكم خالد عبدالرحمن
شغل نايف خالد عبدالرحمن اللي صوت اغنيتة
امتلت السيارة وهو يغني بصوت واطي مع الأغنية

..وشلون مادري كيف روحين في روح
ماكنت اصدق باندماجك يالارواح

معقول احد يمشي معي وين ما اروح
معقول انا امشي معه وين مايروح..

وقف الاغنيه نايف لأنهم وصلو للمكان
ملاذ:وهي تشوف كنهم ب مكان للمزارع
وكذا:وين ماخذنا ليكون بتذبحنا
نايف:اقول بس انزلو
تغريد اللي عرفت المكان: الله
ملاذ:شفيك؟
تغريد:ماعرفتي المكان
ملاذ:لا؟
نايف:يلا خلصوني انزلو
ملاذ:اف طيب لا تعصب
نايف:باردين

نزلو ونايف طلع المفتاح من جيبه
ملاذ:تغريد ذا وين ماخذنا
تغريد:يبنتي اصبري بتعرفين
نايف:اخلصو لا تتهامسون ادخلو
ملاذ:والله ما ادخل ظلمه
نايف:اف ي الخوافه اصبري اشغل الضوء
ملاذ:خير ليكون تبي تتركنا برا لحالنا وتدخل
نايف:انتي ماعرفنا لك تبين تقعدين برا واشغل الضوء واجي ولا تدخلون معي
تغريد:انا عن نفسي بدخل من الجهه الثاني بروح اشوف العنود
ملاذ:العنود؟
تغريد:تجين معي بتفهمين
ملاذ:والله ما اجي ومافيه ضوء
تغريد:كيفك انا بروح
راحت تغريد وقعدت ملاذ عند نايف
نايف:ها ادخل اشغل الضوء واجيك؟
ملاذ:والله ما اقعد لحالي
نايف:ادخلي معي
ملاذ:ما ابي ظلمه
نايف:كيفك خليك برا
نايف تقدم بيدخل
ملاذ اللي مسكت ثوبه وهي تشد عليه:خلاص بدخل معك بس شغل ضوء الجوال
نايف وهو مبتسم:من اول طيب
ملاذ:يلا بسرعه شغله
نايف:يلا تمام
دخل وشغل الضوء
ملاذ:الله احصنه
نايف:ها ماقلت لك رح تستانسين
ملاذ:الله المزرعه حقت مين؟
نايف:بعدين اقولك الحين امشي اوريك الاحصنة
ملاذ وهي مستانسة:يلاا
نايف وهو يضحك:ماقلت لك
دخل نايف واشر على حصان لونه اسود: هاذا حصاني سطام
ملاذ وهي تمسح على راسه:الله ابي اركبه
نايف:يلا دقيقه اطلع لك الجام
ملاذ:الله صدق بركبة
نايف:وليش لا
طلع نايف السرج والجام وركبه على الحصان:يلا تعالي
ملاذ:بس مو كنه طويل شوي الحصان
نايف:ليه يمكن انتي القصيره هههههههههههه
ملاذ:اقول لا تخرب مودي
نايف:يلا طيب اركبي
ملاذ بوهقه:كيف بركب
نايف: ادري عنك
ملاذ:طيب ساعدني
نايف شالها وركبها على الحصان
ملاذ وهي مستحيه:شكرآ
نايف وهو مبتسم: العفو
بعد ماركبت ملاذ الحصان والعبو مع الاحصنة ملاذ وتغريد رجعو بعد 3 ساعات ب المزرعه

وهم ب السيارة نايف:ها ماقلت لك رح تستانسين
ملاذ:الله ابي كل شوي اجي هنا
تغريد:اي والله وناسه
نايف:ابشرو ماطلبتو شي
وصلو للقصر وهم متكسرين
دخلو وكل واحد على غرفته على طول ونامو نومه بعد كل ذا التعب

اليوم الثاني..
7:45

صحت ملاذ وهي تتذكر امس وش صار
وكيف شالها
ملاذ:معقول اللي ببالي لا لا مستحيل انا وهو كل ساعه هواش اقول بس قومي ادخلي الحمام وانتي ساكته
دخلت الحمام(الله يكرمكم)
طلعت من الحمام نزلت للمطبخ دخلت المطبخ وهي تشوف ظهر واحد طويل واقف عند الدولاب
لف لها:بسم الله
ملاذ:شايف جني
نايف:هدي مو من الصباح عاد
ملاذ:اقول وش تسوي
نايف:وش اسوي ادور لي فطور
ملاذ:تبي اسوي لك معي فطور
نايف:وش
ملاذ:كورن فليكس
نايف:مالقيتي غير ذا
ملاذ:كيفك تبي ولا لا تأكل
نايف:لا خلاص سوي لي
قعد نايف على الطاوله وهو يشوفها كيف كانت تسوي الكورن فليكس وشعرها الطويل البني اللي كان يجي على وجهها وتبعده
قطع سرحانة ملاذ:وش فيك
نايف:ها ولا شي
ملاذ:يلا خذه وكل
أخذه نايف
ملاذ:شرايك نتابع فلم
نايف:ليش لا
شغلت ملاذ ايبادها على فلم
ونايف اللي مو مركز بالفلم مركز عليها وعلى شامتها اللي تحت مبسمها وشعرها الطويل البني
ملاذ اللي كانت متوتره من نظراته لها وتحاول تشتت انظارها
ملاذ:يلا قلبي انا سويت الاكل انت غسل الصحون
نايف:اللي ركز على الكلمة:ها
ملاذ:اللي لاحظت انها جابت العيد وطلعت من المطبخ
نايف وهو يضحك:مجنونه

ان شاءالله عجبكم البارت و الجاي افضل🤍.