#جريمه حب مستباحه
بقلمي: نـور مـحـمـد
لاتنسون التصويت لطفا 🌿.
************************************
المشهد الاول
******************************
_ رحت المدرسه وصلت وبعده مداك الجرس حتى يبدي الدرس الاول فتشت كتبي ومالكيت دفتر الاملاء وطفرت بساع مدام محد طلعت لكيت الحارس واكف
الحارس: وين رايحه طبي جوه
_ عمو فدوه بس اجيب دفتري والله المعلمه تعاقبنه
الحارس: يلا بساع روحي وتعاي قبل لايدك الجرس
_ طفرت بس اركض وصلت يم الشارع والعالم تروح وتجي جان اكو ولد يم الرصيف كال
__تعالي اعبرج
_ اي عمو ، لزمني من ايدي وعبرني الشارع ضل لازم ايدي ويمشي وياي
__وين رايحه
_ عمو اجيب دفتري ، مطلني بالكاع يم الجينكو ومتبين صرخت ولزم حلكي طكيته دفره * وهوه صاح وخرمشته باضافري واشوف الدم على وجهه خفت من المنضر وهوه يا جبل متهزك ريح، يريد يتقرب وصحت
_اجه بابا، هوه باوع واني طفرت راد يسحبني ، واجه واحد سحبه وكام يصيح
___ ابن الكلب متبطل من هاي سوالفك
_كمت ورحت البيت وروحي طالعه وبنص الطريق واشوف ادم اخوي..........!
************************************
المشهد الثاني
************************
_ اجتي خالتي البيت واتفقت هيه وماما يرحن السوك، وراحو السوك ماما وخالتي و اني ضليت بالبيت وحايره شنو اسوي ، دخل موسى
موسى: حبيبتي سويلي جاي
_ صار حب ، دخلت المطبخ حتى اسويله جاي باوعت لكيت الجاي خلصان تأفأفت صعدت فوك المخزن حتى اجيب جاي لفت انتباهي باب السطح مفتوح مديت راسي شفت ثنين ولد باوعت عدل طلع عمي و ولد ثاني ويا، ونصدمت من شفتهم جاي يشربون مخدرات وكلبي صار يدك حيل من الخوف، وموسى يريد يطلع خفت اكثر و اخاف ابقى وحدي واثناء صفنتي وكف عمي انطه الولد ابره شلل، وبيده سجين ، ضليت مصدومه وبس اباوع مكدرت اتحرك دجه دجتين ب سجين، شهكت من هل منضر، سمع صوت شهكتي التفت يريد يباوع واني درت بسرعه وركضت اريد انزل ورجليه يرجفن وبهل اثناء التوت رجلي وما احس بشي غير ادهربت من فوك اليجوه ومحسيت غير اني طايحه بالكاع وايدي حسيتهه نشلت كمت اصرخ مادري بروحي من الوجع اجه موسى وادم بسرعه ركض عليه كمشني ادم من موسى وبعد ما حسيت بشي من الم ايدي........
************************************
المشهد الثالث
************************
_البيت كله نايم واني هم نايمه بس جنت نوعن ما كاعده لان طبعي ما انام بسرعه حسيت باب الغرفه انفتح هنا نرسمت جميع انواع الجنانوه براسي بس ياريت جني صدك،
ريحت الجكاير نملت الغرفه حسيت ايدين خشنه على ايدي ما جنت متوقعه هل شي نهائيّ بسرعه لفلف ايده على حلكي جنت ازاكط مثل الذبيحه الي تريد تخلص روحها ازاكط بين ايدينه ،
باوعلي وعيونه دور بكل ملامح وجهي كال
_عيونج الي تباوعلي نقطه ضعفي!!
_عيونج الخضر سحرني!!
_اني هنا ميته من الخوف عرفته حقير من نضراته الي ما حسيت غير بدل ايده وبالايد الثانيه بيهه وصله خلاهه على خشمي حاولت ما اشم بس الاسف ماكدرت......
وما حسيت بعد بشي، الى واني ب سياره بمكان مهجور
ـ كاعد يدخن وصافن علي وكال
ــ واخيرا كعدتي!
ـ باوعتله بتوسل وكلت والله ماسويت شي الك ليش هيج تعذبني! ماسويت ذنبي الوحيد رحت العرس وصار هيج عساني بالموت الله يخليك رجعنيييي
صرخت هنا وعسى ولعل واحد يسمعني بسرعه خلى ايده على وره شعري وجرني وكال
ــ لاتدعين على روحج اموت وراج
ـ ضحكت بعلو صوتي وكلت، الله ياخذك بحق محمد حوبتي ما تتعداك لا انت ولا خواتك، خواتك اعتبرتهن خواتي، مو قرايبنه وهيج يصير تالي تبتزني؟؟ وتهددني؟؟؟ لك انته ما تخاف الله ،
الله يطلعهه بخواتك كال
ــ ما علي باحد اني اريدج
ـ بهاي الحضه شفته يحجي بهدوء وراخي هيج مادري منين الله نطاني القوه
فتحت الباب جان ما مقفول ونزلت اركض مثل المسودنه بشارع ، امشي والتفت عرفته يركض وراي بس حيلي نهد ، وبخاخي مو وياي ضاك صدري من الركض وكمت اشوف كلشي اسود طحت وحسيت خدي وراسي صارن بالكاع وفقدت ومحسيت بشي بعد..........
************************************
يتبع 🦋.
************************************
الـڪاتـبـه نـور ❤.
حسابي انـسـتا : nt.5y
أنت تقرأ
جريمه حب مستباحه
Mystery / Thrillerماذا عن فتـاة وقعت بين يدين شخص مهووس بهـا حد الجنون تملك وعشق الطفوله! ماذا يحدث معي؟ بعد كل شي حدث لي!
