حَيَاَةْ القَلْبْ

☠️

•♡•البارت التالت•♡•

نور بخنقه: تمام
فهد مسك اديها وقعد وقعدها قداموا
فهد: بصي انا مكنتش حابب امد ايدي عليكي يا نور بس انتي كدبتي وانا مبحبش الكدب لو كنتي قولتيلي الحقيقه كنت هكلمك كأنك اختي وهفهمك الصح من الغلط واعملك زي ما الرسول  صلي الله عليه وسلم هعملك زي ما الرسول وصاني عليكي ومكنتش همد ايدي عليكي عارف اني مينفعش امد ايدي عليكي حتي لو عملتي ايه عشان اتشبه بالرسول بس انا مقدرتش امسك نفسي يا نور مقدرتش وانا شايفك بتطلعي وتسيبي البيت قدام عيني ولما ابويا ندالك مردتيش عليه وده اكتر حاجه غاظتني  بس انتي كدبتي وطريقة لبسك مش عجباني ولا هتعجب ربنا انتي بتعصي ربنا يا نور وبتتشبهي بالكاسيات العاريات يا نور فهمتك مره ومسمعتيش الكلام
نور فكرت ل ثواني وبعدين قامت نطت وشوحت بأديها كده
نور: بقولك ايه انت ملكش كلمه عليا ياض انت اما اعمل الي عايزاه والبس الي عايزاه محدش خد رايك وانا كدابه ومحدش ليه دعوه بيه كانت بتقول الكلام بسرعه
فهد: بس بس بس ايه كل ده
نور: ده الي عندي
فهد: هو ايه الي مليش كلمه عليكي بقا افهم بس
نو: ملكش كلمه عليا انت مين اصلا عشان تقولي البسي ده ومتلبسيش ده مين ها مين
فهد برفع حاجب: وبالنسبه لكتب الكتاب الي اتكتب ده مليش كلمه عليكي بردوا
نور: ايوه ايوه
فهد: ونبي
نور بخضه: اخي في الله انت اعرف عنك انك متدين والمتدينين مش بيمدوا اديهم علي ستات صح ولا انا غلطانه
فهد: صح بس انا مش اخوكي
نور: امااااااال
فهد برفع حاجب: جوزك. انا جوزك
نور: بجد والله بتكلم جد
فهد: بت انتي هبله وانا معرفش ولا ايه
نور: ايوه انا هبله انت اول مره تعرف ولا ايه
فهد وهو بيشد لحيته بعصبيه: متجننيش
نور: لا لسمح الله هجننك ليه
فهد: يلا يا ماما يلا عشان الفرح بكره
نور: نعم نعم فرح ايه الي بكره احنا هنهزر
فهد بأبتسامه مستفزه: اه شوفتي
نور بدموع: بتهزر صح
فهد: لا وهي ديه فيها هزار يلا يا عسوله روحي اقعدي مع البنات يلا يا ماما وابتسملها بأستفزاز وطلع
نور بتلف حولين نفسها في الاوضه
نور: اعمل ايه اعمل ايه اعمل ايه
نور بفرحه: لقيتهااااااااا
مازن: هي ايه
نور: بسم الله الرحمن الرحيم في ايه خضتني
مازن: هي ايه ديه الي لقتيها
نور وهي بتبص حوليها
نور: لا انا بس كنت عايزه تليفون عشان اعزم ص صحابي بس فهد واخد تليفوني
مازن مد ايدوا وادها تليفونوا: امسكي
نور بفرحه: شكرآ
مازن: هنزل اكل وخلصي وهاتي
نور بفرحه: اشطا
نزل مازن وهي داست علي بعض الارقام وطلعت بصت ليكون في حد
نور بدموع: فرحي بكره
: الف مبروك
نور: هو ايه الي مبروك بقولك فرحي بكره
جاسر: ماشي وانا بقولك الف مبروك
نور: مش علي اساس انك بتحبني وقولت هتيجي تاخدني ونتجوز
جاسر:لا ما انا خلاص لقيت واحده جديده احسن منك
نور بدموع: انت بتقول ايه
جاسر: زي ما سمعتي كده خرجنا واتفسحنا وكل ما اشوفك اديكي هديه والحمدلله علي كده يلا سلام يا قمر
نور ببكاء: استني بس انت بتقول ايه
ولم تجد الرد
مسحت الرقم بسرعه ومسحت دموعها
الباب خبط
حبيبه: سلام عليكم ورحمة الله وبركاته
نور وهي بتخبي دموعها: وعليكم السلام
حبيبه: قولي السلام كامل عشان تخدي الاجر
نور بقرف: ابعدوا عني بقا ايه ده
حبيبه بصتلها ببعض الحزن
حبيبه: انا حبيبه اخت ابيه فهد الصغيره
نور جت تشتمها بس
نور: هو فهد عندوا كام سنه
حبيبه: ٢٧سنه
نور: اممممم ماشي
حبيبه:وانتي
نور:٢٣سنه
نور وهي بتبصلها من فوق لتحت: هو الي انتي لابساها ده مش بتتخنقي منوا
حبيبه كانت لابسه ادناء اصفر ونقاب ملكي اسود
حبيبه: لا خالص
نور بتعب والدموع ظهرت في عيونها: تمام
حبيبه بصتلها: لو في حاجه ممكن تحكيلي و
نور بغضب: مش عايزه حاجه اتفضلي
حبيبه بصتلها ببعض الحزن وطلعت
نور فضلت تعيط لغايت ما نامت
اما في الاسفل
كان قاعد فهد بيقرأ قرأن وبيصلي