•♡•البارت الخامس•♡•
فهد ضحك: بهزر بهزر والله 😂ربنا يديك الصحه والعافيه ويديمك لينا دنيا واخره
الاب: يلا يا حبيبي قوم يلا
قاموا كلهم
وفهد صلي بيهم وكان صوتوا اقل ما يقال عنه جميل
كان يقرأ اوائل سورة العمرآن بصوت يكاد يبكي من جماله
وبعد وقت كبير خلصوا
نور: خلصنا
حبيبه: هنقرأ قرأن لغايت الشروق وكده يبقا كأننا روحنا عمره بالظبط
نور بنعاس وهي بتتاوب: بس انا عايزه انام خالص مش قادره
فهد وهو بيديهم المصحف: نخلص ونبقا ننام النوم مش هيطير
نور وهي بتتاوب: لا والله هيطير
لف فهد وهو ماسك ضحكتوا
حبيبه بضحك: اقعدي يا بنتي اقعدي
نور قعدت: امال فين مازن
حبيبه: قاعد مع بابا وفهد
نور: هو انتي لابسه النقاب ليه مفيش حد
حبيبه: لا مازن موجود
نور: مش مازن ابن عمك وابن عمي وراضع معانا عادي يعني
حبيبه وهي بتعدل النقاب: احترام بس هو مش عشان راضع معايا يشوف وشي كل شويه مش حاببه الموضوع مش برفعوا غير وانا بصلي بس
نور بصتلها بأحراج
حبيبه ادتها مصحف: يلا
نور مسكت المصحف وبدأت تقرأ
بعد وقت كان الشروق طلع وقعدوا وقالوا الاذكار
حبيبه ونور قاموا
فهد: ناموا شويه واصحوا الساعه تسعه عشان نقعد شويه مع بعض ونروح نصلي الجمعه في المسجد
حبيبه: حاضر يا ابيه
نور كانت واقفه وعيونها بتقفل
فهد بضحك: خديها خديها
حبيبه مسكت اديها ودخلوا الاوضه
نور اترمت علي السرير: اقول فيكي ايه يا حبيبه رجلي اتكسرت يااااااااااه هموت وانام
حبيبه: انتي لو تعرفي اجر صلاة القيام والفجر والله ما هتسبيهم كانت لسه هتقعد الباب خبط
حبيبه بصوت واطي بعض الشئ: مين
فهد: انا فهد ي حبيبه
راحت حبيبه فتحت ونور كانت لسه مقلعتش الاسدال
دخل فهد وحبيبه طلعت علي السرير قعدت جنب نور وفهد قدامها
نور بصدمه: ايه مش هنام😳
فهد بضحك: لا هقولك علي حاجه وهتنامي متخفيش😂😂
نور:اتفضل
فهد: بصي انا اسف اولا اني مديت ايدي عليكي
نور: لا عادي ولا يهمك
حبيبه: ابيه قولها فوائد صلاة الفجر
فهد: بصي يا ستي الي بيصلي الفجر بيحصل له امور عجيبه لو علمها لزحف الي الصلاة زحفآ صلاة الفجر هي عباره عن تأمين شامل يحميكي ويعوضك طوال اليوم انها تؤمن لكي يومك من المخاطر تمامآ قال رسول الله صلى الله عليه وسلم: من صلي الصبح ف هو في ذمة الله اي في حفظه ورعايته ان صلاة الفجر ستزيد عمرك بمقدار الثُلث تقريبآ
حبيبه: شوفتي
نور هزت راسها بأه
فهد: ان لم يكن اول قراراتك الاستيقاظ لصلاة الفجر في موعدها فلا قيمة لتخطيط باقي يومك فقد خسرت بداية النجاح
،،، وفي ثلث الاخير من الليل ينزل الله الي السماء الدنيا نزولٱ يليق بجلاله فيقول
١-هل من داعي فأستجيب له
٢-هل من سائل فاعطيه
٣-هل من مستغفر فأغفر له
نزلت دموع نور بندم انها كانت بتسيب الصلاه وخصوصآ صلاة الفجر
فهد باس دماغ حبيبه
فهد: يلا يا قمر نامي
نور بصتلهم بحب
فهد باس دماغ نور
فهد: ربنا يهديكي ليا واخد بأيدك للجنه
وطلع وسابهم
حبيبه بصت ل نور
حبيبه بضحك: مالك تنحتي ليه
نور: اخوكي قليل الادب
حبيبه بخضه:ليه كده
نور: باسني من دماغي
حبيبه ضحكت: ما هو جوزك خضتيني اوعي بقا عشان انام
نور اتخرت وحبيبه فردت جسمها ونامت
فضلت نور صاحيه
نور: هل الي بعملوا ده صح يعني البس الي كنت بلبسوا والي هلبسوا صح طب اسلوبي الي بتكلم بيه صح طب ان انا اكلم صبيان ده صح طب قعدتي هنا صح يعني حياتي صح ولا انا بدأت غلط طب اشمعنا حبيبه احسن مني عند ربنا طب انا مش بصلي ليه امممم طب فهد الشخص المناسب ليا احسن من جاسر بكتير ديه حاجه اكيده اممم طب لو عايزه اتوب ربنا هيتقبل مني علي كل الذنوب الي عملتها ديه كلها طب حبيبه بتكلمني عادي كده ليه وانا اول ما شوفتها كلمتها وحش ويعتبر جرحتها طب لبسي وان لما بلبس البس الضيق والقصير والشباب يبصوا عليا ده صح هل اسلوبي مع عمي اول ما شوفتوا كان صح هل ان انا بعيده عن ربنا ده صح لا مش صح
فضل كذا سؤال يخطر في بالها ومعرفتش تنام خالص
نور بضيق وصوت باكي: حبيبه اصحي ي حبيبه
حبيبه بنعاس: نعم
نور بصوت مبحوح من كتر البكاء: اصحي مش عارفه انام
حبيبه بصتلها: بتعيطي ليه مالك
نور اتخرت عليها وحبيبه حضنتها وفضلت نور تعيط بأنهيار
حبيبه بدموع:مالك طب حصل ايه
نور ببكاء وشحتفه: مش مش عارفه حاسه اني تايهه ومش عارفه اعمل ايه
حبيبه بدموع:طب قوليلي طب مالك
نور ببكاء: يعني انا لو عايزه اتوب ربنا هيقبلني بكل الذنوب الي عملتها ديه ده انا معملتش حاجه كويسه طول حياتي حتي محاولتش حتي محاوله اقرب من ربنا محاولتش طول حياتي وانا كل همي ازاي البس لبس حلو اخلي الناس يبصوا عليا وازاي ابقا احسن من صحابي مفكرتش مجرد تفكير ازاي اقرب من ربنا ولما كنت اشوف بنات منتقبات ومختمرات اقول ايه القرف الي عاملينوا في نفسهم دهفهد معاه حق ي حبيبه انا ازاي بابا كان شيخ شيخ وبنتو كده ده انا كنت بمشي بفساتين ضيقه اوي ولغايت قبل الركبه والناس يقعدوا يبصوا عليا الي يبص بأعجاب والي يبص بقرف وازاي ابوها شيخ وتلبس كده انا وحشه ربنا مش بيحبني يا حبيبه وفضلت تعيط
حبيبه بدموع: ربنا غفور رحيم ي نور واكيد هيغفرلك
نور ببكاء ووشها احمر جدآ
نور: بس انا عملت ذنوب كتير يا حبيبه انا كنت بخرج مع شباب وكنا بنتكلم انا والبنات ونتنمر علي البنات المختمره والمنتقبه
حبيبه عيطت علي عياطها: متعيطيش طب ونبي
حبيبه معرفتش تعملها حاجه وفضلت تعيط علي عياطها
في الخارج
كانوا قاعدين
الاب:فين حبيبه ونور
ام نور:تلاقيهم لسه مصحيوش
مازن:ادخل اصحيهم
فهد:لا انا الي هروح عشان لو حبيبه مش لابسه النقاب
مازن:انا اخوها
فهد:معلش تعالي يا امي
الام:ربنا يعلم يا ابني والله ما قادره
فهد باس دماغها
فهد:خلاص انا هروح
وقام قرب من الاوضه وسمع صوت عياطهم الاتنين اتخض خبط
حبيبه مسحت دموعها:مين
فهد:انا فهد يا حبيبه في حاجه ولا ايه حبيبه قومت نور
حبيبه:تعاال يا ابيه
دخل فهد ولقا نور عيونها ورهم من كتر العياط وحبيبه باين عليها معيطه
فهد بخضه: استر يارب في ايه
حبيبه:منامتش من ساعات ما دخلنا وعماله تعيط
فهد:لا إله إلا الله ليه يا نور مالك
نور كانت بتعيط وخلاص
حبيبه حكتلوا علي كل الي حصل
فهد ابتسم
نور ببكاء كالطفله وغضب طفولي: شايفه اخوكي بيضحك عليا ازاي
فهد طلعت منه ضحكه رجوليه
نور دورت حوليها علي حاجه بس ملقتش وراحت ماسكه المخده وحدفتها عليه
فهد مسك المخده وهو بيضحك
فهد: خلاص متعيطيش وقوليلي انتي مالك
نور دموعها نزلت اكتر
فهد راح قعد قدامهم
فهد بحنيه:طب خلاص متعيطيش مش هضحك عليكي تاني انا اسف متعيطيش بقا
نور ببكاء: ربنا مش هيسامحني ي فهد انا عصيتوا كتير وارتبط اكتر من خمس مرات وانهارت في البكاء
فهد:ربنا غفور رحيم ربنا بيحبك عشان عايزك ترجعيلوا تاني يا نور واسكتي بقا هحضنك حرام عليكي والله
حبيبه: ليه يا ابيه حرام ليه انت جوزها
فهد: مش حرام بس مش كل شويه هي مره يوم كتبت الكتاب وخلاص بح بعد الفرح بقا
نورببكاء: شوفت انا بقولهم ايه وهما بيقولوا ايه انا هدخل النار وفضلت تعيط ربنا مش هيسامحني عشان كنت بظهر لحمي للناس وكنت بتريق علي البنات المنقبه والمخمره
حبيبه بأستغراب:مخمره ايه هي عجينه
فهد مسك ضحكتوا بالعافيه وشاور ل حبيبه انها تستكت
فضلوا قاعدين لغايت ما نور تبطل عياط
فهد باس دماغها بحنيه
فهد
فهد:تعرفي انا فرحان بيكي
نور وهي بتمسح دموعها بطفوليه:ليه
فهد رجع شعرها ورا ودنها:التأب من الذنب كمن لا ذنب له يعني انتي هتبدأي مع ربنا من جديد وهتصلي زي الشاطره وترجعي من الاول وتوبي ل ربنا
نور ببكاء:بس انا كبرت
فهد:لا ولا كبرتي ولا حاجه ده لو عندك ٤٩سنه وعايزه تتوبي هتوبي عادي بصي كان الرسول بيحكي وبيقول
(ورأيت رجلآ من امتي قد هوى في النار فجائته دمعته التي قد بكي فيها من خشية الله تعال فاستنقذته من تلك النار🥺)(يا الله)(اللهم اني اعوذ بك من عذاب النار)
فهد مسح علي لحيتوا وبعدين مسح الدموع الي عماله تنزل من عيونها بحب وقال:يقول الله تعال: قال اخرجوا من النار كل من دمعت عينيه دمعة ولو مثل رأس الذبابه خشية مني اخرجوا من النار كل من خاف في مقامي)
فهد مسحلها دموعها:دمعة واحده؟تطفئ بحور من جهنم نور دموعها نزلت اكتر وكأنها تمسح ذنوبها وشهقتها ارتفعت
فهد ابتسملها بحب وقال:قال رسول الله صلي الله عليه وسلم:عينان لا تمسهم النار عين بكت من خشية الله وعين باتت تحرس في سبيل الله
نور ببكاء:يعني ايه
فهد:مش انتي بتعيطي خايفه من عذاب ربنا
نور هزت راسها بأه وهي بتعيط
فهد:وده معني عين بكت من خشية الله اما عين باتت تحرس في سبيل الله دول الظباط الي بيحرسوا الناس بليل وبيشتغلوا فهماني
نور هزت راسها بأه ودموعها بتنزل
فهد:وفي حديث اخر وعين غضات عن محارم الله
كانت حبيبه بتبص ل اخوها بفخر
ونور دموعها نازله بحرقه دموع (التوبه يا اخي ف الله)
فهد:خلاص بقا بطلي عياط
نور مسحت دموعها وابتسمتلوا بأمتنان
فهد باس دماغها بحنيه
فهد:نبدأ صفحه جديده مع ربنا ونبتدي نصلي من جديد وملناش دعوه بالي راح اهم حاجه الي جاي
نور قامت:حاضر
فهد:البسوا وانا هستناكوا بره
حبيبه ونور:حاضر
فهد طلع وعلي وشوا ابتسامه
ابوه:ايه يا ابني التأخير ده
فهد:جاين يا ابي بيلبسوا
الاب:ماشي اصلا لسه بدري
وقعد فهد وكانوا بيتكلموا في الدين وعلي وشهم ابتسامه
كانت حبيبه بتلبس اسدال عشان تصلي بعد ما اتوضت
نور بأحراج وبعض الدموع:طب وانا هلبس ايهكانت حبيبه بتلبس اسدال واسع خالص ولونوا اسود
حبيبه:بصي الاربع اسدالات التانين في الغسيل استني وراحت قلعت الاسدال وطلعت ادناء ليها وادناء ل نور
نور:الله ايه القمر ده
حبيبه:ده ادناء
كان لونهم اسود وفيهم زنط
نور وحبيبه لبسوا حبيبه لبست نقاب تندا اسود وخمار اسود
ولفت ل نور الخمار وكانوا شبه الملايكه بعيونهم البني الاتنين شبه بعض اوي كأنهم اخوات عيونهم بني تقيل اوي ومتكحلين بشرتهم بيضاء وشعر نور طويل ولونوا بني فاتح وشعر حبيبه متوسط ولونوا اسود
حبيبه ظبطت ل نور الخمار ولبست هي النقاب وكانت واقفه تظبط نفسها في المرايه وكانت نور بتبص عليها وفجأة نور
نور:وانا
حبيبه بصدمه:وانتي ايه
نور:.........
سوري انا رخمه 🖤🌚😂
ونكمل البارت الجاي بأذن الله
هل تعلم
لما حد يقولك(تسلميلي)هتردي تقولي(سلمك الله من كل سوء) ♥️
أذكر الله وصلي علي النبي✅☘
أنت تقرأ
حَيَاَةْ القَلْبْ
Lãng mạnبصوا هي روايه جميله جدا وانا متاكده مش بشكر في نفسي والله بس انت هتخش وتشوفوها بنفسكم لان انا عمري ما هكتب وصف في روايه علشان ما احرقلكوش الروايه قبل ما تخشوا وتقراوها وما تنسوش تتفاعلوا وتقولوا لي رايكم واحب اقول لكم ان في كذا حد سارق روايتي دي مش...
