ف بيت بو راشد
بعد صلاة العصر
غرفة سيـــــــــــــــف
سيف هالشهر ما كان ع الدنيا حتى الجامعه ما قام يسير لها وعطوه انذارات وباقيله انذار واحد وبيطردونه وهو ولا مهتم 24 ساعه دمعته ع خده ضعف ولا يهتم ف اكله كأن مو عايش ف الدنيا
هو احينه كان يالس ع شبريته ومسكر كل اليتات ومبطل الابجوره وماسك صورة فطوم وهي حاضنته,,ودموعه كلهم ع خده
سيف حضن الصوره" يارب يسر امرها يارب ارحمني يارب شو اسوي والله والله لو بغت عيوني والله ما ببخل عليها يارب ارحمني وينج يا فطوم وينج يا غناتي تمسحين دموعي وينج وين صوتج الحنون وين النور الي كنت اجوفه كل يوم ع صلاة الفير وين لمسة ايدج الي الواااااحد لو كان مجروح يكون دواه وين كلامج الحلو فطوووووووووووووووووم يا ربي ارحمني وقومها ورجعها لنا ياررب يارب" ونزل راسه وصاااااااااح
اما تحت شوق كانت ميته من الصياااااااح هاي اربيعتها واغلى وحده ع قلبها فطوم استولت ع الكل خذت قلووب ملاييييييين الناس مو قلب واحد كانت اتصيح من كل خاطرها اتصيح ع اختها وحبيبتها وع ولد عمها وحبيبها كيف حاله صاير مااتعرف شو اتسوي" ااااه يا فطوم والله اني احبج اكثر عن اختي حصه فديت قلبج والله ياربي رجعها لنا رجعها ورجع البسمه علينا فديت منطوقج الي يشفي الجرووح اه فديتك يا سيف فديت روحك انا لازم اسوي شيء بتصل عليها يارب اترد بس كيف اترررد وهي ف الغيبوبه" واتصييييييح كانت هي روحها يايه بيت عمها كانت اتي كل يوم بيت عمها وتطبخ لهم الغدى والعشا اما الريوق البشكاره روحها اتسويه يعني شوق استوت وحده من أهل البيت ولازم كل يوم يجوفونها فقامت عسب تاخذ عباتها واترد البيت وع العشا اتي,,بيتهم مجابل بيت عمها,,وهي سايره فوق جافت حجرة سيف قلبها تقطع قوت عمرها وسارت صوب حجرته وعدلت وقايتها ودقت الباب
