صريم الخوف

البارت 18

بقلمي انا
لـ رقيـه
﴿صريم الخوف ﴾

.كافي يعيوني بطلي البچي
حتى النامو بل نچف من القهر طلعو

لـ رقيـه
.............................................................

كلام سلطان كان مثل الصاعقه بل نسبه الية
احس تهت بمدامه منو اني؟؟ منو اهلي؟ معقولة اني بنت حرام؟

سلطان::اول وتعالي راح تعرف هية تصير بت منو!

اياد:: سلطان مو وكته اذا عرفت

بعده حسيت بوشه بذني وفقدت
كلامهم خلاني اتئكد اني بنت حرام
بس ليش؟ هيج رب العالمين يكرهني؟ مو احنى وصاية الرسؤل؟ ياربي چا ليش يوميه تشوف دموعي وما تساعدني؟
مو انت خالقني هيج تئذيني؟
اني تعب ولله أخذ عمري وخلصني مااريد اعيش
فدوة ربي ولله تعبتت جبت عمري كلهة معلعلة لا ليلي ليل ولا نهاري نهار شو كضيتهة من مصح لمصح نوب من سجن لسجن!! وهسة اطلع بنت حرام؟ شنو ذنبي اني ربييي أخذ عمرييي فدوة لسمك
ولله خلصت طاقتي ولله تعبت اني
ربي اذا تحبني أخذ روحي وخلصني من الضيم
اهلي ويننن؟؟ شوف عبدك شصاير بي لا أهل بيهم خير ولا اخوان بيهم خير ولا دنيه بيه خير

مسحت دموعي بعد ما نفتح الباب وخلصت من العتاب باوعت على الگانونه الي بيدي نوب باوعت على سلطان
ودموعي رجعت تنزل..
. الغريب يحن عليه واهلي گسروني؟
تقرب بحذر
وهوة عيونها ملاينه خوف! صرت ما اثق باي شخص بعد الي شفته من اخوي
رجعت راسي ليوره
سلطان:: شون صرتي؟
اليمامه:: برئيك شوني؟
سلطان:: تعدي وداعتج تعدي وتصير سوالف
اليمامه::  واني خلص عمري اسمع بس تعدي وتعدي
سلطان:: مضل شي بنيتي وكلشي يخلص وترجعين حره
هزيت راسي ودرت وجهي واني اريد اسئله عن الي سمعته بس احس صعبة! شيكلي صح انتي بنت حرام؟
مااريد اسمع هيج شي غمضت عيوني بقوة وحسيت انفاس تلفح وجهي
فتحت عيوني بصدمه واني اشوف سلطان مقرب وجه عليه
بتعدت بفزع وأصيح
اليمامه::- شبيككك تخبلتتت؟؟؟ كلكم نفس الخيسه والطينه اريد واحد خير بيكم ماكووو من غسل الي غسلكم ولي من وجهي

بتعد عني وعيونه أكلت شفايفي اكل رجع باوع على عيوني وخزرته
قهقه بخفه وطلع من الغرفه ما تحملت ورجعت ابجي على حضي هوة اي شخص يساعدني لازم يريد مقابل هوة هذا حضي الغبر
ويامن يكعد رجعت الممرضه تضرب ابره بل مغذي وبعده رحت بنوم عميق ما كعدت إلى ع صوت يمي
فتحت عيوني بتعب وشفت نيران واياد بتسمت مجامله وتقربو يسئلون عن حالتي
طمنتهم وبعدة كال
اياد:: لازم ترجع للمركز لين بعد اسبوع المحكمه مالتج ولازم ادلة بيدي
ردت نيران بهدوة
::- سهلة أن شاء الله ناخذ صور الآثار وملف من المستشفى
هز راسة اياد واجتي نيران تساعدني
بدلت وخلصت خلو كلبچات بيدي وطلعت وياهن
بسيارة الشرطه
شعجب سلطان ماكو؟
اول ما صعدت بل سيارة شفته كاعد بل صدر
صارت عيني بعينه وخزرته وهوة ضحك اياد ونيران ستغربو بس محجو شي
رجعت للمركز
واول ما وصلت
خلوني بل مكتب واجتي نيران بيدهة ادوات
طلع اياد وسلطان تقربت بهدوء رفعت راسها عليه
::-لا تخافين بس أخذ للي أريده وخلص
اليمامه::- سوي كلشي بس اهمشي اطلع منا
هزت راسها وبدت تشتغل احس روحي راحت وهية تحفر الدوات بجسمي سحبت الفانينه وخليته بسنوني اعض بيه تخليني ارتاح وترجع تسوي
أخذ صور وبعدها شمرت نفسي على التخدم الموجود تقربت صارت تضمد بيدي
خلصت منه وراحت جابت بطل معرف مال شنو بس مبين قوي
طلبت ارفع راسي
ستغربت من طبله نوب عرفت صارت تطبع شون البوسات على ركبتي متئذيت مثل ما تئذيت بيدي خلصت وأخذت صور
رفعت البچامه مالتي وصارت تئذي برجلي احس روحي ماعت ما تحملت صرخت بقوة وهية بتعدت رجعت راسي وصدري يصعد وينزل
رجعت. تأخذ صور
وضمدت رجلي اردفت بحزن
::-اسفة لين اذيتج بس علمودج ولله
مرديت عليه بس هزيت راسي
عدلت نفسي وكوة امشي بعد ما اجتي الشرطيه تأخذني لسجن
فتحت الباب وشمرتني سدت الباب وراحت وهيج مرة اليوم الأول والثاني والثالث لحد ما خلص السبوع واكفه كدام القاضي
نصدمت لمن عرفت نيران هية المحاميه الي تأخذ قضيتي عيوني رحت على اهلي الي كاعدين
كوة كاضه نفسي من أنهار
رجعت باوعت على سلطان الي اكلني بنضراته
وبصفه اياد يخليني اطمن بابتسامته
اكو فرق بين اهلي وبين الغريب
هلي لچموني ودمروني
الغريب داوة كل چرح بجسمي
هلي خلوني ليلي ما نامه
الغريب يخاف عليه من نسمت الهوة
اخ يا هلي اخخ
صارت نيران تنطي أدلة انو اني مو مريضه والي صار مو برادتي بسبب اخوي!
تقربت بكل ثقه ورزانه شعره الاسود الي واصل لحد ركبته صوت الگعب وهية تتقرب من القاضي وتنطي الملفات وتحجي بثقه وصوت عالي
نيران::- ونفس ممكتوب بل تقرير حضرت القاضي انو وگيلتي ليست متهمة بجريمه القتل وكذالگ توضح الصور انو وكيلتي تعرضت الى الاعتداء من قبل اخوه ال....

مخاله تكمل المحامي الي جايبلي اهلي ضدي يحجي بصوت سريع ويخزر ب نيران الي كانت تقابله بابتسامه وثقه
::- كل الي حجته جذبب وين اكو اخ يعتدي على أخته وهية مريضه خبله ..
كان يحكي بعصبيه خايف نفوز القضيه واصير من صالحي!
صح القاضي بصوت رزن وهوة يمتلك اعصابة ضرب عدت ضربات على الميز الي أمامه
::- سكوتت أكملي حديثك
بستمت نيران ورجعت أخذ ملف وردي قدمته للقاضي والقاضي انطاه ل واحد يمه خلاه بل حسابة وضل يباوع
بعدها بتعد وصار القاضي يباوع ونيران تحجي بكل ثقه وهدوة
::- وگذالك حضرت القاضي موكلتي متعرضه إلى العنف من قبل زوجه والده

::-  اين مصداقيه كلامك؟
نصدمت لمن نيران اخذت قرص وانطته إلى القاضي والقاضي هوة بنفسه فتحه جانت شاشة جبيره
وصار ينعرض عليه فيديو بيوم شيماء جوتني بيدي
وفيديو ثاني لمن صرت انزل واعيط رادت تذبحني
وفيديو ثالث لمن رادت تشمرني من فوك
فيديو رابع لمن شمرتني من الدرج
ما تحملت كميه الخذلان والقهر وكعت ابجي
راد سلطان يجيني والقاضي صاح
::-سكوتت لحد يتقرب
كوة سيطرت على نفسي رجعت اباوع على اهلي ابوي خالي من المشاعر امي تبجي
شيماء تباوع بخبث عليه وجه اصفر
فززني صوت القاضي وهوة ينطق الحكم
::- حكمت المحگه أن المتهمة اليمامه كاضم جواد  ببرائتها حتى.....
بعد ما سمعت شنو كال ونفجرت ابجي
سكت القاضي ورجع نطق
::- سكوت رچاء
احس نفسي بحلم ما  مصدكه سجدت كدام  الكل بل كاع ودموعي بعدها تنزل
وصدمني لمن القاضي كال
::- حكمت المحكمه على المتهمة شيماء ..... ........

يتبع.........
.

اعتذر عن قصورة البارت
وكذللگ عن التئخير افاعي
اني كاتبة أكثر من بارت اليوم دزيت البارت لليمامه تشوفه وكالت انشري
رجعت دزيت هذنيج الباقيات
حتى انشر سوة بس مردت عليهة وهاي صار اله اسبوع مختفيه بالي يمهة
وارجع اكول اعتذر لين البارت قصير

قناتي تلي
https://t.me/jduxhsix