حور:بدموع هو ليه بيعمل معايا كدا عملتلو اي انا عشان يتحكم فيا زاي ماهو عايز
شيماء:بحزن انا اسفه
حور:بتتاسفي على اي هو انتي الي غلطي
شيماء:انا
ادهم:اتفضلي ادخلي ياشيماء ماما عايزاكي
شيماء بتبص لحور بحزن انا داخله
دخلت شيماء وسابت ادهم وحور
حور:بدموع عايز اي
ادهم:هو انا نفسي افهم انتي بالقمصه
حور:بشهق لا انا مش بالقمصه بس انت الي مزوده معايا
ادهم:باستغراب مزوده في اي
حور:كانك عايز تتحكم فيا مكنتش المستشفى الي تخليك تعمل كدا معايا انا ممكن اخده منك بطريقه تانيه ومش جايه تاني وماما رحمه الحمد لله اتحسنت علي الاول ممكن اكلم دكتوره تانيه تيجي تكمل علاجه وانا ممكن اساعد بس مش جايه هنا تاني
ادهم:وانتي فكرك ان امي هترتاح مع حد غيرك
حور:بتمسح دموعه انا اسفه مقدرش اكمل بالطريقه دي
وجت تمشي ادهم وقفها
ادهم:حور
حور وقفت مره واحده لأنه اول مره تسمع اسمها كدا بصوتو الهادي
حور:نعم
ادهم قرب لعندها
ادهم:انتي مش عايزه تعرفي انا عملت كدا ليه
حور:ليه
ادهم بهدو:لارا وراها سبب انها ترجع تاني وانا عايز اعرف السبب عشان لما قالتلي اني منتظره قولتلها الكدبه دي عليهآ لانها هتتدايق اكتر وهتفكر انها تخليني ارجعلها تاني
قطاعته حور
حور:ممكن سؤال
ادهم:اسالي
حور بتوتر:انت كنت منتظر رجوعها يعني لسه بتحبها
ادهم:بابتسامه هو انا لو منتظرها كنت طردتها من الفيلا والا كنت قولت انك خطيبتي وبعدين انا نسيتها من زمان مبقتش في حياتي من اصلو دي واحده بتهري ورا الفلوس وبس فانا عايزك تساعديني
حور:اساعدك
ادهم:اه تمثلي معايا انك خطيبتي وأننا بنحب بعض طبعا هي هتتدخل وتيجي تعمل نفسها ندمانه وبتحبني وده كله عشان الفلوس وبعد كدا هيحصل بننا مشاكل وهي هتحاول تعمل نفساها ندمانه وطلعك انتي من حياتي وقتها انا هعرف هي رجعت ليه وعايزه اي قولتي اي هتساعديني بس تاخدي بالك محدش يعرف بالخطه ولو حد سالك تقولي انك خطيبت ادهم البشلاوي تمام
حور:بتفكير :ممم مره واحده
حور:عندي شرطين
ادهم :اتفضلي
حور:وهي بتلف حوليه ممم اول شرط انك متتنرفزش عليا خالص ومتتامرش عليا و متجبرنيش على حاجه وتتكلم معايا كويس ده الشرط الاول
ادهم بستهزاء:ده الاول والتاني ان شاء الله
حور:اه ومتستهزاش بيا الشرط التاني
اتكلمن بسرعه
حور:عايزه شكولاته
ادهم بنرفزه:نعممم
حور:انا قولت اي في الشرط الاول متتنرفزش وبعدين انا والله الشكولاتات الي جبتها من كام شهر انا اكلت منها شويه والباقي اديتو لداده فتحيه تديهم لاحفاده والله قولت اي موافق على شروطي
ادهم:انتي اشترطي وانا كمان عندي شرط
حور:بتذمر طلب وشرط كمان اي شحات وعايز فطيره
ادهم:بتقولي اي
حور:والا حاجه الشرط اي
ادهم:متقوليش كلمه غول دي تاني بتنرفزني
حور فضلت تضحك جامد
حور :ههههه هههههههه هههههههه اه يابطني يعني انت بتسمعني وانا بقولها
ادهم :ليه شايفاني مبسمعش ده الكلمه بتخرق ودني وبطنش بعمل نفسي مسمعتش حاجه
حور:خلاص موافقه وانت
ادهم:موافق بس الشكولاته واحده بس ومش هتاكليها كلها هتاخدي جزء بسيط وانا هاخد الجزء الثاني
حور:انت بتحب الشكولاتات
ادهم:جدآ
حور:بجد يعني بتاكل زينا
ادهم:ا نعم انتي مجنونه انا مش بشر زيكو والا شايفاني مصاص دماء
حور:لا بس يعني بحث انك غريب في وضعك كدا فكرتك مبتكولش الا الاكل الصحي بس مبتجبش الحجات الي برا دي
ادهم:بضحك جامد والله انك مجنونه انا باكل كل حاجه والاكل الي برا بس اكل البيت طبعا احسن من الاكل الي برا فعشان كدا بحاول ابعد عن لاكل الي برا والحجات التانيه
حور كانت مركزه على ضحكته ومركزه في كل كلمه قالها
ادهم:حور ياحور
حور:هاا نعم
ادهم اي الي نعم سرحتي في اي
حور:والا حاجه قولي كدا اتفقنا هنعمل اي تاني
ادهم:احنا لازم نعمل خطبه عديق كدا بس عشان ناكد اننا مخطوبين بجد
حور:تمام تعالا بقاا نقول لماما رحمه الكلام ده
انقطاع مكالمه فديو لحور
حور: يابنت الازينا لسه فاكره عليكي تتصلي
بصت لادهم انتظرني دقيقه ارد على التليفون
ادهم:تمام
حور:يا كلبه البحر متتسليش ده كله عليا
رزان:والله بحاول اتصل بيكي بس حظك مش حلو بتحصل حاجه مبعرفش اكلمك اصلك منحوسه
حور:بس يابت انتي دا انا عسل وحظي زاي الفل بس انتي بتدوري على حجه يامعفنه
رزان:بت لمي لسانك الي زايك ده بدل مقطعهولك
حور:بضحك مش لما تطوليني الاول
رزان:هطولك متخفيش
حور:ازاي
رزان:انا رجعه مصر ان شاء الله بكره
حور:بفرحه بجد والا بتهزري
وده كله ادهم واقف وسامع كل كلامها
رزان:بجد والله وعايزاكي تيجي تقبليني في المطار
حور بضيق:بكره مش هعرف
رزان :ليه ان شاء الله
حور بسرعه:بكره خطوبتي
رزان:من ورايا ياواطيه متقوليش ماشي لما اجيلك صبرك عليا بس قوليلي هو حلو
ادهم سمع الكلمه وابتسم وخبا ابتسامته مستني حور ترد
رزان:مردتيش ليه ليكون مش حلو ها والا يكون في عيب خلقي يانهار ابيض
ادهم انصدم من الي سمعه ومستني حور ترد
حور بسرعه:لالا مش كدا خالص زاي ما انتي مفكره
رزان:مال اي قوليلي هو عامل ازاي والا لما اجي اشوفه واساله انا بنفسي
ادهم في نفسه:الاتنين دول مجنين وربنا اي لما اشوفه هتسالو بنفسها دي يعني هتيجي تقولي انت حلو ولا لا ده عالم مجنين شكلهم كدا
حور بتبص لادهم
حور:هو حلو
رزان:بس لا اوصفي
حور:بضيق لما تيجي ابقي شوفيه
رزان:لا اوصفي
حور: بتوتر احم هو ابيض وعيونه زايتونيه وبصي انا هبعتلك صوره ليه او ابقي شوفيه بكره ابعدي عني ونبي
رزان:واو عيون زايتونيه كملي يابنتي واي تاني
حور:وربنا هقفل اسكتي
رزان:خلاص ياختي سكت شكلك بتغاري ههه
حور بضيق:هقفل
رزان :خلاص مش هتكلم عليه تاني خليكي معايا انا مين هيقابلني لاني عايزه اجي على خطوبتك على طول وانا مش هعرف لنفسي
حور:اه صحيح
بعد تفكير من حور
حور:بصي انتي طبعا عارفه سامر
رزان:ابن عمك صح
حور:صح انا هخليه يقابلك تمام
رزان:تمام سلام وهبقا كلمك عشان اعرفك هطلع الطياره امتا
حور:سلام
قفلت حور
حور بصت لادهم بتكلم نفسها :يخربيتك يارزان هتجبيلي مصيبه انتي
ادهم:يلا
حور يلا
راحو لعند رحمه وفهموها على كل الخطه وافقت على الخطه وحور بتكلم سامر
حور:الو
سامر:نعم ياحور
حور:انا طالبه منك طلب
سامر:اتفضلي
حور:رزان راجعه مصر بكره وعايزاك تقابلها انت وتجيبها لاني مش هعرف وهقولك السبب لما اروح
سامر:حاضر ياحور :سلام
حور:سلام
تسريع الاحداث
خلصت حور وبدها تروح
رحمه:وصل حور
ادهم:كدا كدا كنت هوصلها
حور:ليه شايفني مبعرفش اروح لنفسي
ادهم:الي هنعيدو هنزيدو الوقت اتأخر وخدي بالك خطوبتنا بكره مش ملاحظه كدا
حور:دي كد
وسكتت مره واحده وقالت
حور:يلا عشان عايزه انام
ادهم:يلا
تسريع الاحداث
ادهم وصل حور
حور بعتت لسامر ينزل يكلمها تحت
سامر:خير
حور:خير الحمدلله تعالا وقعد عشان اقولك على موضوع مهم
سامر:قولي
حور حكتلو القصه من اولها وحكت على الخطه كلها كمان
سامر:يعني بكره هتعملو خطوبه
حور:ايوه
سامر:عشان كدا مش هتعرفي تقابلي صحبتك
حور:ايوه بضبط
سامر:بصي انا مش هقولك حاجه بس خدي بالك من لارا دي ممكن تعمل حاجه فيكي
حور:متخفش عليا بس انا بطلب منك طلب تاني
سامر:اومري
حور:عمي اتغير والله روح صالحو وكلمو هو زعلان اوي اوي ومش شوفتو من زمان بيطلع من اوضته
سامر بهدوء:حاضر ياحور حاجه تانيه
حور:بابتسامه لا روحلو بقا
سامر طلع لعند والده وخبط عليه
سامر:ممكن ادخل
محمد:ادخل
سامر:أغلى الناس بيعمل اي
محمد:بفرحه سامر
سامر:عامل اي
محمد:الحمد لله وانت يابني
سامر:بابتسامه زاي الفل
محمد:سامحني يابني
سامر:خلاص بقاا الي فات مات
محمد:ربنا يديمك ليا يابني ويريح قلبك يابني يغالي
سامر:يارب
ملحوظه
سامر والده مشفوش بعض من بعد وفات هبه وسامر كان زعلان من والده بس دالوقتي كل حاجه اتحلت وبقو كويسين
في جهة تانيه
_كدا ختطنا ماشيه كويس بس مش عايزه حد يعرف بالموضوع ده
لارا:متخفيش محش هيعرف سلام
_سلام
Stop
تتخيلو لارا كانت بتكلم مين ؟
وياترى اي الي هيحصل في مقابله رزان وسامر 🤔
هل حور وادهم هتنجحو في الخطه والا في حاجه هتتغير؟
جاوبو في التعليقات
واتمنى الفصل يكون عجبكم لان الفصل ده كان يعتبر كله عن حور وادهم
لاتنسو التصويت والا رايكم في الروايه أصلا 😂
دمتم في رعاية الله وحفظه
الكاتبه:جيون مين يونغ ♥︎
