مهدي : ضحكت وكتلها هسه اتحضر واجي .
روح : ولا يهمك انتضرك منا لمن تخلص .
مهدي : لا تتلكوكين ، رحت بدلت ورجعت لكيتها متمدده على الجربايه ، جريتها من خشمها واضحك على صوتها من تضغط على الحرف من تلفضه .
روح : هأي ڜپيك .
مهدي : گلڜي ماپيه .
روح : عضيت أيده وعافني .
مهدي : يلا كومي تأخرنا .
روح : بس اني جوعانه .
مهدي : تردين سم وزقنبوت .
روح : لعد مااروح .
مهدي : ام بطن كومي اني اجيبلج اكل بالسياره بس كومي ،
طلعنه وصعدنه بالسياره ومشينه نص الطريق ، شتردين راح انزل للأسواق .
روح : اريد حليب ونستله وكرواسون وارييدد جبس ابو الالف واريد قوطيه ببسي وكهوه هم وجيبلي علج وكندر واريد .....
مهدي : ماتردين شيب الخلفوني بعد ، شو خلصتي المحل على ايدج .
روح : طيب شيب الخلفوك ، ماحسيت بس الركعه اجتي على راسي .
مهدي : حجابج وين ، انتي ملحده متكليلي .
روح : ترا اني مو محجبه لو نسيت انتَ ؟ .
مهدي : مانسيت بس ماعندي بنيه تطلع وياي بدون حجاب .
روح : تريد بعد عبايه .
مهدي : شو انتي مستفلته ولج ، ويله راح اوديج للمدرسه عقاب الج ماكو مشتره وراح انطيج مصرف بس ربع .
روح : هذه الربع اشتريك بي .
مهدي : عصبت على كلامها ، نجبي .
روح : اقصف ولا ابالي .
مهدي : يلا ولي وصلنه ، نزلت وجانت زعلانه رجعت للاسواق واشتريت كلشي رادته ،
ومريت على مكتبه اخذت الها كارت وكتبتلها الف عافيه وسم وزقنبوت ببطن عدوينج ،
وصلت لمدرستها وجان هستوه دك جرس الفرصه الفاصله بين درس ودرس ،
اخذت أمر من المدريره تجي تأخذ مني العلاكه ، جتي وجانت فرحانه ،
ها ام بطن جبتلج 4 كندر اتهني بيهن ام كرش .
روح : شكراً عيني متقصر ، حجيت واني رافعه خشمي بس جنت فرحانه ماخيب املي .
مهدي : رجعت للبيت وارتاحيت شويه ورحت للشغل ، اشتغل مهندس وراتبي خير من الله ،
صار وقت يخلص الدوام مال روح ، تأخرت يله رحت ،
شفت الشارع فارغ وما شفت روح ولا الها اثر دخلت للمدرسه بس العامله وكالت كلهم طلعوا ،
لكيت كم بنيه سألتهم كالو طلعوا من زمان واحنه ضالين علمود الدرس الإضافي ،
