الكاتبه زينب الشمري
تلاگينه وشلون ملكه تلاگينه
عيون تحجي وگلب يحجي
كلشي يحجي، وماحچينه
لطفا لاتنسون التصويت والتفاعل
قراءه ممتعه
.............................................................
سديت الاتصال و درات وجهي نصدمت بل شخص الكدامي صفن عله عيوني وراد يحجي
-انت مو بت ابو سيف
درات وجهي ومشيت سمعت حجه و يدردم راجعت الحفله يم خاله
ام رهف: وين جنتي يمه
سيرين: جدي اتصال و راحت جاوبته
ام رهف: هاا خوش لعد
راحو عقدو البنيه و رجعت كاعدت شويه وكالو راح يدخل العريس
داخل والولد حلو ومرتب البسو الحلقات و الذهب وطلع صارن يركصن البنات
نبأ: كومي خلي نركص
سيرين: عيب بابا حنه خطار يعني مو كرايبهم
نبأ: ماا مااا اريد اركص
سيرين: انجبي من نرجع البيت اذا سيف ماموجود اني اشغلج اغني ونركص
نبأ: اوك اوك
شويه وام العروس اجت تحجي وي خاله
ام العروس: يا ام سيف صدوك خلي البنات يركصن
ام رهف: هنه يستاحن مايركصن
ام العروس: يله يمه كومن اركصن
طفرت نبأ سحبت من ايده
سيرين: تسلمين خاله بس ما نريد نركص
ام العروس: هاي هيه يوم بكيفجن
دارت وجه عل خالتي
ام العروس: اكول ام سيف انت عندج بس اثنين بنات هاي الحلوه منين
ام رهف: حبيبتي سيرين بت اخت زوجي من البصره
ام العروس: يا هلا بيج حبيبتي
سيرين: وبيج اكثر حبيبتي
راحت تقربت الخاله
ام رهف: شبيج خاله
سيرين: اني باجر راجع
ام رهف: لا يمه وين باجر ترجعين تره ماصار هواي من اجيتي
سيرين: خاله انت اتعرفين جدي وهاي لان يحبني مخليني اجي هوه الو بيده اصلن مايطلعني من البيت
ام رهف: خوش يمه اني احجي وي خالج
باسته بخده ضحكت
سيرين: اخخ بويه جكد احبج
راجعنه نتفرج عله البنات شلون يركصني كلهن مايعرفن هاي لو اني سديت المكان بركصي كملت الحفله اخذت البشت و طلعنه اتمشى شفت نفس الشخص واكف بل باب حجيت بصوت ناصى
نبأ: اخخ بويه شوف الصاك
سيرين: نبأ كدامي بدون صوت لا اكسرج
مشت بدون صوت داخلنه البيت سحبته من اذنه
سيرين: منو الصاك هذا هااا
نبأ: شبيج عنيفه هذا ابن ابو دلهم
سيرين: يعني نفسهم اصحب البيت
نبأ: اي عفيه والله العائله كله صاكه
سيرين: نبأ تعلمي حتلوه من عجبه بشخص لا تحجين كدامه حته تبينين ثكيله الشباب يمشون واره الثكل
نبأ: اخذ بنصيحتج يله ادخلي
"سمر"
اليوم خطوبت اختي وصديقتي الوحيده حيل احبه
اليوم هيه اسعد وحده من اخذت الشخص الي تحبه بعد عناء طويل كملت الخطبه
داخلت البيت بعد مالكل طلع شفت دلهم و اكرم كاعدين بلصاله راحت يمهم
سمر: عليكم الله شلون طلعه
اكرم: ولج انت تشبهين قوطيه الببسي
سمر: اكرممممم
انتبهت عله دلهم صافن راحت كاعدت يمه
سمر: هااا دلهم شنووو شبيككك
اكرم : اسكتي خلي يفكر بل حب
سمر: منو هاي
دلهم: هاي ام الفستان الاحمر
سمر: قصدك الي اجت وي ام سيف
دلهم: اي هيه وين عرفتيه
سمر: لان هيه الوحيده البسه احمر واحله وحده بل حفله حته احله من نور
دلهم: هيه بت ابو سيف
سمر: لا ماتوقع لان اعرف ابو سيف عنده بنات اثنين مو تلاث تجي ماما واسالها
شويه وداخلت ماما
سمر: ماما
ام دلهم: هاا ماما كولي
سمر: هاي البنيه الي اجت وي ام سيف هم بته هيه غير عده بس بنات اثنين
ام دلهم: لا يمه مو بته هاي بت اخت زوجه ومن البصره يعني جايه ضيفه هنا
سمر: هااا اوك
طلعت ماما حجه
اكرم: طار اول حب من ايد دلهم
دلهم: اذا اريده الو مو بل بصره هم اجيبه
اكرم: ندري بيك كده
سمر: دلهم لا تتعلق بل بنيه يمكن مو من نصيبك
عافنه وراح هزز يده اكرم
اكرم: والله يالله هذا من اول اللقاء وكع اذا شافه مره ثانيه شنو يصير
سمر: يجيك يوم ونتشمت بيك اروح ابدل
