لكاتبه زينب الشمري
رسمتك ع الضباب الحاضن الشباج
وتانيت النده و ما لحكت تعبان
كلت شيصي انام وعادي ما رسمك
الضوه ماله خلك يعبر من البيبان.
قراءه ممتعه
......................................................................
اخذ النتائج وطلعنه نضحك الزم ايدي باسه كدام كل المدرسات
شفته ونصدمت حيل
سيرين: سمر
انتبهت عليها اجت تركض حضنتني ضحكت وحضنته
سيرين: ولج مشتاقتلج
سمر: يروحي اني اكثر والله
واخرت عني شافت النتائيجه
سمر: بشري ناجحه
سيرين: اي ومعدل عالي
سمر: شكد معدلج
سيرين: امم احزري انت
سمر: 96لو 97
سيرين: هههه 97
حضنتي وضحكت
سمر: الف مبروك تستاهلين يروحي
سيرين: الله يبارك بيج
محمد: يلا بابا
سيرين: اي حبيبي يلا سمر بعدين نحجي
سلامت عليه ومشيت شفت دلهم يباوعلي و يخزر بيها ابتسم بوجه ومشيت
محمد: هاذا منو الولد الي وي سمر
سيرين: هذا اخوه الجبير اسمه دلهم يشتغل وي بابا بمكافحه الارهاب
محمد: خوش يلا تعاي بمناسبه نجاحج اليوم افرج بغداد كله
سيرين: واووو يلا ماكووو لاا بس انطيني جهازك
اخذته اتصالت على بابا
الاكبر: هااا بويه انطوكم النتائج
سيرين: باباااا ناجحه وبمعدل عالي حيل
الاكبر: الف مبروك يروح ابوج
سيرين: باباا معدلي 98
الاكبر: اعرفج شطوره عفيه بنتي الهديه من اختيري اجيبه الج
سيرين: شكراً حبيبي ماريد والله الاخير السنه
الاكبر: لا مايصير اني مشتريه من زمان
سيرين: اوك براحتك حبيبي اني و محمد راح نفتر شويه
الاكبر: خوش انطيني محمد
اخذ جهاز مني يحجي قفله وشغل السياره وكوفنه كدام مول
محمد: يلا انزلي
سيرين: اي
افترينه بلمول حلوو حيل صعدنه القسم الملابس
محمد: تعاي ندخل الهذا المحل
سيرين: لا اريد هذا المحل
محمد: بابا هذا محل رجلي
سيرين: حتلوه اريد
محمد: هاي لان ناجحه راح امشيه الج
داخلنه اخذت هواي تشيرتات احب الوان اسود وابيض اشتريت اكبر من قياسي حته يطلعن طول
محمد: وين تردين بعد
سيرين: جوعان اريد اكل
محمد: امشي ام بطن
نزلنه القسم المطعم
محمد: شنوو تردين بابا
سيرين: اريد بيتزا و مشاوي
محمد: هاي شلون خبطتي هيج اكلتين
سيرين: يلا ياحبيبي
صاح النادل وطلب منه اكل
محمد: اي ولج بعد ماكول العب بداء الصدك وانت تردين معدل عالي
سيرين: اي والله
محمد: خوش يابه اني وياج وابوي هم اي شي تردين يجيج ياقسم تردين داخلين
سيرين: اريد تحليلات حيل احبه وهذا حلمي من الطفوله وانت تعرف
محمد: ان شاءلله تدخلين راح نصير تلاثه طبيه
سيرين: صح اني وانت صيدله كملت و علي الاكبر تخدير
جابو الاكل اكلت و داخلت الحمامات غسلت وطلعت اعدل بشعري
محمد: يلا بابا
سيرين: اي حبيبي
طلعنه الزم ايدي واليد الثانيه شايل كل الملابس داخلهم السياره وصعدنه
سيرين: اريد حلويات
محمد: خوش بويه
وكفنه كدام محل كلش حلوو وراقي نزلنه
محمد: السلام عليكم
-وعليكم السلام
محمد: شنوو تردين
سيرين: اريد دونات و اريد كنافه و اريد وافل بلشكولاته
حجه وي صاحب المحل انتضرنه شويه واكملوهن اخذنهن وطلعنه صعدنه بسياره راجعين البيت نص الطريق وكفت السياره
محمد: راح اجيب اكل واجي
سيرين: اوك حبيبي
نزل جاب اكل وجه داخلنه البيت حضني بابا وباس خدودي
الاكبر: الف مبروك يروح ابوج انت
سيرين: الله يبارك بيك حبيبي
الاكبر: يلا بابا روحو صلوو
صعدت الغرفتي بدلات و صليت نزلت الكيت محمد يرتب بالاكل
محمد: بابا تعاي رتبي الطاوله
سيرين: اي عيني
رتبنه وبابا بعده يقره قران شويه وداخل
الاكبر: شنوو اليوم مدلليني
سيرين: اذا ماندللك ندلل منوو
محمد: تره اني رتبت الاكل انت بس نقلتي
الاكبر: عفيه اثنينكم بش لا تتعاركون على السفره
