انا اعرف ارسم شرايك نسوي ميكب لنا عشان يضبط الدور صح
نايف : تحمس وقال تم
نامو بدري وصحو على الساعه اربع الفجر لبس ثوبه نايف وقال لخالد انا بنقز بروح اجيب الاوراق
خالد : ام وانا بسوي شي ناكله على ماتجي
راح نايف عند صاحبه وسلم عليه وقال الاوراق جاهزه ؟
صاحبه : جاهزه بس بشرط ذي يبي لها مبلغ كبير تزوير ذا موب لعبه
نايف : معليك بس هاتها
واخذ الاوراق وراح الشقه لقا خالد مجهز الاكل ويتابع التلفزيون وقعدو ياكلون واذن الفجر تحمسو اكثر وراحو يصلون وبعدها يلبسون ولحسن حظهم ماعندهم شنب الا خفيف واشقر بعد شالوه وسوو الميكب وطلعو فعلا كانهم بويات وراحو على رجولهم ووصلو المدرسه
نايف : تذكر الحادثه الي راحت وتضايق ونفس
خالد : حس ان نايف فيه شي
خالد : نايف فيك شي
نايف : لا مافيني شي وتنهت
دخلو المدرسه وطلعو جو بوقت الطابور وقفو بجنب الطابور وكان الكل يناظر فيهم نايف ارتبك من نظراتهم قال لخالد خل نمشي عند الاداره لما راحو رن الجرس دخلو عند الاداره وقعد ساعه على مادخلوهم عند المديره دخلو وقالو السلام عليكم
المديره وعليكم السلام شبغيتو
ريناد : حنا ناقلين وذي ملافاتنا
المديره : ناظرتهم وقالت وش سبب النقل
ريناد : نقلنا بيت جديد ومدرستكم قريبه من عندنا
المديره: على حظكم فيه كرسيين فاضين حق صبا وحلا هنا
ريناد : تجمدت مكانها تناظر رند ورند تناظرها
المديره : فيه شي ؟
رند : لا مافيه شي وين فصلنا
المديره: ثاني ثاني فصلكم
طلعو ومنسده انفسهم والمدرسه كبيره وتايهين فيها طلعو فوق لقو اربع بنات
راحو لهم
رند : سالت وين فصل ثاني ثاني
نوف : ذا فصلنا شتبون فيه
ريناد : وذا فصلنا بعد اخلصو قولو وينه
نوف : رفعت حاجبها من كلامها قالت شدعوه شفيك منفسه وذا اول يوم لك
ريناد : استغربت شدراها ذي ان ذا اول يوم لهم قالت شدراك ان ذا اول يوم لنا
نوف : ياعيني انا اعرف كل بنات المدرسه وانتم اول مره اشوفكم ف واضح انكم جديدين
ريناد : ماعطت اي ردت فعل لكلامها
نوف : حست ان الوضع صار صمت وبتلطف الجو
قالت ما عرفتونا عليكم
رند : انا رند ال سعد وذي ريناد ال سعد
نوف : انا اسمي نوف وذي بنت خالتي ساره وذي يارا وذي غلا
ساره : حنا هاربين شرايكم تهربون معنا
رند : تحمست وقالت تم
ناظرتها بسرعه ريناد ونوف فهمتها من نظراتها وغيرت الموضوع وقالت كنسل خل نرجع الفصل
دخلو الفصل رند وريناد قالو السلام عليكم ووراهم شلة نوف
الاستاذه وقفتهم كلهم على جنب وعطتهم اوراق شلة نوف عارفين الروتين وطلعو برا يكتبون مخالفه
الاستاذه : وانتم
ريناد : وش حنا ترانا تونا جديدين ماقلنا بسم الله حتى علطول مخالفه مراح نكتب شي
نوف : كانت برا وتسمع كلام ريناد ومنبهره بشخصيتها
الاستاذه : خلاص هاتو الاوراق وعرفو بانفسكم
ريناد ال سعد رند ال سعد
الاستاذه : يلا اجلسو هناك اخرشي طلع نوف وساره قدامهم
نوف وراها رند وريناد قدامها ساره
جو شلة نوف وجلسو رند كانت تسولف معمم عكس ريناد الي بس حاطه راسها ع الطاوله
نوف : اشرت لرند شفيها ريناد
رند : رفعت كتوفها ب مدري
وقعدو يكملون سوالف ودخلت عليهم زينب العماري
نوف صاحت
الانستا s7hsfx
أنت تقرأ
لقيتك بعد كل الخساير عوض لقلبي
Acciónيسافر نايف ويجيه اتصال من مدرسة اخته ويكتشف اشياء اثناء رجوعه
