Love In Arrangement (Completed )

3

එතකොට මම මෙයත් එක්ක මේ රූම් එකේ අද ඉදන් තනියෙන්ද ඉන්න ඕනේ??

නම විතරක් දන්න කෙනෙක් එක්ක එක රූම් එකක ඉන්න වෙන නිසා මගේ හිතට දැනෙන්නෙ  ටිකක් අමුතු හැඟීමක්  .හොස්ටල් වල හිටියත් කොල්ලො 4ක් හිටිය නිසා ඒක ගානක් නෑ..ඒත් මං කොහොමද මෙහෙම කාමරේක මෙයත් එක්ක ඉන්නෙ.මට රාජපක්ෂට කියල මේ මාළිගාවක් වගේ තියන ගෙදරින් එක පුංචි ම පුංචි කාමරයක් ඉල්ල ගන්න බැරි වෙයිද?

දැන් මගේ හිතේ නොසන්සුන් ගතියක් නෑ කිව්වොත් ඒක පට්ට පල් අමූලික බොරුවක්.ඒත් මම මගෙ හිතට ඒත්තු ගැන්නුවා ඒ ඉන්නෙ මගෙ හස්බන්ඩ්  කියල .

Arrrrrgh.....මූ මගේ හස්බන්ඩ් උන එකම තමා මෙතන තියන ලොකුම අවුල..

" දිගටම ඔහොම හිටගෙනම ඉන්නද චූටි මහත්තයාගෙ කල්පනාව,ගිහින් වොශ් එකක් දා ගත්ත නම් හොඳ නැද්ද?"

ආකේන් එහෙම කියනකොට තමයි මට මතක් උනේ තාමත්  හිටගෙන ඉන්නෙ  දොරගාව  කියල.
මම ඉක්මනින්ම මගෙ බෑග් අවුස්සලා ටවල් එකකුයි ඇදුම්නුයි අරන් වොශෲම් එකට රිංගගෙන දොරත් ලොක් කරගත්තා.ඒත් පොඩ්ඩක් ඉන්න..මොකක් කියලද ආකේන් මට කතා කරේ..??

චූටි මහත්තයා..ඒක මතක් වෙනකොටත් මට දැනුනා මගේ කන් වලින් දුම්දානවා වගේ..ඒ කියන්නෙ ඉතිම් මගේ මූණ රතු වෙනවා කියන එක..එහෙම්මම කන්නාඩි ඉස්සරහට ගිහින් බලනකොට තක්කාලි ගෙඩියක් වගේ මගේ මූණ රතුවෙලා..

"eww...යසට හිටි මට මේ මක් වෙලාද??පියවි සිහියට වරෙන් රුචිර"..

මම එහෙම කියල කම්මුල් දෙකට පොඩි තට්ටුවක් දාගෙන පියවි සිහියට එළඹෙන්න උත්සාහ කරා..
නිදහසේ විනාඩි 30ක් විතර හොඳට නාගෙන එළියට එනකොට ඇඳ උඩ ගෙම්බා පොළවෙ ගහල වගේ ආකේන් ඉන්නවා.එයාට නින්ද ගිහිනුත් එක්ක..

'දැන් මොකද කරන්නෙ මං මෙයාට ඇහැරවන්න ඕනෙද? ඉන්න හැටි හැල ගෙම්ම්බෙක් වගේ..eww...ගොබිලයා ...
ම්හුක් මං නම් ඇහැරවන්න යන්නෙ නෑ එයාට ඕන වෙලාවක නැගිටීනෙ'

එහෙම හිතල මං කන්නාඩි මේසෙ ළඟ තියන ස්ටූල් එකේ ඉඳගෙන මගේ තෙත කොන්ඩෙ පිහදාන්න පටන් ගත්තා.

කන්නාඩි මේසෙ තියෙන්නෙ ඇඳට ඉස්සරහා.ඉතිම් කන්නාඩියෙන් ඇඳ පේනවා.මම කොන්ඩෙ පිහදදා ඉන්නකොට මං දැක්කා ගොබිලයා හීනෙන් වගේ නැගිටල වොශෲම් එකට යනවා.