#زَهِرَة_قَسًـنٌطٌـيّنٌة💔🥀 :
#بقلمي_ميموشة💔🥀:
#الحلقة_الرابعة 💔🥀 :
عمار :و غير نتوما لي عندي قوليلي يا خداوج الأمانة جابوها لبنات ٫تفقدتيها ؟
خداوج :ايه جابوها الحاج ولحمد لله ليوم متلاقاوش بالعسكر فات كلش بلخف مطولوش ٫بصح متفقدتهاش قلت جي نت وتشوفها بنفسك
عمار :لحمد لله ياربي ٫معليش ضك نقعد ونشوف هذي لمرة وش بعثو السلاح لازم يطلع كامل للجبل هذو ليامات الثوار راهم معولين ان شاء الله ونتهناو من هذو لكلا..ب لي نهبونا ونهبو بلادنا
خداوج :ان شاء الله ياربي من فمك لسيدي ربي
....كان حديثهم هذا أثناء دخولهم لدار نحى قشابية تاعو مدهالها علقتها ونحى لڨوداس تاعو(اكرمكم الله )قبل ميدخل لدار تبسم في وجه بناتو لي كانو يستناو فيه بالماء السخون والمنشفة باش يغسل روحو ويريح رجليه شوية سلم عليهم بلوحدة يضحك ويڨصر معاهم وهوما واقفين عند راسو شاف فيهم وشاف في خداوج وسقساها بضحكة
عمار :هاه يا خداوج ويناها لعروسة
خداوج :لالة لعروسة راهي على ذراعك ليسر
عمار :كلشي بلبراكة ان شاء الله كبرت بنيتي ولات مراة وراح تتزوج وتروح لدار راجلها
خداوج :راك تشوف يا سي عمار بناتنا لي كانو يلعبو العشونة وسط الحوش كبرو رجعو نساء والخطابة عليهم
....حطت نجية سربيتة في حجر بوها وجريت لبيتها ميتة بالحشمة مخلية لكل يضحك عليها والديها فخورين بتربيتها تلمو مرة ثانية على طاولة لعشاء وتعشاو في جو حنين وسهرو شوية مع بعض وكل واحد شد بلاصتو
...في بيت لالة خداوج وسي عمار كان هو قاعد فوق لبساط لي تفرش فوق لبوشليڨ و طاولة صغيرة من لحطب قدامو وهي جابت لقفف لي جابوهم لبنات وحطهتم قدامهم و هدرت برقة
خداوج :هاهم الحاج الأمانة
عمار :الله يرضا عليكم دنيا وآخرة
....فتح لقفف وفيريفا كامل صوالح لي فيه وتبسم بارتياح وهو يشوف فيهم رجع نقل شوفاتو لخداوج وشد يدها باسها
عمار :السلاح هذي المرة راه بزياد ورصاص ثاني غدوة نطلع لجبل نوصل الامانة لأهلها ونحرص عليها بنفسي من يدي ليد ثوار
خداوج :ربي يكون في عونك يا سي عمار غير بلاك على روحك
....شدها من يدها وباسها عليها وابتسامتو البشوشة على وجهو و هدر بنبرة مبحوحة وحنينة
عمار :الله يرحم هذو اليدين لي رباو وخرجو زينة بنات قسنطينة ان شاء الله في القريب العاجل يخرج هذا الإستدمار من بلادنا (علاش قلت استدمار وماشي استعمار بيسك ببساطة الاستعمار جاية من التعمير وهذا شيء مدارتوش فرنسا في بلادنا بلعكس شعبنا عاش غير النهب والتجويع و القت...ل والتعذ.....ب والاستدمار جاية من الدمار وهذا هو شيء لي دارتو فرنسا في بلادنا )
خداوج :أمين ياربي من فمك لربي يا سي عمار ويتهناو أهلنا وولادنا
_______________________________
أنت تقرأ
زهرة قسنطينة
Fiction généraleحصريا و لأول مرة و فقط على كرونيكات الديزادونسيات الفلفلات الأصلي للبنات فقط 🇩🇿🇹🇳🌶 #حسبي_الله_ونعم_للوكيل_فلي_تسرقهالي_ولا_تسرق_فكرة_لكرونيك #ممنوع_النقل_دون_اذني💔🥀: #بقلمي_ميموشة💔🥀: #بعنوان : #زهِرة_قــــــًسًــــــــنـــــــٌطيــــ...
