بارت.. جديد.. ان شاء الله يعجبكممم...
ولا تنسون تصوتون وتعلقون...
﷽.. ونبلش...
ــــــــــــــــــــــــــــــــــــ
محمد: البقيه بحياتچ!
إيناس: ضليت صافنه بوجهه لا اخذ ولا انطي عقلي گام يوشوش علي.. شنو كال البقيه بحياتچ.. هذا يحجي وياي..؟ لا لا اكيد حسن مستحيل يسويها ويموت... دموعي مثل الشلال على خدودي.. واني لسا ما مستوعبه كلام الدكتور.. اريد اخذ النفس
معد اكدر...
ريبر: قربت عليها.عيونها بس يذبن دموع وهيه واكفه تباوع للدكتوره... احسها مصدومه... خطيه والله كسرت گلبي... صدرها كام يعلو ويهبط...
إيناس: لا... حباب.. مستحيل يسويها.. لا هزيت راسي.. واني ما ريد اصدك مستحيل يعوفني حسن..
طلعوا.. الأطباء والبنات يبچن.. ضل باب الغرفه مفتوح وحسن مغطينه بقماشه بيضه.. عيوني يتوسعن شويه شويه... لاااااا.. حسوني وليدي لا تكسر ضهري.. حبااااب لا والله مكدر لا تكسرني لك حسنننن....
ريبر: خليت ايدي على راسي.. وگمت افتر بالممر ود راحتلها تريد تهدي بيها. وهاي ملخت روحها.. حسيت قشعريره سرت بكل جسمي. من صرخاتها وشون تعاتبه.. والله كل كلمه تكولها احس.. مثل سهم
ويجي بنص گلبي.. مدري ليش..
إيناس: وخروووو... حسوون ما يعوفني.. ركضت عالغرفه.. ورحت شلت القماشه عن وجهه...
اخخخ يا روحي.. انته سوده علي حبيبي.. وجهك الحلو هيج يصير بي.. ولك حسن حبيبي اكعد خلي نرجع للبيت. والله ارجع من وكت اليوم.. حسوني يا روح اختك. انته... اكعد حباب والله مكدر على فركاك.. ولك يأذوني اذا عفتني.. جنت متحاميه بيك من عمامي.. ولك حسن مو عيب تعوفني وتروح.. انته مو گلت اني ما عوفچ.. اهز بي واريد بس يكعد ويكلي نوسه. خلي نرجع سويا.. للبيت..
نوسه بدونك ولا شي حسوني.. وين تريد تروح وتعوفني...
ود:بدموع.. إيناس.. حبيبتي والله مو زين هيج تسوين..حاولت اسحبها.. وهيه ولا كأن..
إيناس: شلووون.. شلون ترديني اصدك... شلون اصدك ولكم هاي روحي... ولكم مكدر انام اذا ما احس بيه بين ضلوعي.. اني ربيته والله..والله اني ربيته ولج صار عمره 10 سنوات.. وهوه حسباله اني امه...
شلووون بس كلولي شلون اكدر افاركه وهوه كل ليله يمشط شعرييي.. يا نااااس يا عاااالم....شلوووون اصدك حبيبي حسون وهوه بهالعمر.. يلفه الكبرررر
ااااااخ يا روحي.. انته...
ريبر: اباوعلها.. واحس روحي صارت نار عليها....
ولمن اخذو جثة اخوها... تخبلت ملخت بروحها.. شالها وكع.. والبنات، حواليها..يهدن بيها... رحت ركض.. وسحبت ود.... اضربوهاا ابره مهدأ...هزت راسها.. وركضت عالردهه.. تجيب ابره... وعطت بالعالم الي واكفه وتباوع... شنيييي مسريحه.. كلمن على شغله يلله... ... ضربوها الأبره.. وود عدلت الشال مالها...اخذناها.. ع.. المكتب.. وخليتها انه عالقنفه.. بقينا اني وود وسامر يمها...
